Guð blessi Ísland!!

Er ekki of seint í rassinn gripið að biðja Guð að hjálpa sér nú, þegar íslenska bankakerfið er sagt hrunið - komið í þrot?

Annars var ávarp forsætisráðherra allt í véfréttastíl. Hann virðist tala um fórn til langrar framtíðar hjá  þjóðinni vegna þess að ekki er hægt að bjarga bankakerfinu (of mikil áhætta í þvi fólgið) heldur verði að að laga það að íslenskum aðstæðum - og það verði að koma í veg fyrir stjórnleysi ef bankarnir verða óstarfhæfir.

Þetta sé verulegt áfall sem valdi ótta og angist - að gjörningaveður sé að hefjast og að yfirbyggingin sé að bresta.

Það verður fróðlegt að sjá frumvarpið sem lagt verður fram á Alþingi seinna í dag (samkvæmt forsætisráðherra), sem er ætlað að bjarga því sem bjargað verður!

Það er þó óhætt að segja að nú sé skollin á miklu verri kreppa en hin stóra kreppa árið 1929. 

Svo tala pólitíkusarnir enn um gífurlegar auðlindir þjóðarinnar og trausta undirstöðu!!!!! 

Og fréttamennirnir virðast enn ekki átta sig á því að bankakerfið sé algjörlega hrunið!! 

Neyðarlög sett í dag

Athugasemdir

[Guðmundur Auðunsson, 6.10.2008 kl. 16:41]

Guð hefur auðvitað miklu meiri áhuga á að bjarga bönkunum heldur en skipta sér af smámunum eins og að tugir þúsunda barna deyji úr fæðuskorti.