Frábær leikur!

Það er alltaf að koma betur og betur í ljós hversu góður þjálfari Guðmundur Guðmundsson er. Vörnin hjá íslenska landsliðinu í seinni hálfleik var hreint út sagt frábær, sérstaklega í ljósi þess að Sverre spilaði ekkert þá (og Sigfús er meiddur og því ekkert með). Vignir Svavarsson er greinilega framtíðar máttarstólpi í vörninni. Þá voru dómararnir mjög hliðhollir okkur, sama hvað sem Viggó segir!

Svo var þetta svo sannarlega leikur Loga Geirssonar. Þarna var hann loksins að bæta fyrir það þegar hann skaut í hausinn á varnarmanni Þjóðverja (í uppstilltum varnarvegg þeirra) í HM síðast (?) á þeirra eigin heimavelli, og ögraði eftir það gjörvallri þýsku þjóðinni með því að hvetja áhorfendur áfram í mótmælum þeirra, svo að það sem eftir var mótsins var stanslaust púað á íslenska handboltalandsliðið og ekki síst Loga!

Jafnteflið í dag var gríðarlega mikilvægt því ljóst er að Makedónar eru með besta liðið í riðlinum (við töpuðum jú illa fyrir þeim í undankeppni HM) og við og Norðmenn munum berjast um annað sætið - sem gefur rétt till þátttöku í úrslitakeppni EM. 

Ísland sótti stig til Noregs