Íslendingar á ferðinni í dag

Margir íslenskir fótboltasparkarar voru og eru á ferð í dag með liðum sínum víða í Evrópu.

Garðar Jóhannsson var í sigurliði Fredrikstad sem enn á möguleika á gullinu í Noregi. Leikur Íselndingaliðanna Brann og Stabæk stendur nú yfir (staðan er 1-1 fyrir Stabæk og átti Veigar Páll stóran þátt í marki Stabæk, sem var sjálfsmark; Kristján Örn var rekinn af velli á 20. mínútu!) og þarf Stabæk að vinna leikinn til að tryggja sér meistaratitilinn. Þrír Íslendingar eru á bekknum hjá Brann og einn hjá Stabæk.

Þá skoraði Theodór Elmar Bjarnason í tapleik Lyn en Indriði lék ekki með liðinu, líklega vegna meiðsla.

Haraldur Guðmundsson spilaði með Álasundi í sigurleik liðsins sem enn á möguleika á að halda sér í deildinni. Birkir Bjarnason fór hins vegar snemma meiddur af velli í leik Bodö Glimt gegn Álasundi.

Kjartan Finnbogason, sem hefur verið meiddur, spilaði í 20 mínútur í sigurleik Sandefjord í næstefstu deild og tókst liðinu að tryggja sér sæti í efstu deild að ári.

Í Svíþjóð spilaði  Eyjólfur Héðinsson allan leikinn með GAIS gegn Malmö FF í 2-2 jafnteflisleik. 

Þá spiluðu Sölvi Ottesen og Stefán Gíslason allan leikinn með liðum sínum Sönderjyske og Bröndby en leikur þeirra lauk með jafntefli (2-2).  Gunnar Heiðar lék ekki með Esbjerg.

Eggert Jónsson lék allan leikinn með Hearts sem gerði jafntefli úti gegn Hibernian. 

Athygli vekur að Emil Hallfreðsson kom ekkert við sögu með Reggina í leik liðsins í gær. Er hann þriðji landsliðsmaðurinn, og annar fastamannanna, sem leikur lítið sem ekkert með liði sínu. 

 

 

Arnór og Ragnar skoruðu