10 landsliðsmenn á bekknum eða utan liðs um helgina

Það á ekki af íslenska karlalandsliðinu í fótbolta að ganga, eða ætti maður kannski að segja þjálfurum þess?

Af þeim 22 leikmönnum sem valdir voru í landsliðið í síðustu viku, sátu 10 þeirra á bekknum í leikjum helgarinnar, eða voru ekki einu sinni í hópnum. Voru það lykilmenn í liðinu, menn eins og Hermann Hreiðarsson, Aron E. Gunnarsson, Eggert G. Jónsson, Gylfi Þór Sigurðsson, Heiðar Helguson, Rúrik Gíslason og Jóhann Berg Guðmundsson. Að auki má nefna Jón G. Fjóluson, Alfreð Finnbogason og Birki Bjarnason.

Margir þeirra voru ekki í leikmannhópi liða sinna, svo sem Hermann, Aron, Gylfi og Birkir.

Miðjumennirnir eru meira og minna án leikæfingar, nokkuð sem hlýtur að valda forráðamönnum liðsins miklum áhyggjum fyrir landsleikina nú í vikunni. Aðeins Helgi Valur spilar reglulega með liði sínu AIK.

Jóhann Berg hlýtur að hugsa um stöðu sína hjá AZ Alkmaar ef hann vill halda stöðu sinni í landsliðinu (með nýjum þjálfara). Hann fær varla tækifæri með liði sínu - og sat á bekknum í tveimur síðustu leikjum (fyrir þennan). Þeir unnust 10-0 (4-0 og 6-0) og er hætt við að á meðan liðið spilar svona verði tækifærin fá fyrir Jóhann.

Þá ætti Alfreð Finnbogason einnig að hugsa sinn gang en hann fær næstum ekkert að spila hjá liði sín, þrátt fyrir að því gangi illa. Sama gildir um Birkir, sem er frystur úti í liði sínu, og Rúrik sem kemur lítið við sögu hjá OB.

Varðandi val landsliðsþjálfarana á liðinu má nefna að lið Rúriks tapaði illa í dag heima gegn Íslendingaliðinu Sönderjyske (2-4). Rúrik kom inná á 80. mínútu en Eyjólfur Héðinsson og Hallgrímur Jónasson spiluðu allan leikinn fyrir lið sitt. Samt er Rúrik fastamaður í landsliðinu en hinir hafa aldrei verið valdir í það!

Jóhann skoraði gegn Groningen