Hvernig verður byrjunarliðið?

Nú er loks komið að síðustu landsleikjunum tveimur í undanriðli HM. Á RUV er umfjöllun um íslenska landsliðið sem sýnir hverjir hafi leikið mest með félagsliðum sínum – og hverjir fæst.

Aðeins Birkir Bjarnason og Eiður Smári Guðjohnsen eru undir 50 prósentunum en Eiður sker sig sérstaklega úr með aðeins 14 mínútur spilaðar hjá Club Brugge í Belgíu.

 

Kristján Guðmundsson þjálfari Keflavíkur, sem hefur verið rekinn oftast allra íslenskra þjálfara sem enn eru starfandi, tjáir sig um byrjunarliðið og telur líklegt að Eiður Smári verið í því (þrátt fyrir bekkjarsetuna hjá Brugge) en Alfreð á bekknum. Þjálfararnir breyti ekki liðinu frá síðasta leik.

 

Samkvæmt leikþjálfuninni ætti þó liðið að vera borðleggjandi nema að Helgi Valur verði á bekknum og Rúrik eða Jóhann Berg komi inn í staðinn (helst báðir). Birkir Bjarna og Eiður verði á bekknum.

 

Vert er að benda á að tveir Íslendingar voru í liði vikunnar hjá Tipsbladet í dönsku úrvalsdeildinni (http://www.tipsbladet.dk/nyhed/super­liga/rundens-hold-i-superligaen-11-runde), Ari í annað sinn en Rúrik í fyrsta sinn:
Central midtbane: Ari Skulason, OB (2). ”Det kan godt være, OB hentede ham til at være venstre back, men Troels Bech mener tilsyne­ladende, islændingen er bedre på den centrale midtbane, hvor han mod Esbjerg overstrålede sin centrale makker Conor O'Brien og leverede en stærk arbejdsindsats bag målscorer Martin Spelmann. Bechs problem i den forbindelse er, at Skulason har vist sig at være både den bedste midtbane­spiller og den bedste back, han råder over.” ...

Angriber: Rurik Gislason, FC København (1). ”Spiller egentlig på FC Københavns højre midtbane, men i mangel af kvalificerede FCK-angribere rykker vi her Gislason frem på den position, som han spillede indimellem i Viborg og OB. Flot mål til 1-0. FCK's mest formstærke spiller lige nu.” 

 

Þessir tveir ættu að vera sjálfgefnir í byrjunarliði Íslands, og helst í þeim stöðum sem þeir eru að leika með félagsliðum sínum þessa dagana.

 

Hér er úttektin hjá RÚV:

Alfreð Finnbogason       360 mín Heerenveen 100% 

Ari Freyr Skúlason         360 mín OB                100%

Kári Árnason                  360 mín Rotherham  100%

Aron Einar Gunnarsson 360 mín Cardiff         100%

Birkir Már Sævarsson     360 mín Brann           100%

Ragnar Sigurðsson        347 mín FCK              96%

Helgi Valur Daníelsson   392 mín Belenenses 87%

Hannes Halldórsson       450 mín KR                 83%

Gylfi Sigurðsson             412 mín Tottenham   76%

Emil Hallfreðsson            317 mín Verona        70%

Kolbeinn Sigþórsson      382 mín Ajax              70%

---- 11 manns

Rúrik Gíslason                294 mín FCK            54%

Jóhann B Guðmundsson 339 mín AZ Alkmaar 51%

Birkir Bjarnason              128 mín Sampdoria   35%

Eiður Smári Guðjohnsen   14 mín Club Brugge  5%

 

Svíarnir kvarta yfir því að þeir leikmenn sem hafa verið í byrjunarliðinu undanfarið, hafi fengið lítið að spila með félagsliðum þeirra.

Hér hins vegar er afskaplega lítil umræða um það hvernig byrjunarliðið ætti að vera.

Hvað veldur? Hræðsla íþróttafréttamanna við að falla í ónáð hjá KSÍ?

Alfreð: Ætlum okkur að vinna

Frekar "auðvelt" val?

Jæja þá er landsliðsþjálfarinn loksins búinn að velja 23 manna hópinn fyrir landsleikina þann 11. og 15. október (og segir ”frekar auðvelt” að velja hann!). Kannski frekar auðvelt en jafnframt frekar skrítið val.

 

Rökin fyrir því t.d. að Sölvi Geir Ottesen er ekki í hópnum eru þau að ”hann hefur lítið spilað síðasta árið.”

Það er svo sem alveg rétt en hann lék allan síðasta leik liðs síns í rússnesku úrvalsdeildinni. Þannig að loksins þegar hann leikur er hann settur út úr landsliðinu en hafður í því þegar hann leikur ekkert!

 

Hvað Eggert varðar þá lék hann í fyrsta skipti með liði sínu um daginn og hefur aðeins leikið í örfáar mínútur í alvöru keppni nú í tvö ár eða svo - og er svo valinn í landsliðið vegna þessara örfáu mínúta!

 

Einn er sá varnarmaður sem leikur alla leiki með félagsliði sínu - sem er í 3. sæti norsku deildarinnar. Sá heitir Indriði Sigurðsson, en það er greinilega "frekar" erfitt að velja fyrirliða Viking og einn leikreyndasta íslenska fótboltamann sem enn er að spila sem atvinnumaður erlendis.

 

Og þar með sitjum við enn uppi með miðvörð í íslenska landsliðinu sem er að spila í C-deildinni ensku. Það kannski kemur ekki að sök gegn Kýpur en hætt er við að Norðmenn muni eiga eftir að nýta sér þann veikleika í íslensku vörninni.

                                                                                      

Hópurinn gegn Kýpur og Noregi - Victor og Haraldur með

Þarna vantar nú einhverja!

Eittihvað vantar nú í hópinn, þ.e. þessa upptalningu, svo sem nýliðann Bergsvein Ólafsson!

Mig minnir að yfirleitt sé valinn 23 manna hópur en þarna eru aðeins 17. 

Bergsveinn í hópi Eyjólfs gegn Frökkum

Nýr þjálfari - nýjar áherslur?

Eftir að íslenska kvennalandsliðið í knattspyrnu tókst að vinna sér þátttökurétt í Evrópukeppni landsliða í tvö skipti í röð (2009 og 2013) og komast í seinna skiptið í 8 liða úrslit, þótti leikmönnum nóg komið og hröktu þjálfarann, Sigurð Ragnar Eyjólfsson, frá störfum. Við tók að því er virtist undirgefnari maður og hækkaði meðalaldurinn í hópnum, m.a. með því að taka aftur inn fyrrv. fyrirliðann, Katrínu Jónsdóttur, en setja ungan leikmann eins og Elínu Mettu Jensen út úr liðinu (meira þörf sögð fyrir hana í 21 árs liðinu).
Norðmenn fara öfugt að, og komust með því í úrslitaleikinn á EM, með amk tvær stelpur undir 20. Önnur þeirra, Caroline Graham Hansen sem er aðeins 18 ára, er aðalefnið í kvennaboltanum í dag og átti stóran þátt í stórsigri Norð­manna á Belgum 4-1 í fyrsta leik riðlakeppninnar (við áttum í erfiðleikum með Belga í síðustu riðlakeppni og Norðmenn reyndar einnig). Kristine Hegland, sem skoraði þrennu er aðeins 21 árs.

Annars kemur val íslenska landsliðsins á óvart. Guðbjörg er enn í markinu á kostnað einnar þeirrar, sem verst lét í garð fyrri þjálfara, Þóru Helgadóttur. Þá eru leikreyndar dömur eins og Katrín Ómarsdóttir, Fanndís Friðriksdóttir, Rakel Hönnudóttir og Harpa Þorsteinsdóttir á bekknum.

Sérstaka athygli mína vekur að Rakel skuli vera á bekknum en hún var einn besti leikmaður íslenska liðsins á EM í sumar. Í stað hennar er að mínu mati mun lakari leikmaður valinn, Dóra María Lárusdóttir (já, eða Ólína Viðarsdóttir).

Einn nýliði er þarna, Anna María Baldursdóttir, sem virðist samkvæmt þessu vera talin betri en Katrín Ómars.

Kannski er þjálfarinn ekki eins ósjálfstæður og maður hélt! 

Tap gegn Sviss í Laugardal

Hættuleg ummæli!

Ummæli eins og þessi hafa reynst hugsanlegum landsliðsmönnum hættuleg í gegnum tíðina. Theodór Elmar Bjarnason lét í ljós óánægju sína með að sitja alltaf á bekknum hjá landsliðinu og gaf ekki kost á sér um tíma (reyndar hjá fyrrverandi landsliðsþjálfara), en hefur ekki verið valinn síðan.

Sama má segja um Indriða Sigurðsson en hann lét hafa eftir sér ummæli í vetur um að hann gæfi ekki kost á sér í vinstri bakvarðarstöðuna heldur aðeins í miðvörðinn. Ekkert hefur verið leitað til hans síðan þrátt fyrir mikil vandræði með einmitt aðra miðvarðarstöðuna.

Og nú kemur Guðlaugur Victor og kvartar yfir að vera ekki valinn í landsliðið! Hætt er við því að þar með sé hann búinn að koma sér í ónáð hjá Knattspyrnuforystunni hér heima og verði frystur úti eins og hinir tveir.

Reyndar er hollenska liðið hans ekkert sérstakt, er í neðsta sæti hollensku úrvalsdeildarinnar, en hann hins vegar búnn að spila vel undanfarið - og deildin mjög góð.

Lið T. Elmars varð hins vegar í 3. sæti dönsku deildarinnar í fyrra með Elmar sem fastan í byrjunarliðinu.

Sama má segja um Viking sem Indriði leikur reglulega með. Lið hans er nú í harðri baráttu um 3. sætið í norsku úrvalsdeildinni með Indriða sem fyrirliða. 

Victor: Mjög skrýtið að ég sé ekki valinn

Á síðustu stundu!

Nú, dag fyrir leik, hefur loksins verið bætt við manni í vængbrotið landsliðið, sem er Haukur Páll Sigurðsson í Val. Það er líklega of langt að fara frá Norðurlöndunum eða Belgíu til að koma til móts við liðið á einum degi.

Menn hafa þó frekar verið að kalla eftir Birni Daníel Sverrissyni úr FH enda hefur hann verið að standa sig vel með liði sínu í Evrópukeppninni.

Annars dró Emil sig úr liðinu fyrir leikinn á föstudag svo nægur tími hefði verið að kalla til mann eins og Theódór Elmar Bjarnason, leikmann danska liðsins Randers, enda ekki langt héðan til Danmerkur og flug mörgum sinnum á dag. Hann hefur og sjálfur kvartað yfir því að vera ekki valinn þrátt fyrir góða frammistöðu ytra bæði í fyrra og í ár.

Haukur Páll í landsliðshópinn

Mikilvægasti leikurinn?

Er ekki allir leikirnar sem framundan eru mikilvægir (nema ef þessi tapast)?

Íslenska liðið þarf helst að vinna tvo næstu leiki (þennan gegn Albaníu og svo í október gegn Kýpur hér heima) og ekki tapa gegn Noregi úti til að eiga séns í að ná umspilinu (hefðu auðvitað þurft að vinna Sviss til að eiga möguleika á að komast beint á HM). 

Þá er það ekki gefið að við komumst áfram þó svo að við komumst í umspil því þar bíða lið eins og Króatía, Grikkland, Rússland og Frakkland!

Svo eru það aðeins átta lið sem komast í umspil, átta lið af níu sem verða í öðru sæti í riðlinum. Þar er okkar riðill eins og stendur í 8. sætinu svo það er naumt (aðeins Danariðillinn lélegri). Einnig ber að hafa í huga að þá reiknast ekki stigin gegn neðsta liðinu (Kýpur) og þar er hætt við að Ísland missi sex stig.

Þannig að það er spurning hvort íslenska landsliði eigi mikla möguleika á að komast á HM þó svo að leikurinn á morgun vinnist. Tapið heima gegn Slóvenum gæti hafa komið í veg fyrir það. Reyndar hefur okkur gengið afleitlega heima (einnig tapað gegn Sviss). Það dregur enn úr líkunum á góðum úrslitum á morgun - og þátttöku á HM í Brasilíu á næsta ári.

Vitum að þjóðin er á bak við okkur

Spáð slagviðri!

Það lítur ekki vel út með veðrið annað kvöld: "Vaxandi suðaustanátt á morgun, 10-20 m/s og talsverð rigning S- og V-til seinnipartinn".

Er ekki best að fara eftir ráðleggingu Arons Einars, landsliðsfyrirliða, í sjónvarpsauglýsingum KSÍ um leikinn: "RÚV er okkar heimavöllur"?

 

Vongóðir um fullan völl

Góð byrjun að snúast í martröð

Þessi leikur er að þróast á hugsanlega versta veg. Vörnin er mjög slök og kannski má sama segja um varnartengiliðana. Þá koma sóknartengiliðirnir ekki til baka til að hjálpa. 

Verst lítur þó Kári Árnason út, sérstaklega í þriðja markinu þegar hann nennti ekki að elta sóknarmann Svisslendinga sem fékk heimsins allan tíma til að gefa fyrir, sem kostaði mark. Þá leit Hannes markvörðu illa út í þriðja markinu - og jafnvel einnig í marki númar tvö sem einkenndist af algjöru fáti í íslensku vörninni.

Heilt yfir er ljóst að svæðisvörn landsliðsþjálfarans er að klikka rétt eins og í tapleiknum hér heima gegn Slóvenum.

Áður en ég fer að krefjast afsagnar Svíans óska ég eftir að Arnór Smárason komi inná strax eftir leikhléð en ekki Eiður Smári. Arnór er að spila fantavel með félagsliði sínu og skrítið að hann skuli ekki vera í byrjunarliðinu.

Jóhann bjargaði stigi með þrennu

Rúrik ekki með!

Loksins er Gunnar Heiðar Þorvaldsson valinn í landsliðið aftur, en í staðinn fyrir þann Íslending sem líklega er í besta forminu um þessar mundir, Rúrik Gíslason, sem reyndar handarbrotnaði í síðasta leik með FCK.
Rúrik á hins vegar að spila með spelkum í félagsliði sínu en er ekki leikfær með landsliðinu! Eins og kunnugt er skipaði Ståle Solbakken, nýráðinn þjálfari danska liðsins, Rúrik að taka brotinu eins og Íslendingur og spila með spelkum.

Rúrik er annar tveggja leikmanna FCK sem hefur fengið góða dóma fyrir leik sinn þar sem af er leiktíðinni, en liðið er í neðsta sæti dönsku úrvalsdeildarinnar að loknum 6 umferðum (hinn er danski landsliðsmaðurinn Nicolai Jörgensen).

Tekið skal fram að Rúrik fékk ekkert að spila í æfingaleiknum gegn Færeyingum þrátt fyrir góða frammistöðu með félagsliðinu. Spurningin er hvort landsliðsþjálfarinn, Lars Lagerbäck, hafi eitthvað á móti Rúrik, eða hvort Lars gerir sér ekki enn grein fyrir þjóðareðli okkar Íslendinga („eigi skal haltur ganga meðan báðir fætur eru jafnlangir“). 

Aron og Gunnar aftur í landsliðinu