Undarleg tilviljun?

Ágúst Sindri Karlsson hefur sent frá yfirlýsingu þar sem hann fullyrðir að hann hafi alls ekki vitað hver væri seljandi bréfanna í Byr, sem félag hans Exeter Holdings keypti af Byr án þess að borga eyri fyrir (sjá visir.is). Auk þess hefur fyrrum eigandi þessara bréfa, MP-banki, neitað að eiga nokkurn þátt í þessum viðskiptum!

Þetta er allt með hinum mestu ólíkindindum þar sem Ágúst Sindri segir svo sjálfur frá, í grein í Mogganum í apríl á þessu ári, að hann hafi verið lögmaður MP-banka frá stofnun hans 1999 og til ársloka 2006. Þá hafi hann setið í stjórn bankans frá stofnun þangad til í júlí 2008. Eitt af þeim verkefnum sem hann tók þátt í fyrir bankann var stjórnun á fjárfestingarfélagi bankans sem stofnaði það félag sem nú heitir Exeter Holdings. Sjá http://tidarandinn.is/exeter-holding

Í ljósi þessara miklu tengsla Ágústs Sindra og félags hans við MP-banka hlýtur það að teljast mjög merkilegt og meira að segja mjög ólíklegt að hann hafi ekki vitað að bankinn væri eigandi bréfanna, sem félags Ágústs eignaðist án þess að borga eyri fyrir.

Þess vegna er talað um umboðssvik af hálfu embættis saksóknara.

Yfirheyrslur standa yfir