Nauman sigur?

Af hverju að vera að draga úr þessum sigri "varaliðsins" með svona yfirskrift? Það sýndi sig vera mun betri lið heldur en "stjörnu"liðið var í gær og vann sannfærandi. 

Auk þess skipaði það miklu betur, bæðið í sókn og vörn. Það kom ágætlega í ljós þegar Portúgalir tefldu fram sterkasta liði sínu. Þá var staðan 10-6 fyrir Ísland. Þrátt fyrir þetta hélt b-liðið okkar forystunni í hálfleik gegn a-liði Portúgals 14-10

A-lið þeirra spilaði svo allan seinni hálfleikinn og gekk engu betur. Það var ekki fyrr en þjálfararnir hófu tilraunastarfsemi um miðjan seinni hálfleik með því t.d. að láta Guðmund Hólmar og Róbert Hostert spila fyrir utan í sókninni að gestirnir minnkuðu muninn í eitt mark (20-19), jöfnuðu svo og komust yfir. 

Síðan var besta b-liðinu aftur stillt upp, bæði í vörn og sókn (Ólafur G., Arnór og Rúnar í sókninni og þeir tveir fyrrnefndu í vörninni), sem aftur dró í sundur með liðunum.
Rúnar Kára sýndi að hann er besta vinstrihandarskyttan okkar í dag - og er vonandi að þjálfararnir hafi vit á að leyfa honum að spila mikið á EM.

Arnór sýndi einnig að hann er aðal miðjumaðurinn okkar (en alls ekki Snorri!) og Ólafur Guðmunds. sýndi að hann getur vel leyst Aron Pálma af þegar sá síðarnefndi klikkar um of. Vandamálið á EM verður eins og svo oft áður fyrst og fremst innáskiptingar þjálfaranna, hvaða leikmönnum er treyst o.s.frv. 

Í vörninni áttu einnig Guðmundur Hólmar og Tandri góðan leik og sýna að þeir eiga fullt erindi á EM.

Þá sýndi Aron Rafn að hann er besti markmaðurinn okkar í dag (en ekki Björgvin) og fær vonandi að spila mikið á EM.

Svo var Kári auðvitað góður á línunni og sýndi einnig að hann getur alveg spilað vörn. Spurning hvort ekki eigi einfaldlega að gefa Róbert Gunnars frí á EM. Hann er jú ekki í neinu leikformi eins og sást berlega í leiknum í gær - og svo er hann alveg ömurlegur varnarmaður!

„Varaliðið“ vann nauman sigur