Hefði mátt gefa fleirum frí!

Gott er að fá Garðar Jóhannsson í hópinn eftir frábæra frammistöðu í sumar og haust, og annað sætið í norsku deildinni.

En það hefði vel mátt gefa fleirum mönnum frí. Ber þá fyrst að nefna Hermann Hreiðarsson sem er ekki í neinni leikæfingu um þessar mundir (og kemst varla í hana með einum leik). Hann kemst ekki einu sinni á bekkinn hjá liði sínu. Þá er einkennilegt að Bjarni Ólafur sé enn í liðinu.

Í þeirra stöður höfum við tvo leikmenn Gautaborgar sem fínt hefði verið að gefa tækifæri, þá Ragnar Sigurðsson og Hjálmar Jónsson. Það væri jafnframt viðurkenning til þeirra fyrir að vera sænskir bikarmeistarar og hafa lent í 3. sæti í úrvalsdeilinni.

Þá er enn verið að verðlauna menn eins og Arnór Smárason fyrir að sitja á bekknum í Heerenvan í stað þess að kíkja á Kára Árnason hjá AGF sem hefur spilað stórvel í haust.

Fleiri varamenn eru í liðinu svo sem Birkir Már og Pálmi Rafn, svo ekki sé minnst á Emil Hallfreðsson, sem hefðu mátt fá að hvíla.

Það hefði vel mátt stokka almennilega upp í liðinu og láta þá sem eru í mestri leikæfingu spila, því langt er í næsta leik.

Þetta gerir þjálfari Norðmanna, þótt hann sitji frekar laust þessa daganna. Hann valdi John Arne Riise sem semingi í sitt lið - og gefur sterklega í skyn að hann verði á bekknum í leik Noregs gegn Úkraínu á morgun vegna þess hve fá tækfæri hann hefur fengið hjá Roma.

Mér sýnist Óli Jó sitja sæmilega traust í þjálfarastólnum um þessar mundir. Því þá ekki að prófa fleiri nýja menn sem eru að standa sig vel ytra, menn eins og Rúrik Gíslason, Ara Skúlason (í stað Emils), Eggert Jónsson og Eyjólf Héðinsson?

Þá hefði eflaust ekki sakað að hringja í menn eins og Jóhannes Karl, Ólaf Bjarnason og Ívar Ingimars og spyrja hvort þeir vildu ekki endurskoða afstöðu sína og gefa kost á sér á nýjan leik.

Einn nýliði í íslenska landsliðinu sem mætir Möltu