Hver er þessi borgarahreyfing?

Er hún einhver forleikur að nýjum stjórnmálaflokki? Ég sé að í tilkynningunni stendur að ekki aðeins ríkisstjórnin heldur öll stjórnarandstaðan hafi glatað trausti landsmanna.

Ég veit ekki betur en að Visntri-grænir hafi staðið sína vakt með prýði hingað til þannig að ég skrifa ekki undir þetta.

Þá talaði Hörður Torfason á fundinum á laugardaginn eins og hann væri einhver sérstakur leiðtogi mótmælenda - og að hann myndi brátt tilkynna okkur fótgönguliðinum hvað stæði til næst!

Hvernig væri að hafa okkur almenna mótmælendur með í ráðum?

Við viljum ekki fleiri fyrirskipanir að ofan um það hvað við eigum að gera - hvaða kvaðir við eigum að leggja á okkur - og alls ekki frá einhverjum sjálfskipuðum herrum sem telja sig geta stjórnað okkur að vild sinni. 

Íslendingar boðaðir á þjóðfund

Athugasemdir

[Björk (IP-tala skráð) 27.11.2008 kl. 22:06]

Ekki er ég að mótmæla vegna þess að Hörður segir mér að gera það heldur geri ég það sjálfviljug og vegna þess að ég vil ríkisstjórnina burt og alla sem standa þingvaktina. Alla. Þeir brugðust mér allir. Hlutverkinu var ekki sinnt og við sjáum niðurstöðuna. Það þýðir ekki fyrir stjórnarandstöðuna að segjast hafa vitað og hafa átt að vara við og svo framvegis. Burt með allt og byrjum uppá nýtt.

[Torfi Kristján Stefánsson, 27.11.2008 kl. 22:20]

Hvað viltu í staðinn? Viltu einhver þjóðernissinnuð samtök eins og Sturla bílstjóri er að reyna að koma á, eða samtök eins og Kolfinna Jónsdóttir Baldvinssonar stendur að þar sem þjóðernisáróðurinn glymur við úr hverju horni?

Nei, frekar vil ég helvítis íhaldið en fasisma í stíl við þann sem kom upp í Þýskalandi við svipaðar aðstæður og ríkja hér núna.

Framsókn er auðvitað samsek ástandinu en ég fæ ekki séð að Frjálslyndir eða Vinstri grænir séu það.  Þeir hafa ekki verið í stjórn í háa herrans tíð, þeir einkavæddu ekki bankanna, þeir voru á móti EES og hinu frjálsu og haftalausu flæði fjármagn sem er eina af fjórum grunnstoðum þess.

Frjálslyndir verða jú til vegna andstöðu við gjafakvótafyrirkomulagið sem var upphafið að endinum hér.

Og Vg var á móti þessu eftirlitsleysi með fjármálakerfinu og var kallaður forræðishyggjuflokkur og netlögga eftir því hvað átt best við þá og þá stundina.

Hvað er eiginlega þetta nýja sem þú vilt? 

[Sævar Finnbogason, 28.11.2008 kl. 01:18]

Vertu ekki að þessu væli og settu þig í samband við eitthvað af þessu fólki og fáðu upplýsingar og bjóddu fram hjálp þína ef þú hefur áhuga. Hafðu samband við VG ef þú ert ánægður með þá. Málið er að hætta að rausa og fara að geta eitthvað.

[Guðjón (IP-tala skráð) 28.11.2008 kl. 09:39]

já, nákvæmlega, það er enginn að reyna að vera neinn yfirmaður þessara aðgerða, en maður verður að fá að koma með uppástungur að aðgerðum og segja það sem manni finnst og treysta því að fólk sé hæft til að meta gildi þess sjálft.Og ef enginn stígur fram og hefur hátt gerist lítið, það þýðir ekki að allir sem hafa dug og kjark í að gera það séu að seilast eftir einhverju hásæti.

Og það er verið að tala um stjórnarandstöðuna í heild sinni. Vinstri grænir hafa vissulega lang minnst við að sakast, enda eini flokkurinn sem mun eiga séns á að ná einhverju fólki inn eftir byltingu, eða breytinguna eða hvað sem þú kýst að kalla það ferli sem er að fara að eiga sér stað.