Hvað með Birki Má?

Þetta val kemur að vissu leyti á óvart því tveir gæðingar landsliðsþjálfarans: Birkir Már Sævarsson og Valsarinn sem ég man aldrei hvað heitir (Bjarni Ólafur Eiríksson?) eru ekki valdir að þessu sinni.

Hins vegar er Ólafur Ingi valinn í liðið eftir að hafa verið löglega afsakaður vegna langvarandi meiðsla. Hann hefur reyndar varla leiki heilan leik með liði sínu undanfarið svo valið á honum hlýtur að orka tvímælis.

Einnig hefur Sölvi Geir ekki verið að spila með liði sínu síðan danska deildin byrjaði (og Stefán Gíslason ekki heldur). Þessir menn eru því ekki í neinni leikæfingu. Sama má segja um Garðar Jóhannsson sem lítið sem ekkert hefur verið að spila með liði sínu undanfarið,

Þá eru "varamenn í miðlungsliðum erlendis", og kannski ekki einu sinni varamenn, enn og aftur valdir, menn eins og Emil Hallfreðsson, Arnór Smárason og Heiðar Helguson.

Maður sem hins vegar hefur verið að spila mikið - og er ekki enn valinn í liðið - er Birkir Bjarnason og hefur fengið góða dóma. Birkir Már hefur einnig verið að spila mikið og fengið góða dóma - og er orðinn miklu betri leikmaður en þegar hann var fastamaður í landsliðinu. Einnig má benda á mann eins og Rúrik Gíslason sem er kominn í silfurlið dönsku deildarinnar, Odense Boldklubb (OB), og er í byrjunarliðinu þar.

Þessir þrír menn eiga tvímælis heima í landsliðinu þegar þeir eru í leikformi en margir aðrir, sem eru valdir, eru það ekki.

Helsti mælikvarði á hæfni þjálfara er val á liðinu. Enn einu sinni fær Ólafur Jóhannsson falleinkunn  hjá mér.

Atli Viðar valinn í landsliðið