Að velja í landsliðið

Það getur oft verið snúið að velja í lið, hvað þá í landslið. Í þessari frétt segir frá því að sex af átta Íslendingum sem leika í enska boltanum séu í byrjunarliðinu hjá liðum sínum.

Athygli vekur að þeir tveir sem eru það ekki eru báðir landsliðsmenn, þeir Hermann Hreiðarsson og Heiðar Helguson. Heiðar er reyndar meiddur en kemst hvort sem ekki í liðið þótt ómeiddur væri. Hermann hefur ekkert leikið með sínu liði síðan deildarkeppnin hófst eins og svo glögglega hefur komið í ljós í leikjum landsliðsins í haust.

Hins vegar eru menn eins og Jóhannes Karl hjá Burnley að standa sig betur en lengi áður og er orðinn fastamaður í liðinu, sem hefur staðið sig ágætlega það sem af er. Þá er auðvitað spurning hvort ekki eigi að leita aftur til Ívars Ingimarssonar um að leika með landsliðinu en Reading, með hann sem fastamann, hefur verið á miklu skriði undanfarið.

Og ef við lítum til Norðurlandanna þá stendur nú yfir leikur Gautaborgar og Kalmar, sem er efst í sænsku deildinni. Staðan er 0-1 fyrir Gautaborg og skoraði Ragnar Sigurðsson markið. Hann er greinilega heitari en bekkjarvermirinn Hermann Hreiðarsson. 

Sex Íslendingar í byrjunarliðum í dag