Ekki kúgun eða afarkostir lengur?

Það er svei mér umsnúningur hjá ráðamönnum þjóðarinnar þessa daganna. Nú á að ganga til samninga við Breta eftir stórorðar yfirlýsingar þessara sömu ráðamanna um að aldrei yrði samið við Bretanna - að kröfur þeirra væri hin versta (fjár)kúgun og afarkostir.

Reyndar eru stóryrði þeirra furðuleg, og þessi skollaleikur allur, þar sem samtímis hefur alltaf verið fullyrt að innistæður og eignir Landsbankans ytra stæðu að mestu undir þessum innistæðum, auk þess sem lofað var að farið væri að lögum ESB og EFTA um ábyrgð (en það virðist ætla að vera niðurstaðan eftir allt saman)!!

Er ekki nokkuð ljóst að þessi ríkisstjórn hefur fyrir löngu fyrirgert trausti þjóðarinnar og þarf því að segja af sér hið bráðasta?  

Þetta er nefnilega ekkert fyndið lengur - ef það hefur þá einhvern tímann verið það!

Enginn góður kostur í stöðunni

Athugasemdir

[Jón Gunnar Bjarkan, 13.11.2008 kl. 19:37]

Já þetta er allt orðið hið mesta bull og vitleysa. Var ekki verið að tala um hvernig þessar skuldbindingar áttu að gera okkur að næsta weimer þýskalandi eftir fyrra stríð. Nú er menn farnir að tala um að þetta séu nú bara töluvert minni skuldbindingar en flestar þjóðir eru að leggja á sig til að bjarga sínum fjármálakerfum.

[Fannar (IP-tala skráð) 13.11.2008 kl. 20:16]

Já, nú er Geir Hilmar farinn að toppa sjálfan sig í ráðaleysinu og roluhættinum  Hann hefur minni en enga stjórn eða áhrif á atburðarrásina í einu eða neinu.  Hvar enda þessi ósköp?

Hvenær ætlar stjórnin að segja af sér þ.a. hægt sé að mynda utanþingsstjórn? Ætlar hún virkilega að sitja sem fastast og valda þjóðinni enn meiri skaða ??