Flottur leikur

Flottur leikur hjá íslenska kvennalandsliðinu það sem af er, en að sama skapi lélegur leikur hjá Írum, sem munu hafa verið mun betri aðilinn ytra. Líklega koma hinar hroðalegu aðstæður verr niður hjá þeim en okkar stelpum. Vallaraðstæðurnar minna á gamla Melavöllinn í bikarútslitaleikjunum, sem fóru oft fram við svipaðar aðstæður og á svipuðum tíma!

Hólmfríður er loksins að leika með landsliðinu eins og hún á að sér en brýtur enn óþarflega mikið af sér (þótt Valtýr hinn hlutdrægi segi annað). Hún er greinilega orðinn besti íslenski leikmaðurinn í kvennaboltanum, en Margrét Lára hefur ekki verið svipur hjá sjón að undanförnu. Í þessum leik hefur hún t.d. varla komið við boltann.

Þá er vörnin fín - og varla veikan hlekk að finna í liðinu. Áfram stelpur! 

 

 

Ísland á EM 2009

Athugasemdir

[Viðar Friðgeirsson (IP-tala skráð) 30.10.2008 kl. 23:37]

Halló góóóðan daginn, Torfi, hvaða ólund er þetta í þér út í Margréti Láru? Bara allt gott við þennan leik nema hún? Það er þó að mínu mati þannig með Margréti að hún er algjör lykilmaður í þessu liði að öllum hinum ólöstuðum, þó að hún kæmi aldrei við boltann, svo skíthræddar eru andstæðingar hennar við hana að þær gleyma hinum 9 sem fá þá betri tækifæri þar með talin Hólmfríður sem fékk nokkur góð færi til að skora en klúðraði þeim að þessu sinni enda aðstæður skelfilegar og  var maður feginn þegar leiknum lauk án þess að þær slösuðust illa, svo mikill var krafturinnóg ákafinn, enda lofuðu þær okkur því að við fengjum eitthvað annað að hugsa og tala um eftir leikinn en þetta endalausa volæði sem tröllriðið hefur umræðunni að undanförnu. Þetta lið er einfaldlega frábært og við skulum ekki draga umræðuna um það niður á svo lágt plan að fara að karpa um einstaka leikmenn. Þetta er einfaldlega alltof frábær liðsheild til þess að það sé hægt. Motto: ein fyrir allar, allar fyrir eina. Áfram Ísland.