Bjartsýnisgoðið Össur!

Bragð er að þá barnið finnur! Össur hefur undanfarið verið helsti gleðigjafinn í íslenskri pólitík.

Fyrst með fréttinni um Drekasvæðið þar sem okkar bíður olíuævintýri á við ævintýri Norðmanna og svo með fréttinni um samninginn við Norðurál vegna álvers í Helguvík.

Úrtölumenn í hópi harðdýranna hafa að vísu bent á að samningurinn vegna álversins í Helguvík sé engu betri en samingur framsóknarmanna vegna álversins á Reyðarfirði: rafmafn á gjafvirði, tollar afnumdir af tækjum og tólum vegna verksmiðunnar og skattar á fyrirtækið lægri en þekkist á önnur fyrirtæki hér landi og er þá mikið sagt.

Hjarðdýrin neikvæðu hafa og bent á að kosningarloforð Samfylkingarinnar um Fagra Ísland sé löngu svikið og orðin að engu.

Ég vil endilega bætast í þennan neikvæða hjarðdýrahóp og benda á að í Noregi eru nú háværar raddir uppi um að draga úr olíuleit, og jafnvel olíuvinnslu, og sýna þannig í verki að norsk stjórnvöld séu sannarlega tilbúin að berjast gegn ofhlýnun jarðar og geri allt sem í hennar valdi stendur til að draga úr losun gróðurhúsalofttegunda. Þess í stað ættu Norðmenn að nota olíuauðinn til að þróa nýja, náttúruvæna orkugjafa til að nota í stað olíunnar.

Hvernig sem maður leitar í fréttum af áætlunum ráðherra Samfylkingarinnar, umhverfisráðherrans eða iðnaðarráðherrans, þá er hvergi neinar svona háfleygar áætlanir að finna í þeirra plönum. 

Það er þannig ekki aðeins hinn mengunaróði iðnaðarráðherra sem svíkur kosningarloforð flokksins um fagurt Ísland heldur einnig umhverfisráðherrann.  Hann kom heim um daginn frá fundi í Póllandi um umhverfismál og fullyrði að mjög mikill og góður árangur hafi náðst þar.

Frá umhverfisverndarsinnum um allan heim bárust hins vegar aðrar fréttir. Fundurinn í Póllandi nú í desember hafi ollið miklum vonbrigðum og boðaði ekkert gott fyrir stóra fundinn í Kaupmannahöfn nú seinna á þessu ári.

Viljið þið fá fleiri jákvæð tíðindi frá ráðherrum Samfylkingarinnar nú mitt í fjármálakreppunni sem kemur beint ofan í umhverfiskreppuna? Fylgist þá endilega með Össuri og Þórunni!

Össur: Eftirtektarverð hjarðhegðun fjölmiðla

Athugasemdir

[Anna , 12.1.2009 kl. 14:25]

Ef er fylgst með ummæli ráðherra þá er hun mikill mótsögn miðavið hvað er að gerast í heiminu.

Frá hvaða plánetu koma þeir eigilega þá meina ég ráðherrarnir.  Ekki þessarri.

Einnig sé ég enga FRAMTÍIÐASÝN hjá stjórmálaflokkunum.

Ég tel að ríkisstjórnin verður fallin þegar fer að vora.