Íslenska deildin ekki síðri þeirri norsku?

Fótboltaáhugamenn hafa oft heyrt það eða lesið undanfarið að íslenska deildin sé ekki lakari en þær skandinavísku - m.a. frá landsliðsþjálfaranum - og reynt þannig að réttlæta val þjálfarans á leikmönnum sem spila hér heima.

Nú í kvöld er leikin heil umferð í UEFA-keppninni með þátttöku nokkurra liða frá Skandinavíu - en engu frá Íslandi. Sigur Brann á spænska liðinu vekur óneitanlega mesta athygli svona í þessum samanburði við landann - ekki síst vegna þeirra fjölda Íslendinga sem leika í liðinu (en komast ekki í landsliðið).

En það eru fleiri lið frá Norðurlöndunum að gera það gott í UEFA-keppninni, sem sýnir styrkleika skandinavísku deildanna. Danmerkurmeistaranir FC Kaupmannahöfn var t.d. að vinna lið frá Moskvu í kvöld og það á útivelli.

Þá var efsta liðið í Svíþjóð þessa daganna, Kalmar, að vinna góðan útisigur á hollenska stórliðinu Feyenoord sem er auðvitað saga til næsta bæjar.

Að lokum má nefna að nú er hálfleikur í leik Bröndby og Rósenborgar og staðan 0-1 fyrir norska liðinu. Sá leikur segir eflaust nokkuð til um styrkleikamun norsku og dönsku deildarinnar, þeirrar norsku í hag en reyndar hefur danska deildin verið talin sterkari undanfarin ár.

Eitt er þó víst. Norska, sænska og danska deildin eru miklu sterkari en sú íslenska.

Kannski hefði verið nær fyrir landsliðsþjálfarann að vera á leik Brann í Bergen í kvöld, í stað þess að vera að fylgjast með leik HK og Grindavíkur. Hvern ætli hann annars hafi verið að skoða. Eystein Hauksson?

 

Ólafur skoraði í glæsilegum sigri Brann