Fjárhagslegur styrkur Pálma í Fons er mikill!!!

Svo skrifaði einhver mesti spekingur íslenskra markaðsfræðinga, Óli Björn Kárason, á bloggi sínu í janúar á þessu ári (sjá http://businessreport.blog.is/blog/businessreport/entry/410738/).

Óli Björn mætir jú iðulega í viðtöl í Kastljósi og annars staðar til að hella visku sinni yfir landsmenn - og á eflaust eftir að gera það áfram.

Það er fróðlegt að lesa um Pálma Haraldsson í Fons og þau félög sem hann og Jóhannes Kristinsson eiga saman en Sterling var eitt þeirra.

Þetta má bæði googla eða fara inn á fréttir mbl.is til að rekja sögu þeirra. Þar kemur auðvitað fram það sem allir þekka nú þegar, þ.e. kaupin og sölurnar á Sterling milli Stoða (áður FL Group) og Northern Travel Holding (þ.e. Fons).

Færri vita að Fons braut ítrekað íslensk lög með því að skila ekki inn ársreikningum til  ársreikningarskrár eða allt frá árinu 2003. Nú síðast í sumar var þeim hótað dagsektum ef ekki yrði af skilum - og hefur ekkert heyrst um það mál eftir það.

Þessa linkind gagnvart fyrirtækinu má örugglega skrifa á Fjármálaeftirlitið eins og svo margt annað.

Þá má einnig lesa um brask Fons og annarra einkavinafélaga með bréf innan FL Group, svo sem með bréf Gnúps og með bréf sænska fargjaldafélagsins Ticket Travel Group en sænsku markaðsfræðingur gagnrýndi Fons fyrir að leika sér með fé þess félags.

Þarna er einnig fjárfestingafélag að nafni Jötunn sem notaður er til að færa peninga á milli félaganna.

Allt þetta fór auðvitað fram undir vökulum augum Fjármálaeftirlitsins og með fullu samþykki þess. Það eina sem félagið gerði var að koma í veg fyrir að FL Group og Jökull eignaðist ráðandi stöðu (yfir 40%) hlut í Glitni. Það kom þó ekki í veg fyrir það að Fons (og FL-Group) gat gengið í fé bankans eins og það sýndist, og reyndar einnig hinna bankanna líka. 

Óbreyttir starfsmenn stóru bankanna þriggja undrast það að margir þeir stjórnar- og starfsmenn sem gerðu þessa svikamyllu mögulega sitja enn í stöðum sínum í bönkunum og hafa sumir hverjir verið hækkaðir upp í efstu stöður.

Og enn er það Fjármálaeftirlitið sem leggur blessun sína yfir skípaleikinn.

Farþegum neitað um endurgreiðslu