Máttleysi Sameinuðu þjóðanna

Athygli vekur að verið er að reyna að semja við Ísraelsmenn þrátt fyrir að þeir fari ekki að kröfu SÞ um að draga her sinn tafarlaust frá Gaza og lýsa yfir vopnahléi. Samingarviðræðurnar sem Egyptar standa að virðast vera með blessun Sameinuðu þjóðanna.

Eðlilegra hefði verið að mínu mati að aflýsa öllum samningaviðræðum þar til farið yrði að köfum SÞ. Þá vekur það einnig furðu mína að SÞ skuli ekki reyna að fylgja ályktun sinni eftir á nokkurn hátt. Engar hótanir um refsiaðgerðir eða annað ef kröfurnar verða ekki uppfylltar!

Þetta sýnir auðvitað máttleysi stofnunarinnar og ljóst að hún muni aldrei virka sem friðar- og eftirlitsstofnun meðan hægt er að beita neitunarvaldi í Öryggisráðinu. Það fyrirkomulag er auðvitað fyrir löngu gengið sér til húðar enda fylgifiskur kaldastríðsins sem lauk fyrir margt löngu.

Hvað var það annars sem Halldór Ásgríms og svo Ingibjörg Sólrún ætluðu að gera í Öryggisráðinu? Mér skilst að Ísland hafi ekki tekist ætlunarverk sitt að komast þangað vegna þess að þjóðir heimsins óttuðust að þá fengið USA tvö atkvæði í ráðinu í stað eins. Þögn utanríkisráðherra þessa daganna bendir til þess að það sé rétt.

Meira að segja hægri haukurinn Carl Bildt, utanríkisráðherra Svíþjóðar, hefur kallað árás Ísraels á Gaza fjöldamorð á óbreyttum borgurum og krafist þess að árásunum verði tafarlaust hætt!

En við hér upp á skerinu gerum ekki svoleiðis lagað að sögn Ingibjargar og Geirs (sem reyndar er ekki rétt eins og Fréttastofa Sjónvarps benti á í gær)!

Áfram árásir á og frá Gasa

Athugasemdir

[el-Toro, 10.1.2009 kl. 15:58]

sameinuðu þjóðirnar skipta engu máli í þessari deilu.

Hamas hafa lýst yfir vonbrigðum með þessa ályktun hjá s.þ.  þeir segja hana draga taum ísraela.  og ísraelar segjast ekki getað sætt sig við hana heldur.

Bush og félagar eru náttúrulega ekki neinni aðstöðu til að segja þeim að hætta þessu, þar sem hann sjálfur sveiflar sínum fána á mesta ófriðarsvæði heimsins í dag.