Ekki vegna Vafnings?

Fréttastofa RÚV segir annað, þ.e. að málið tengist Vafningi.

Tekið skal fram að Bjarni Benediktsson formaður Sjálfstæðisflokksins er flæktur inn í mál Vafnings sem hefur lengi verið til skoðunar hjá sérstökum saksóknara.

Eins og kunnugt er þá fékk Vafningur 10,5 milljarða króna lán frá Sjóvá í febrúar 2008. Þann áttunda sama mánaðar veðsetti Bjarni formaður hlutabréf föður síns og frænda í félaginu. Ástæðan fyrir þátttöku þeirra í Vafningsviðskiptunum var sú að þeir þurftu að endurfjármagna hlutabréf sem þeir áttu í Glitni inni í félaginu Þætti International.

Þáttur International var í eigu þeirra bræðra og dótturfélags Sjóvá sem aftur var í eigu Karls og Steingríms Wernerssona.

Féalgið Svartháfur virðist hafa sömu tengsl, enda kemur fram í þessari frétt mbl.is.  Félagið er einnig í eigu Karls og Steingrímsson Wernerssonar, Milestone og Einars Sveinssonar og fjölskyldu (svo sem bróður hans, Benedikts, föður Bjarna), hjá bandaríska bankanum Morgan Stanley.

Eigendur Þáttar urðu, rétt eins og Svartháfur, að verða sér út um fjármagn til að varna því að fjárfestingabankinn Morgan Stanley leysti til sín 7 prósenta hlut félagsins í Glitni. Til þess fengu þeir lán frá Sjóvá og Glitni og borguðu upp lánin við Morgan Stanley sem námu um 15 milljörðum króna. Lánið frá Sjóvá var 10,5 milljarðar króna.

Þetta er greinilega sama málið - og þá líklega sama félagið sem hefur bara skipt um nafn eins og svo oft var og er leikið af þessum útrásarsnillingum.

Fer þá að þrengjast hringurinn um Bjarna Benediktsson, formann Sjálfstæðisflokksins, eins af útrásarmönnunum.

Því er ekkert skrítið þó svo að málgagn Flokksins, Morgunblaðið, reyni að fela þá slóð með því að kalla félagið Svartháf en ekki Þátt og hvað þá Vafning, vegna tengslanna við Bjarna Ben.

Lárus ákærður vegna Svartháfs