Hvað með Perú?

Áhyggjur vestrænna ríkisstjórna vegna mótmælanna í Íran kemur nokkuð á óvart miðað við skeytingarleysið sem þessu sömu stjórnvöld sýndu við fréttum af drápum perúískra stjórnvalda á indíánum sem voru að mótmæla eyðingu regnskóga landsins og stórfelldri mengun vegna olíuvinnslu vestrænna stórfyrirtækja á Amazonsvæðinu.

En þetta kemur auðvitað ekkert á óvart. Allir Íslendingar hafa orðið vitni að því nú í kreppunni hvernig fjölmiðlar er nýttir í pólitískum og fjárhagslegum tilgangi í þágu nýlíberalismans.

Og sama gerist úti í hinum stóra heimi. Íran leyfir enga erlenda "fjárfestingu" í landinu - og hefnist nú fyrir það meðan Garcia, forseti Perú, kemst upp með fjöldamorð á þegnum sínum án þess að nokkur (nema lágværar hjálparstofnanir) hreyfir andmælum.

Já, fréttaflutningur vestrænna fjölmiðla af niðurstöðum kosninganna í Íran er ótrúlega hlutdrægur. Þeir gefa sér að niðurstöðurnar séu svindl, vegna þess að Ahmadinejad lætur leiðinlega við Kanann og við Ísrael. Hvað gerist næst, innrás eins og í Írak??

Svo eru Japanir að hafa "áhyggjur". Þeir studdu jú nýafstaðin fjöldamorð á Tamílum á Sri Lanka - já gerðu þau möguleg. Þvílík hræsni!

Áhyggjur af ástandinu í Íran

Athugasemdir

[Garðar Valur Hallfreðsson, 16.6.2009 kl. 16:18]

Það er nokkuð til í þessu, fréttir eru matreiddar ofan í okkur í mörgum tilvikum.