Hvernig vita þeir það?

15.1.2009 | 18:22

Það er greinilega nóg af njósnurum á vegum Ísrales innan landamæra Gaza, sem líklega stunda sína iðju vegna loforða um sæluvist innan landamæra Ísraels að stríðinu loknu.

Annars virðist sem árásin á byggingu Flóttamannahjálpar Sameinuðu þjóðanna nú fyrr í dag hafi verið gerð til að eyðileggja matarbirgðir þær sem byggingin geymir. Þetta voru allar matarbirgðir samtakanna, auk annarra hjálpargagna sem átti að deila út í dag. Hér virðist markvisst verið að svelta borgarbúa til að brjóta andstöðuna niður.

Ég sagði frá því fyrir nokkru að Breta hefðu notað sömu aðferð á Dani þegar þeir gerðu árás á Kaupmannahöfn árið 1807 og kveiktu í borginni (gömul aðferð sem sé). Markmiðið var að knýja yfirvöld til uppgjafar með því að drepa eins marga óbreytta borgara og eyðileggja eins mikið og auðið var.

Bjarni Thorarensen skáld og amtmaður var við varnir borgarinnar og orti þessa hendingu af því tilefni:

" ... þá dreyrug ský / dró með himni / og feyktu blásvörtum / feigðar hnöttum."

Hann sá og hvað þetta myndi koma til leiðar, þ.e. aukinni þjóðerniskennd og föðurlandsást:

"Halur lifað hefur nóg / hver sá föðurlandi dó."

Þetta þýðir einfaldlega fært til nútímans og atburðanna á Gaza, að Palestínumenn munu vera enn staðráðnari í verja land sitt en áður (eins og þeir hafa reyndar alltaf svo hetjulega gert) og vítahringur ofbelsds mun einungis verða enn meiri.

Er ekki kominn tími til að alþjóðasamfélagið og samtök hvers konar, innlend sem erlend, grípi inn í?

Hver er annars starfandi utanríkisráðherra Íslands og ætti því að taka af skarið fyrir okkar hönd???? Er það enginn?