Ísraelskar flugvélar rjúfa lofthelgi Egyptaland

Flestar erlendar fréttastöðvar segja frá þessari frétt á annan hátt en mbl.is

Þar er aðalfréttin sú að ísraelskar orustuflugvélar hafi margoft rofið lofhelgi Egyptalands með árásum sínum á Rafahborg sem stendur á landamærum Gaza og Egyptalands.

Ekki er vitað hvort þetta sé gert með samþykki Egypta en egypska ríkisstjórnin hefur ekkert látið hafa eftir sér vegna þessara atvika. Í samkomulagi Ísraela og þeirra frá 1979 er þó skýrt tekið fram að virða verði lofthelgi Egypta. 

Reyndar er framferði Egypta gagnvart Palestínu, síðan að árás Ísaelsmanna hófst, ekki alveg til fyrirmyndar. Þeir hafa lokað landamærunum fyrir flóttafólki þannig að Gazabúar komast hvorki lönd né strönd.

Enda eru mótmæli gegn stjórninni og afstöðu hennar til innrásarinnar tíð í Egyptalandi eins og Karl Blöndal aðstoðarritstjóri Moggans greindi skilmerkilega frá á fundi um Palestínumálið í gær (laugardag). 

Skrif blaðamannanna á mbl.is virðast hins vegar ekki alveg vera í samræmi við skoðanir aðstoðarritstjórnans. Ætli hér sé um að ræða meðvitað andóf hægrisinna á blaðinu gegn honum? 

 

Egypsk börn slösuðust í sprengjuárás