Dæmigerð vitleysa?

Enn er þjóðernishyggja og hroki íslenskra athafnamanna samur við sig. Enn er sett ofan í við danska aðila sem leyfa sér þá ósvífni að fjalla um íslensk efnahagsmál á gagnrýninn hátt. Hvernig dirfist þeim þessum Baunadjöflum?!!!

Annars er það næsta fyndið þegar menn, sem greinilega hafa ekki hundsvit á íslenskri setningarfræði og/eða almennum stílbrögðum, fara að kenna öðrum í þeim efnum.

Frétt Dananna er nefnilega fullkomlega eðlileg og rétt í alla staði. Það er enginn munur á því hvort hér sé notaður viðtengingarháttur eða ekki, enda breytist merkingin í orðum forsætisráðherra ekki neitt - og ástandið hér á landi jafn alvarlegt og látið er að liggja í fréttinni, ef ekki mun alvarlegra (enda hlutverk ráðamanna að fegra ástandið).

Hvaða fyrirbæri er þetta almannatengslafyrirtæki KOM annars - og þessi athuguli starfsmaður sem um ræðir!!?

 

//

Til baka

 

Leiðrétti fréttir danskra fjölmiðla af bankakreppu

Athugasemdir

[Eirikur Sigurdsson (IP-tala skráð) 7.10.2008 kl. 15:48]

Eins og fram hefur komið er víst ekki um það að ræða að viðtengingarhátt vanti í dönsku þýðinguna, eins og missagt var á vefsíðu KOM. Í umfjöllun á vefsíðunni er því miður almennt röng merking lögð í hvað felst í viðtengingarhætti. Það breytir því hins vegar ekki að í upphaflegri þýðingu Ritzau á ummælum Geirs var enn sterkar til orða kveðið en hann í raun gerði, enda hefur Ritzau sent frá sér leiðréttingu. KOM er að sjálfsögðu skylt og rétt að benda á þessi mistök í málfræðilegri greiningu sinni og biðst velvirðingar á þeim. Leiðrétting er þegar komin upp á vefsíðu KOM.