Heyr, heyr!

Það er greinilega einhvern hreyfing í róttæka átt í íslensku samfélagi þessa daganna. Sjaldan hefur eins vel verið mætt á fyrirlestur sem þennan. Fyrir nokkrum árum var litið á Chomsky sem afdankaðan sérvitring, steintröll frá tímum 68-kynslóðarinnar sem vildi endurmat allra hluta.

Núna hins vegar eftir tvö misheppnuð stríð, í Írak og Afganistan, sem hafa valdið innfæddum ómældum hörmungum, er annað hljóð komið í strokkinn.

Og ekki minnkaði þessi breytta stemmning þegar Vesturlönd hófu loftárásirnar á Líbýu. Enn á ný hafa vestræn ríki, með Bandaríkin í broddi fylkingar, sýnt árásareðli sitt eftir að hafa falið það vel og vandlega eftir hrakfarirnar í Víetnamstríðinu - og grímulaust ofbeldið í latínsku Ameríku.

Þess vegna fylkist fólk, aðallega ung menntafólk, á fyrirlestur sem þennan þar sem bent er á að hin svokallaða lýðræðisást (og -hefð) vestrænna þjóða er orðin tóm (eins og dæmið frá Chile sannar). Það sem skiptir máli eru hagsmunir stórveldanna og valda- og fégræðgi þeirra.

Þessi stemmning sést vel í skoðanakönnunum í Danmörk fyrir þingkosningarnar þar í landi, sem verða eftir sex daga. Einingarflokkurinn, sem er eini flokkurinn í Danmörku sem hefur gagnrýnt loftárásir Dana á Libýu, þrefaldar fylgi sitt og er nú orðinn næststærsti flokkurinn í Kaupmannahöfn!

Sama er að gerast í sveitarstjórnarkosningunum í Noregi þar sem róttæku vinstri flokkarnir eru að vinna mjög á, en stjórnarflokkarnir (sem þó eru einnig til vinstri) að tapa fylgi - vegna þátttökunnar í Libýustríðinu. 

Það er greinileg hugarfarsbreyting í gangi - og ný vinstrisveifla sem gefur fyrirheit um réttlátari heim, um nýtt samfélag réttlætis þar sem hreinsað verður til og eiginhagsmuna- og fjárplógsöflunum velt úr sessi.

Fyrri 11. september og síðari

Athugasemdir

[Davíð Alexander Östergaard (IP-tala skráð) 9.9.2011 kl. 18:41]

Heyr heyr ! Allar gagnrýnisraddir um utanríkisstefni Bandaríkjanna og fylgifiska hennar eiga fullan rétt á sér. Þessi hugarfarsbreyting á sér sannarlega stað þessa stundina og er vonin að hún dreifist sem víðast, því ekki eru fjölmiðlar eða yfirvöld að vekja neina sérstaka athygli á henni.

Skemmtilegt hvernig Chomsky bað fólk um að ímynda sér hið gagnstæða, ef loftárásir, morð og arðrán elítunnar væru daglegt brauð. Lykillinn er að líta í eigin barm og byrja á því að breyta sjálfum sér; við það breytist heimurinn í leiðinni, stöðug er við vöxum.

 Það ættu fleiri flokkar að gagngrýna loftárasir í Libýu, harkalega! Kanski fengi sá flokkur einnig aukið fylgi :)