Fogh vísar þessu á bug

Einn helsti stuðningsmaður árásarstefnu Bandaríkjamanna og þátttakandi í hernaði þeirra í Írak og Afganistan, Anders Fogh Rasmussen forsætisráðherra Danmerkur, vísar þessari frétt á bug. Danska ríkisstjórnin hafi engar áætlanir um að lögsækja Ísrael þrátt fyrir árásir þeirra á sjúikrastofnanir sem Danir hafa styrkt. Sjá http://politiken.dk/politik/article628307.ece

Hann neitar einnig að fordæma Ísrael og segir að Hamasliðar geti sjálfum sér um kennt, þ.e. fyrir að hafa rofið vopnahléð. Þetta er auðvitað allt saman þekktir frasar og dæmigerðir fyrir þær hægri-ríkisstjórnir sem hafa fylgt Bandaríkjamönnum að málum í Miðausturlöndum.

Hins vegar kemur það á óvart að íslenska ríkisstjórnin skuli vera sama sinnis þar sem hún hefur jú (að eigin sögn) tekið sjálfa sig af lista hinna 32 viljugu þjóða sem studdu innrás Bandaríkjamanna í Írak.

Þessi hringlandaháttur í íslensku ríkisstjórninni var að sögn kunnugra helsta ástæða þess að aðildarlönd Sameinuðu þjóðanna treystu ekki Íslendingum til setu í Öryggisráðinu. Við hefðum enga sjálfstæða stefnu í utanríkismálum. Mótsagnirnar í málflutningi utanríkisráðherra hvað varðar árásirnar á Gaza staðfesta þetta.

Vilja lögsækja Ísraela