Hermann spilaði fyrri hálfleikinn í 0-3 tapi!

Já, þeir eru að gera það gott íslensku landsliðsmennirnir í fótbolta. Arnór Smárason vermir reyndar bekkinn í landsliðinu rétt eins og hjá félagsliðinu en Hermann spilar alla leiki landsliðsins og er þar meira að segja fyrirliði.

Hemmi fékk núna að vera í byrjunarliðinu hjá félagsliði sínu, eftir að hafa setið á bekknum nær alla leiki liðsins til þessa, enda stillti það núna upp með fimm manna vörn. Þó gekk ekki betur en svo að Portsmouth var niðurlægt af Sporting Lissabon 3-0. Hermann var svo heppinn að vera tekinn af leikvelli í hálfleik en þá var staðan aðeins 1-0 fyrir heimaliðið.

Líklega fer nú sætið að hitna undir Redknapp gamla enda hefur liðinu gengið afleitlega það sem af er bæði heima og í Evrópukeppninni.

Af Hermanni er hins vegar ekkert nýtt að frétta enda er hann ekki enn byrjaður að berja félaga sína, þrátt fyrir gefin loforð, sem hefnd fyrir bekkjarsetu.

Arnór fékk ekki tækifæri gegn AC Milan