Sterkt lið en ...

Þetta er óneitanlega sterkara lið en sem Óli Jó valdi fyrir tapleikina gegn Dönum og Norðmönnum, enda smástrákarnir sem betur fer uppteknir við annað verkefni.

Þó verður að segjast eins og er að enn orkar valið tvímælis. Meiddir menn og í lítilli sem engri leikæfingur eru valdir (Hermann og Brynjar Björn) og menn sem hafa lítið spilað með liðinum sínu (eins og Jónas Guðni) en aðrir sem hafa spilað mikið eru ekki með (Eyjólfur Héðins - og Sundsvall mennirnir sem enn sem fyrr eru ekki valdir, en maður eins og Gunnar Heiðar í staðinn).

Þá er enn verið að rokka með valið á mönnum sem spila hér heima og virðist skapferli þjálfarans einna helst ráða því hverjir eru valdir í það og það skiptið.

Hins vegar er gaman að sjá Theódór Elmar og Helga Val aftur í landsliðinu en þeir eru báðir í mjög góðri leikæfingu í hinum harða heimi atvinnumennskunnar.

 

Elmar, Gunnar og Hermann í hópnum