Einhver mesti heiður íslensks þjálfara

Nú er það loksins afráðið að Selfyssingurinn Þórir Hergeirsson verður næsti landsliðsþjálfari heimsmeistaranna í kvennahandboltanum, þ.e. norska landsliðsins.

Þetta hefur reyndar lengi legið fyrir en tafist einhverra hluta vegna að taka af skarið þar til nú. Þegar goðsögnin, fyrri landsliðsþjálfarinn, lýsti því yfir að hún teldi Þóri eðlilegan arftaka sinn, þá heyrðist athugasemdarraddir um þjóðernið. Þórir væri jú ekki norskur! Gunnar Pettersen fyrrum þjálfari norska karlalandsliðsins í handbolta var einn þeirra sem sagði þetta. Þórir benti þá á að hann hefði búið í Noregi  í 20 ár og átt allan sinn þjálfunarferil í landinu!

En nú er þetta sem sé komið á hreint og þykir fréttnæmt. Danir nefna tíðindin og benda á að Þórir sé best menntaði starfandi þjálfarinn í Noregi. Sjá http://politiken.dk/sport/haandbold/article691536.ece

 

 

Þórir ráðinn landsliðsþjálfari Noregs