Stuðningsmenn einræðisherrans fyrrverandi?

Mér finnst Mogginn taka heldur létt á fréttum sem þessum. Hér er greinilega átök á milli þjóðarbrota að ræða - og án efa viðbrögð ættbálka, sem voru hliðhollir Gaddafi, við ofbeldisverkum hinna nýju stjórnarherra.

Ástandið er að vera skuggalega líkt því sem varð í Írak eftir innrás Bandaríkjamanna í landið.

Ljóst er að ný stjórnvöld í landinu eru engu betri en þau fyrri, ef ekki verri.

Þúsundir manna sæta pyntingum og harðræði í yfirfullum fangelsum landsins, og eru handteknir fyrir þær einu sakir að vera grunaðir um að vera stuðningsmenn Gaddafis.

Fangar eru beittir grófum pyntingum, eru hýddir og barðir við yfirheyrslur og neyddir til að játa aðild að glæpum. Dæmi er um að fangar hafi látist af innvortis blæðingum eftir slíka meðferð.

Hneykslunin var mikil þegar svona fréttir bárust í byrjun borgarastyrjaldarinnar í Libýu - og í framhaldi af því var ákveðið að koma uppreisnarmönnum til varnar.

Nú gildir hins vegar allt annað. Núverandi valdhafar mega hafa sínu fram, sama hvaða hrottaskap þeir beita.

Hvar er nú mannvinurinn Össur sem sagði að nauðsynlegt væri að koma Gaddafi frá til að vernda almenna borgara?

Var það bara áróður spillts stjórnmálamanns, rétt eins og áróður annarra vestrænna ráðamanna?

Byssubardagi í Trípólí

Athugasemdir

[el-Toro, 15.10.2011 kl. 00:17]

það er rétt að þetta eru hættulegustu mánuðirnir fyrir fólkið í Líbíu.  næsta hálfa árið ef ekki verður komin sátt í landinu milli ættbálkaleiðtoga og trúarleiðtoga, verður sá tími sem telur mest í bata landsins næstu árin.  hvort þetta verði annað Írak fíaskó.

las í frétt fyrr í dag að rúmar 80% af þjóðartekjum Líbiu eru horfnar.  landið er gjaldþrota í raun.  fólk fær ekki greitt og allt í niðurníðslu.  fólk er í fangelsi þrátt fyrir að stjórnvöld viðurkenni að þeir viti ekki hvort allir séu sekir um glæpi.  það lítur í raun út fyrir að hinir nýju herrar í líbíu hafi ákveðið að frelsa þá fanga sem gaddafi hafði í haldi og fangelsa þá sem studdu hann ennþá.  en margir stuðningsmenn gaddafis eru sagðir hafa logið til um hug sinn þegar uppreysnarmennirnir tóku Tripoli.  þannig að það gæti vel verið að fleiri skotbardagar eða sprengingar gætu átt sér stað þarna eins og áttu sér stað í dag.

vonandi lagast hlutirnir fyrr en ella fyrir fólkið þarna og þróun landsins eftir innrás NATO. 

[el-Toro, 15.10.2011 kl. 00:18]

gleymdi einu.... Össur veit ekki hvað snýr upp né niður í Líbíu.  svo einfalt er það bara....því miður fyrir!.