Ólína eða Rögnvaldur?

Mér sýnist nú á öllu að merítur Rögnvalds séu miklu meiri en Ólínar á hinu akademíska sviði (með allri virðingu fyrir doktorsgráðu hennar um galdramálin á Íslandi) og ættu að vera afgerandi þáttur í ráðningarferlinu.

Sjá um hann t.d. hér: http://lu.academia.edu/R%C3%B6gnvaldurIngthorsson 

Ekki búið að ráða Ólínu

Ólíkar tölur eftir fjölmiðlum

Samkvæmt þessum tölum er t.d. SV undir þeim mörkum (4%) sem þarf til að koma inn manni en annars staðar er spáð að flokkurinn fái nærri 5%.

Tekið skal fram að einhver vandkvæði er í talningu atkvæða í Osló en það skekkir auðvitað myndina töluvert.

http://www.vg.no/ 

Hægriflokkarnir með meirihluta

Á síðustu stundu!

Nú, dag fyrir leik, hefur loksins verið bætt við manni í vængbrotið landsliðið, sem er Haukur Páll Sigurðsson í Val. Það er líklega of langt að fara frá Norðurlöndunum eða Belgíu til að koma til móts við liðið á einum degi.

Menn hafa þó frekar verið að kalla eftir Birni Daníel Sverrissyni úr FH enda hefur hann verið að standa sig vel með liði sínu í Evrópukeppninni.

Annars dró Emil sig úr liðinu fyrir leikinn á föstudag svo nægur tími hefði verið að kalla til mann eins og Theódór Elmar Bjarnason, leikmann danska liðsins Randers, enda ekki langt héðan til Danmerkur og flug mörgum sinnum á dag. Hann hefur og sjálfur kvartað yfir því að vera ekki valinn þrátt fyrir góða frammistöðu ytra bæði í fyrra og í ár.

Haukur Páll í landsliðshópinn

Mikilvægasti leikurinn?

Er ekki allir leikirnar sem framundan eru mikilvægir (nema ef þessi tapast)?

Íslenska liðið þarf helst að vinna tvo næstu leiki (þennan gegn Albaníu og svo í október gegn Kýpur hér heima) og ekki tapa gegn Noregi úti til að eiga séns í að ná umspilinu (hefðu auðvitað þurft að vinna Sviss til að eiga möguleika á að komast beint á HM). 

Þá er það ekki gefið að við komumst áfram þó svo að við komumst í umspil því þar bíða lið eins og Króatía, Grikkland, Rússland og Frakkland!

Svo eru það aðeins átta lið sem komast í umspil, átta lið af níu sem verða í öðru sæti í riðlinum. Þar er okkar riðill eins og stendur í 8. sætinu svo það er naumt (aðeins Danariðillinn lélegri). Einnig ber að hafa í huga að þá reiknast ekki stigin gegn neðsta liðinu (Kýpur) og þar er hætt við að Ísland missi sex stig.

Þannig að það er spurning hvort íslenska landsliði eigi mikla möguleika á að komast á HM þó svo að leikurinn á morgun vinnist. Tapið heima gegn Slóvenum gæti hafa komið í veg fyrir það. Reyndar hefur okkur gengið afleitlega heima (einnig tapað gegn Sviss). Það dregur enn úr líkunum á góðum úrslitum á morgun - og þátttöku á HM í Brasilíu á næsta ári.

Vitum að þjóðin er á bak við okkur

Spáð slagviðri!

Það lítur ekki vel út með veðrið annað kvöld: "Vaxandi suðaustanátt á morgun, 10-20 m/s og talsverð rigning S- og V-til seinnipartinn".

Er ekki best að fara eftir ráðleggingu Arons Einars, landsliðsfyrirliða, í sjónvarpsauglýsingum KSÍ um leikinn: "RÚV er okkar heimavöllur"?

 

Vongóðir um fullan völl

Góð byrjun að snúast í martröð

Þessi leikur er að þróast á hugsanlega versta veg. Vörnin er mjög slök og kannski má sama segja um varnartengiliðana. Þá koma sóknartengiliðirnir ekki til baka til að hjálpa. 

Verst lítur þó Kári Árnason út, sérstaklega í þriðja markinu þegar hann nennti ekki að elta sóknarmann Svisslendinga sem fékk heimsins allan tíma til að gefa fyrir, sem kostaði mark. Þá leit Hannes markvörðu illa út í þriðja markinu - og jafnvel einnig í marki númar tvö sem einkenndist af algjöru fáti í íslensku vörninni.

Heilt yfir er ljóst að svæðisvörn landsliðsþjálfarans er að klikka rétt eins og í tapleiknum hér heima gegn Slóvenum.

Áður en ég fer að krefjast afsagnar Svíans óska ég eftir að Arnór Smárason komi inná strax eftir leikhléð en ekki Eiður Smári. Arnór er að spila fantavel með félagsliði sínu og skrítið að hann skuli ekki vera í byrjunarliðinu.

Jóhann bjargaði stigi með þrennu

Hverjir eru þeir seku?

Ljóst er að ekki eru allir jafn vissir og Bandaríkjamenn (og Frakkar) um að Sýrlandsstjórn hafi staðið að baki eiturefnaárásunum - og að þeir hafi í raun og veru sannanir í þá veruna.

Og það eru ekki aðeins Rússar og aðrir "bandamenn" Assads sem hugsa þannig. Formaður öryggis- og varnarmálastefnu Evrópuþingsins er einnig fullur efasemda: http://www.ruv.is/frett/hefur-efasemdir-um-gagnsemi-arasa

Þá er vitað að uppreisnarmenn hafa beitt eiturefnavopnum í stríðinu, t.d. í maí síðastliðnum. Svo segir m.a. formaður eftirlitsnefndar Sameinuðu þjóðanna.

Þá eru uppi sögusagnir um að Saudí-Arabar hafi útvegað uppreisnarmönnum þessi eiturefnavopn en að það hafi orðið slys við meðferð þeirra þar sem þeir hefðu ekki fengið neinar leiðbeiningar um hvernig ætti að nota þau.

Skyndileg sinnaskipti Breta og Bandaríkjamanna um tafarlausa árás bendir til þess að Vesturlönd eru sjálf farin að efast um hver standi að baki þessari gasárás.

Voandi ná menn áttum og reyna að leysa þetta skelfilega stríð á diplómatískan hátt, en ekki með vopnavaldi. Sporin frá Írak hræða.

Senda ekki hermenn til Sýrlands

Berjasprettan

Ljóst er nú að lítið er af berjum á Suður- og Vesturlandi þetta haustið vegna óhagstæðrar tíðar í vor og sumar. 

Þetta hefur reyndar verið í kortunum lengi en óvenjulítið hefur verið af sætukoppum og/eða grænjöxlum uppi í Þormóðsdal í sumar miðað við tvö síðustu ár.

Hins vegar er þetta nokkuð skrítið í ljósi þess hvað hefur heyrst um málið hjá berjasérfræðingum í ár.

Sveinn Rúnar Hauksson talaði til dæmis um að sprettan yrði mun meiri en menn ættu von á http://www.mbl.is/frettir/innlent/2013/08/08/vida_frabaer_berjaspretta/

Mest er að marka Berjavini, sjá t.d. hér umsagnir fólks: http://berjavinir.com/?page_id=356 

Ekki berjaár á Suður- og Vesturlandi

Hvað stóðst spáin ekki?

Svo virðist sem óveðursspá Veðurstofunnar hafi ekki staðist. Bæði hafi verið hlýrra en spáð var og ekki eins mikil úrkoma.

Allur er varinn góður sagði nunnan en það á ekki við í þessu tilviki (og reyndar ekki hennar heldur).

Spáin hefur kostað bændur óhemju mikið erfiði en eins og allir þekkja sem eitthvað hafa tekið þátt í smalamennsku er afar erfitt að smala fé í góðu veðri eins og hefur verið undanfarið fyrir norðan. Það vill einfaldlega ekki niður því gróðurinn er enn safa- og næringarríkur uppi á heiðum, dölum og fjöllum. Þá er ótalið vesenið að vera með stóran hóp fjár í heimahögum og túnum löngu fyrir sláturtíð.

Sama má segja um ferðamenn. Þeir hafa orðið fyrir miklu ónæði vegna spárinnar og kröfunnar um að fara niður af hálendinu. Auk þess virðist björgunarsveitarmenn hafa verið plataðar til að vera í viðbragðsstöðu en ekki eitt einasta útkall var vegna veðurs í nótt.

Veðurstofan hefur oft klikkað áður illilega og verður að fara að taka sig á ef hún ætlast til þess að spár hennar verða teknar alvarlega.

Dregur úr vindi síðdegis

Rúrik ekki með!

Loksins er Gunnar Heiðar Þorvaldsson valinn í landsliðið aftur, en í staðinn fyrir þann Íslending sem líklega er í besta forminu um þessar mundir, Rúrik Gíslason, sem reyndar handarbrotnaði í síðasta leik með FCK.
Rúrik á hins vegar að spila með spelkum í félagsliði sínu en er ekki leikfær með landsliðinu! Eins og kunnugt er skipaði Ståle Solbakken, nýráðinn þjálfari danska liðsins, Rúrik að taka brotinu eins og Íslendingur og spila með spelkum.

Rúrik er annar tveggja leikmanna FCK sem hefur fengið góða dóma fyrir leik sinn þar sem af er leiktíðinni, en liðið er í neðsta sæti dönsku úrvalsdeildarinnar að loknum 6 umferðum (hinn er danski landsliðsmaðurinn Nicolai Jörgensen).

Tekið skal fram að Rúrik fékk ekkert að spila í æfingaleiknum gegn Færeyingum þrátt fyrir góða frammistöðu með félagsliðinu. Spurningin er hvort landsliðsþjálfarinn, Lars Lagerbäck, hafi eitthvað á móti Rúrik, eða hvort Lars gerir sér ekki enn grein fyrir þjóðareðli okkar Íslendinga („eigi skal haltur ganga meðan báðir fætur eru jafnlangir“). 

Aron og Gunnar aftur í landsliðinu