Lélegasti árangur karlalandsliðins ever!

Já, óhamingju íslenskrar skákar verður allt að vopni. Lélegasti árangur íslenskrar karlasveitar á Ólympíumóti er staðreynd eða 64. sæti. Allar Norðurlandaþjóðirnar urðu fyrir ofan okkur, meira að segja Færeyingar!!

Til samanburðar má nefna það að fyrir rúmum tíu árum eða á fyrri hluta 10. áratugar síðustu aldar varð íslenska sveitin iðulega í 10 efstu sætunum (5. sætið sem besti árangur). Fallið hefur því verið mikið og hratt að undanförnu, eða allt frá árinu 2000 þegar sveitin hafnaði í 55. sæti.

Kvennaliðið stóð sig enn verr núna en karlaliðin, en við því var svo sem búist.

Þessi afleiti árangur er þeim mun undarlegri í ljósi þess að skákin hefur undanfarin ár fengið ágæta fyrirgreiðslu hjá ríki og borg. Ekki aðeins það að stórmeistarar í skák eru á ágætis launum hjá ríkinu (þó svo að þeir tefli lítið sem ekkert), og skákskóli er rekinn fyrir almannafé, heldur er Skáksambandið og skákfélögin styrkt myndarlega af opinberu fé.

Þá er og ámælisvert hvernig forystumenn skákhreyfingarinnar hafa á undanförnum árum reynt að leyna þessari hnignun skákarinnar hér á landi. Þeir hafa látið eins og allt hafi verið í besta lagi, mikil skákþátttaka hér á landi og fjöldi ungra og efnilegra skákmanna að koma upp. Sérstaklega hefur verið tala um stelpurnar í þessu sambandi.

En því miður hefur þessar lýsingar átt við lítil rök að styðjast og virðast einkum hafa verið fram settar til að geta setið áfram að styrkjum frá ríki og borg.

Segja má að vandamál samfélagsins í dag birtist í hnotspurn hjá Skáksambandi Íslands. Þar er ekkert gagnsæi, upplýsingum haldið leyndum fyrir almennum skákáhugamönnum og ákveðnir aðilar skara eld að eigin köku á kostnað hreyfingarinnar í heild.

Stór hluti áhugamanna eru meðvirkir, kóa með í fagurgalanum rétt eins og menn hafa gert hvað útrásarvíkinga og stórgróðamenn varðar úti í samfélaginu.

En nú er þessu meðvirka skeiði lokið úti í þjóðfélaginu og menn krefjast breytinga. Hvenær ætla skákmenn að hætta sinni meðvirkni og krefjast breytinga á stjórn skákmála hér á landi? Þegar við erum lentir í 100. sæti?

 

Skák: Tap fyrir Paraguay - Sigur gegn Urugay

Athugasemdir

[Sindri Guðjónsson, 25.11.2008 kl. 17:23]

Já dæs, þetta var hræðilegt. Rétt er það hjá þér.

[Sindri Guðjónsson, 25.11.2008 kl. 17:28]

En... það er annars mun meiri þáttaka hjá stelpum í skákinni en hefur verið mjög lengi, og það má þakka það mörgum af núverandi og fyrrverandi forystumönnum skáksambandsins og einstaka félaga. Forysta skáksambandsins er að gera sitt besta, og ég veit ekki til þess að áhugasamt fólk bíða í röðum eftir að leysa hana af hólmi.

[Gunnar Freyr Rúnarsson, 25.11.2008 kl. 18:54]

Botninum er náð, eins og Geir Haarde hefði orðað það svo snilldarlega.  Þetta getur varla versnað, en framtíðin er björt.  Dagur Arngrímsson er kominn með GM-norm og ungu strákarnir munu svo fylgja fordæmi hans.  Ég fylgdist eiginlega meira með færeyska liðinu.  Vil líka sjá Grænlendinga með í næstu keppni, þs blandað lið austur-Grænlands og Íslands...

[Torfi Kristján Stefánsson, 25.11.2008 kl. 19:32]

Já, ég bjóst við þessu Pollýönnu-svari. Í stað þess að segja eins og eðlilegra er, þ.e. að enn eigi eftir að ná botninum áður en viðspyrnan fæst (þekkt líkindamál nú í seinni tíð!), þá er gripið til týrunnar í myrkrinu og hún látin lýsa ástandinu.

Sagt hefur verið frá því í skákfréttum að fleiri stelpur hafi mætt á eina skákæfingu en áður hefur þekkst - og fögnuðu því allir meðvirkir - og einnig að ungur skákmaður, Dagur Arngrímsson, hafi náð sér í GM-norm.

Hvað hið síðara varðar þá er Dagur ekki enn orðinn alþjóðlegur meistari en það verða skákmenn að vera áður en þeir geta orðið stórmeistarar. Þá hafði Dagur tekið þátt í öðru móti rétt áður en hann ávann sér þetta norm, en þar varð hann  í 10. sæti (af 12) og tapaði 9 stigum. Hann er núna með rétt um 2400 stig, sem ætti reyndar að nægja til að fá alþjóðlegan skákmeistaratitil, en er enn langt frá því að verða stórmeistari, eða sem nemur um 100 stigum.

Endurnýjun meðal helstu skákmanna á landinu hefur þannig verið lítil sem engin. Einn ungur skákmaður er í landsliðinu, Stefán Kristjánsson, en hinir allir miðaldra eða eru að nálgast þann aldurinn. Og við sjáum ekki fram á eðlilega endurnýjun, hvað þá styrkingu á næstu árum.

Auk þess má nefna að ekkert nýtt stendur til af hálfu skákforystunnar til að breyta þessu auma ástandi. Lengi hefur til dæmis verið talað um þörfina á að fá erlendan þjálfara hingað til land, til lengri tíma, og helst að hann verði gerður að skólastjóra Skákskólans og ráðinn til nokkurra ára. 

Það er hins vegar ekki möguleiki vegna Hellisklíkunnar sem ríkir nú í Skáksambandinu og hefur ríkt lengi. Nýverandi skólastjóri hefur setið sem fastast í á annan áratug - og geta ungra skákmanna farið dalandi ár frá ári undir hans stjórn.

Ekki er þó hróflað við honum, í fyrstu vegna þess að hann sat í stjórn Skáksambandsins og sá til þess að endurnýja umboð sitt ár frá ári - og nú síðast með góðri hjálp vina sinna og kunningja sem enn sitja við stjórnvölinn í sambandinu. 

Nýjasti forseti Skáksambandsins er einn þessara klíkumanna og sér til þess að gullmolarnir falla ekki langt frá borði klíkunnar, nú síðast með vali á liðstjóra karlasveitarinnar sem reyndist alls ekki vera rétti maðurinn í starfið, eins og raunar mátti búast við.

Hvað næst, elsku skákáhugamenn? Megum við búast við að heyra að forseti Skáksambandisins þiggi laun fyrir forsætið, eða um tvær milljónir á ári, auk fleiri bitlinga sem tengjast áhrifum félags hans innan skákhreyfingarinnar og tengsla hans innn spilltasta sjónmálaflokks landsins, framsóknarflokksins?

Og hver ætli rökin séu? Að hann stundi björgunarleiðangur sem sé svo mikilvægur að borga verði vel fyrir þann lífróður?

Skrítið að maðurinn sé í Framsóknarflokknum en ekki í einum stjórnarflokkanna, eins og vinir hans (kratinn og íhaldið)! 

[Sindri Guðjónsson, 26.11.2008 kl. 12:18]

"Megum við búast við að heyra að forseti Skáksambandisins þiggi laun fyrir forsætið, eða um tvær milljónir á ári"

Fær Björn tvær millur á ári fyrir að vera forseti Skáksambandsins?

[Sindri Guðjónsson, 3.12.2008 kl. 09:26]

Og Tofri, hvað á það að þýða að koma með þessa enskuslettu í fyrirsögninni "ever". Er ekki til gott og gillt íslenskt orð yfir þetta, og til vara kannski eitthvað á dönsku?