Sama og hér á höfuðborgarsvæðinu!

Þetta er nákvæmlega sama og gerist hér á höfuðborgarsvæðinu vegna mengunar frá Hellisheiðarvirkjun - og þykir ekki fréttnæmt. Hér ryðgar allt járn og stál sem er ekki ryðvarið ... og viðkvæm tæki skemmast eða eyðileggjast.

Munurinn er bara sá að hér er það einokunarfyrirtæki í eigu ins opinbera sem stendur fyrir menguninni - og kemst upp með hana - en eystra er það fjárans náttúran sem hagar sér svona!

 

 

Málmur ryðgar vegna efna frá gosinu

Hvað með íslensku landsliðin?

Þá eru Danir búnir að velja 21 árs landsliðshópinn í umspilsleikina gegn Íslandi 10. og 14. október. Þetta er hörkulið svo sem sóknarþrenningin hjá FC Kaup­manna­höfn: Danny Am­ankwaa, Yussuf Toutouh, Andreas Cornelius – og svo leikmaður Aston Villa, Okore.

Ekkert bólar þó á valinu á íslenska liðinu og er það yfirleitt síðast allra til að tilkynna leikmannahópinn. Vel getur verið að ástæðan sé seinlæti þjálfara fullorðinsliðsins sem er yfirleitt mun seinni að tilkynna sitt lið.

Nú eru bæði Lettar og Hollendingar búnir að tilkynna landsliðshópinn gegn Íslendingum (10. og 13. október). Einnig eru Danir, Svíar og Norðmenn búinir að tilkynna sína hópa en ekki Íslendingar. Engin skýring hefur verið gefin á þessu síendurtekna seinlæti en vel getur vel að slegist sé um leikmennina bakvið tjöldin.

 

Þá er það einkum um framherjann Jón Daða Böðvars­son, sem reyndar komst ekki í byrjunarlið Viking í síðasta leik og hefur lítið skorað á undanförnu. Mér finnst alveg sjálfsagt að Lars og Heimir láti Eyjólfi þjálfara 21 árs liðsins hann eftir, enda hefur fullorðnisliðið nú nóg af framherjum til að velja úr. Kolbeinn er í fantaformi auk þess sem Alfreð Finnbogason er byrjaður að leika með liði sínu í spænsku úrvalsdeildinni. Á Norðurlöndunum eru og öflugir framherjar/sóknartengiliðir að ná sér á strik, menn eins og Matthías Vilhjálmsson, Rúrik Gíslason og Kristinn Steindórsson, auk þess sem Viðar Örn Kjartansson heldur áfram að raða inn mörkum í norsku úrvalsdeildinni.

Sem sé Jón Daði spili fyrir 21 árs liðið því Danir eru sterkir og Íslendingar þurfa á öllum sínum bestu mönnum að halda.

Fyrrverandi Stjörnumaður mætir Íslandi

Gasmengun í þessu roki???

Þessar fréttir um gasmengun frá gosinu í Holuhrauni verða sífellt hjákátlegri. Það er alveg sama hversu mikið rokið er eða úrkoman, alltaf er spáð gasmegnun!

Þetta virðist vera kategorískar upplýsingar frá Veðurstofunni sem fjölmiðlafólk virðist telja að það þurfi að birta, enda hluti af viðvörun frá almannavörnum - og þeim má líklega ekki breyta.

Samt vita allir sem eitthvað hafa milli eyrnanna að vindurinn dreifir menguninni svo ekkert verður úr henni - og úrkoman eyðir henni einnig.

Annars er allur þessi fréttaflutningur um hættuna af gosinu með eindæmum og virðist fyrst og fremst vera gerður af hagsmunaaðilum til að fá stjórnvöld til að setja upp mæla og fjármagna aðrar "almannavarnir" við yfirvofandi hættu sem engin er (eða sáralítil).

Akureyringar eiga von á gasmengun

Dálítið hæpið!

Þetta fyrirbæri, Kristdagurinn, er runnið undan rifjum samtaka sem nefnast Campus Crusade for Christ og virðast vera komið hingað til lands fyrir tilstilli bænahóps undir forystu nokkuð umdeilds athafnamanns, Ómars Kristjánssonar.

Samtökin CCC, eða réttara sagt CRU eins og þau skammstafa sig nú, voru stofnuð 1951 af Bandaríkjamanninum (auðvitað!) Bill Bright sem segist vera í beinu sambandi við Guð. Guð mun sjálfur hafa gefið honum hugmyndina að nafni samtakanna og er það trú þeirra að svo hafi verið.

Spurning auðvitað hvort biskupinn okkar og forsetinn trúi þessu einnig, fyrst þau léðu nafn sitt þessu átaki og héldu m.a.s. ræður á þessari samkomu.

Fyrst tengdust samtökin bandarískum framhaldsskólum en hafa nú breiðst út víðar, svo sem meðal íþróttamanna og fleiri. 

Bright þessi hefur unnið sér það til frægðar að skrifa undir bréf, eða yfirlýsingu, fjögurra kristinna safnaða sem lögðu blessun sína yfir innrásina í Írak á sínum tíma. 

Mér finnst dálítið hæpið fyrir biskupinn og forsetann að auglýsa þessi samtök - og þennan "dag" þeirra - og tel að ráðgjafar þeirra hafi ekki staðið sig neitt sérstaklega vel í að kynna sér samtökin. 

Sameinast í bæn í Hörpu

Norðanmenn að þreytast!

Það hlaut að koma að því að almannavarnahópurinn fyrir norðan færi að þreytast á þessari mánaðarlöngu pattstöðu á svæðinu allt frá norðurhluta Vatnajökuls og alla leið til sjávar!

Síðan jarðskjálftarnir hófust í Bárðarbungu fyrir rúmum mánuði hefur svæðið meðfram Jökulsá á Fjöllum verið meira og minna lokað og varúðarástand á stóru svæði nálægt fljótinu. Ég veit t.d. ekki betur en að enn sé ferðamönnum bannað að ganga niður að Dettifossi (vestanmegin).

Þessi pattstaða er þeim mun undarlegri í ljósi þess að ástandið hefur verið stöðugt allt frá því að það byrjaði að gjósa í Holuhrauni. Þá hefur komið fram í fréttum að landverðir á svæðinu finna ekki einu sinni fyrir þessum "gífurlegu" skjálftum sem fjölmiðlar eru alltaf að tala um - og björgunarsveitarfólk á svæðinu, sem eiga að framfylgja lokunarskipunum, finna meira að segja ekki fyrir þessari brennisteinsmengun sem á að vera sú mesta sem þekkist í heiminum!

Er ekki að verða tími til að aflétta þessum kostnaðarsama farsa og leyfa fólki að ferðast um svæðið, amk í Öskju og að Dettifossi sem er í tugi kílómetra frá jöklinum?

Bundnir við gæslu bannsvæðis

Þreytandi karakter!

Þessi Víðir Reynisson er að verða ansi þreytandi. Framganga hans í Eyjafjallagosinu var slík að kalla hefði átt á afsögn hans þá, en hann rak eins og kunnugt er fjölda fólks úr húsum þeirra á Suðurlandi, allt vestur til Þjórsár ef ég man rétt, vegna hugsanlegrar hættu á flóði úr Markarfljóti (sem aldrei kom!)!

Nú er það hugsanlegt flóð undan norðanverðum Vatnajökli (þetta blessaða "ef") sem geti skapað stórhættulega ástand að því er virðist fyrirvaralaust - og því sé allur varinn góður.

Þó hefur það komið margoft fram hjá helsta eldgosafræðingi okkar, Magnúsi Tuma, nú síðast í dag, að nær engin hætta sé á gosi undir jökli meðan það gýs í Holuhrauni.

Þar er jafn mikill kraftur í gosinu að áður og því engar líkur á gosi eða hamförum eins og er. Fyrirvarinn er þannig nægur, margir dagar, viku, mánuðir og jafnvel ár - og aldir, áður en kemur að gosi undir jökli!

Er ekki kominn tími til að gefa Víði (og fleiri "úlfur-úlfur" mönnum) frí og fá einhvern annan ekki eins kvíðinn eins og Víði karlinn?

 

„Þetta er afar óskynsamlegt“

Athyglissýki eða tilraun til að fá pening?

Enn einu sinni er eldgosafræðingurinn Ármann Höskuldsson að reyna að vekja athygli á sér og sínu með glannalegum yfirlýsingum. Fyrir nokkrum dögum talaði hann um að gosið í Holuhrauni væri að hætta en svo reyndist alls ekki vera – enda sögðu tveir virtari jarðvísindamenn en hann, að ekkert benti til þess að það væri að draga úr gosinu.
Ármenn hefur greinilega ekki talið nóg að gert og heldur áfram að reyna að hræða almenning. Hann talar um að gosið í Holuhrauni hafi ekki við að létta á spennunni í kvikuganginum – sem er þvert á það sem Magnús Tumi og Páll Einarsson hafa sagt – og að miklar líkur séu á eldgosi í sjálfri Bárðarbungu með tilheyrandi hamförum.

Að vísu er mikil gúrkutíð núna hjá fjölmiðlum en þó skil ég ekki alveg þennan fréttaflutning – og undrast ábyrgðarleysi fjölmiðla og sérfræðinga eins og Ármanns sem nota hvert tækifæri að mála skrattann á vegginn. Athyglissýkin er yfirgengileg ... eða hvað?!

Málið er auðvitað það að gosið hefur vel undan. Kvikan undir jöklinum heldur áfram að streyma frá honum þannig að líkur á eldgosi í Bárðarbungu fer minnkandi með hverjum deginum sem líður. Fer því ekki að koma tími til að létta á takmörkunum á ferðum fólks norður af eldstöðvunum, eða eiga þessar takmarkanir að standa yfir í mörg ár – þ.e. á meðan það gýs í Holuhrauni (hinum nýju „Kröflueldum“)?

Nú síðast birtist lítil og sakleysisleg frétt í textavarpi RÚV sem gæti útskýrt þessi glannalegu ummæli Ármanns. Fé Jarðvísindastofnunar eru nefnilega á þrotum og nú þarf að betla meiri pening:

"Jarðvísindastofnun Háskóla Íslands verður að fá aukið fé frá stjórnvöldum eigi að halda áfram því starfi sem unnið er í tengslum við eldgosið í Holuhrauni". Þetta segir Ármann Höskuldsson eldfjallafræðingur.

 

Líkur á gosi undir jökli

Er ekki kominn tími til að aflétta hættuástandinu?

Eftir að Ármann Höskulsson eldgosafræðingur kom með yfirlýsingu sína um að gosið í Holuhrauni væri að fjara út og að það gæti farið að gjósa næstum því hvar sem er annars staðar á skjálftasvæðinu, hafa tveir virtir fræðimenn stigið fram (þeir Magnús Tumi Guðmundsson og Páll Einarsson) og hafnað þessu. 

Ekkert lát sé á eldgosinu í Holuhrauni og það hefði vel undan að taka við kvikustreyminu frá bergganginum undir jöklinum. Í kjölfar þessara yfirlýsinga ákváðu Almannavarnir að funda nú seinni part vikunnar um hugsanlega endurskoðun á viðbrögðum sínum.

Ekkert bólar þó á slíkri niðurstöðu, hvað þá að hættuástandinu sé aflétt. Á meðan berast þær fréttir að hætt hafi við undirbúning að uppbyggingu Dettifossvegar norðan úr Kelduhverfi í áttina að fossinum vegna jarðskjálftanna í Bárðarbungu (og þá hugsanlegs hlaups í Jökulsá á Fjöllum)!

Líklega þarf að gjósa í Bárðarbungu og hlaup frá henni að fara í suður (úr Grímsvötnum yfir sandana sunnan jökulsins) til að þessu hættuástandi verði einhvern tímann aflétt!

http://ruv.is/frett/dettifossvegur-tefst-vegna-jardhraeringa

 

 

Færri skjálftar við Bárðarbungu

Gosið að fjara út?

Mér sýnist nú á öllum myndum að gosið sé alls ekki að fjara út. Líklega virðist það þó hafa breyst þar sem hraunið er farið að mynda á, þ.e. sé meira þunnfljótandi en áður.

Spurningin er auðvitað af hverju jarðvísindamennirnir og aðrir "sér"fræðingar eru að ýta undir einhverjar hugsanlegar hamfarasögur af jarðhræringunum þarna við norðanverðan Vatnajökul - og jafnvel að koma í veg fyrir að fólk geti ferðast um þennan landshluta á þess að vera stöðvað af sjálfskipuðum (svo maður noti hugtak fjölmiðlamanna um forystumenn uppreisnarinnar í Austur-Úkraínu!) öryggisvörðum á svæðinu.

Enn er verið að viðhalda óttanum um hamfarir í Bárðarbungu (og jafnvel í Dyngjujökli þó flestir viti að þar séu engin efni til hamfara) þó svo að jafnframt er ítrekað að menn séu ekki að loka þarna lokananna vegna!

Þá er athyglisvert að sjá hvernig Jökulsáin stöðvar hraunstrauminn og beinir honum frá sér. Það er reyndar ekkert skrítið því Vestmanneyingum tókst að stöðva hraunflæðið í Eyjum með öflugum vatnsslöngum sem jöfnuðust þó auðvitað engan veginn við krafta náttúrunnar, Jökulsá á Fjöllum, sem er næst straumþyngsta fljót landsins.

Svo voru "fræðingarnir" að tala um að hraunið gæti girt ána af og myndað lón á svæðinu! 

99,9% líkur á öðru eldgosi

Bein þýðing úr norsku!

Það hefði nú mátt koma fram að blaðamaðurinn tók ekki þetta viðtal við Björn Bergmann heldur þýddi það beint úr norsku blaði:

http://www.dagbladet.no/2014/09/15/sport/fotball/tabeller/molde/tippeligaen/35277176/

 

Björn Bergmann: Verið erfiður tími