Val á landsliðinu

Þetta er ekki í fyrsta sinn sem val landsliðsþjálfarans vekur umræðu. Jóhannes Karl hefur jú spilað mikið með Burnley sem nú er komið í ensku úrvalsdeildina.

Í staðinn er t.d. Emil Hallfreðsson í liðinu, en hann hefur lítið sem ekkert fengið að spila með sínu liði, sem féll úr ítölsku úrvalsdeildinni. Einnig hefur Arnór Smárason fengið að sitja mikið á bekknum hjá liði sínu undanfarið en er samt valinn.

Þá eru Brynjar Björn Gunnarsson og Heiðar Helguson valdir í liðið en þeir hafa sama sem ekkert leikið undanfarið vegna meiðsla og eru að auki í lélegra liði en Jóhannes Karl.

Ég sakna reyndar fleiri leikmann svo sem Birki Bjarnason, sem hefur leikið nær alla leiki með Viking í Noregi. Sama má segja um Hjálmar Jónsson hjá Gautaborg sem leiðir sænsku úrvalsdeildina en Valsarinn Bjarni Eiríkur valinn í staðinn, þrátt fyrir slaka frammistöðu í síðasta landsleik og afleitan árangur liðs hans í íslensku deildinni.

Ég vil meira að hæfni þjálfara sýni sig best í vali á liði sínu. Því fær Óli Jó. falleinkun hjá mér.

 

Ólafur Jóhannesson: Jóhannes á möguleika eins og aðrir

Athugasemdir

[Leifur Finnbogason (IP-tala skráð) 26.5.2009 kl. 20:05]

Kannski hentar þitt lið bara ekki saman sem lið. Afhverju ertu svo handviss um eigin hæfni til að velja í liðið en ert á sama tíma öruggur um að Óli fær falleinkunn?

Bara að tala útúr eigin rassi einsog flestir íslenskir "sparkspekingar".

[Torfi Stefánsson (IP-tala skráð) 27.5.2009 kl. 06:29]

Ég byggi einfaldlega á því sem ég hef heyrt reynda landsliðsþjálfara tala um, þ.e. að velja menn í landsliðið sem eru í leikþjálfun.

Auk þess kallar árangur landslið sins undir stjórn Ólafs á breytingar á þjálfaramálunum. Við eigum mjög góða leikmenn sem spila reglulega í toppliðum erlendis en þeir eru annaðhvort ekki valdir í liðið eða sýna ekki þann leik með landsliðinu sem ætla mætti af þeim.

Þá sitja menn langtímum saman á bekknum sem klárlega eiga að byrja inn á. Gott dæmi er Helgi Daníelsson sem átti og á stórleiki með sænska toppliðinu Elfsborg, en var annað hvort ekki valinn í liðið eða sat á bekknum. Loks er hann fékk að byrja inn á, svo sem í síðasta leik, var hann besti maður landsliðsins!

Aðeins meira um valið á landsliðinu. Ég hef alltaf verið gagnrýninn á að Pálmi Rafn sé í liðinu, hvað þá að hann byrji leikinn. Nú er hann t.d. ekki í byrjunarliðinu hjá Stabæk, sem er í einu af neðstu sætunum í norsku úrvaldsdeildinni, og er stundum ekki einu sinni í leikmannahópnum. Samt er hann alltaf valinn í íslenska landsliðið! Þetta gefur vísbendingar um að landsliðsþjálfarinn telji Stabæk vera betra en landsliðið. Það gefur ekki góða strauma til liðsins!

Að lokum vil ég benda á einn leikmann sem vel mætti fá tækifæri í landsliðinu sem vinstri kantmaður. Það er Ari Skúlason sem hefur á mjög góð tímabil í Svíþjóð nú í 3 ár. Hann er nú orðinn lykilmaður í Sundsvall sem er í efsta sæti í sænsku 1. deildinni.