Furðu hljótt um þetta samkomulag!

Það hefur verið furðu hljótt um þetta sam­komu­lag á milli Íslands og Banda­ríkj­anna frá lok júní á síðasta ári, sem nú er verið að upplýsa um - sem þýðir aukna viðveru bandarísks herliðs hér á landi. 
Eins og venjulega hjá Kananum er þetta "óvininum að kenna", þ.e. Rússagrílunni beitt enn og aftur. 

Þetta gleypa VG-liðar hrátt - og virðast koma af fjöllum um þetta samkomulag. Kom það kannski ekki til umræðu á þingi í fyrra heldur var ákveðið einhliða í utanríkisráðuneytinu? Og inn í slíka stjórnsýslu gengur VG án þess að blikna né blána!

Ráðherrastólarnir skipta greinilega meira máli en gömlu prinsip-málin. Hvað næst?
Lýsir ríkisstjórnin undir forsæti Vg næst yfir stuðningi við "algjöra eyðileggingu" Norður-Kóreu sem Kaninn, undir forsæti hins tryllta Trumps, er að boða þessa daganna?

NATO á flugskýlið en Bandaríkin borga