"Kjarninn" sem kemst ekki einu sinni í hóp hjá félagsliðum sínum!

Landsliðsþjálfari karlalandsliðsins í fótbolta er alltaf samur við ruglið í sér - og árangurinn í leikjunum í samræmi við það. Velur menn í landsliðið sem geta ekki neitt og komast ekki einu sinni í liðið hjá þeim félagsliðum sem þeir eru að spila með. 

Svo eru þarna menn sem þetta skoffín velur aldrei í landsliðið, þ.e. eru ekki í "kjarnanum", sem þó spila reglulega með félagsliðum sínum og þykja bara nokkuð góðir!

Dæmi um þá sem eru fyrir utan "kjarnann" og koma eflaust aldrei inn í hann úr þessu, er Viðar Ari Jónsson sem er búinn að eiga mjög góð tímabil í Noregi og er kominn til hörkuliðs í Ungverjalandi, Aron Sigurðarson sem var á mála hjá besta liðinu í Belgíu og er nú kominn í ágætis lið í Danmörku sem er á leið í efstu deildina þar í landi - og svo auðvitað Willum heilbrigðisráðherrans, þetta mikla efni sem er aftur komið á fulla ferð eftir meiðsli. 

Í staðinn er maður eins og Andri Fannar Baldursson valinn, sem kemst ekki í lið sitt í Danmörku, Andri Guðjohns sem er varamaður í liði í spænsku þriðju deildinni og bróðir hans Sveinn Aron sem kemst ekki í lið sitt í Svíðþjóð. 

Þarna er auðvitað meira rugl sem sýnir að landsliðsþjálfarinn er alls ekki starfi sínu vaxinn (eins og árangur hans með liðið er augljóst dæmi um).
Og ekki stendur KSÍ-forystan sig betur. Vanda (gættu þinna handa) var kjörinn forseti þrátt fyrir að hún studdi af alefli þennan bjána sem nú er landsliðsþjálfari karla, sem auðvitað sýnir dugleysi þessarar hreyfingarinnar.
Hæfir kjaftur skel.

 

Kjarninn fyrir næstu verkefni fundinn

Sérkennileg lýsing

Ef maður hefði ekki verið að horfa á leikinn í sjónvarpinu þá gæti maður haldið að íslenska liðið hafi átt meiri hlutann í fyrri hálfleiknum samkvæmt lýsingunni hérna.
Ef litið er á tölfræðina kemur hins vegar annað í ljós. Rúmenar hafa verið með boltann í 63% tímans, átt sjö skot en Íslendingar tvö. Þar af eru skotin á mark fjögur hjá Rúmenum en ekkert hjá Íslandi!

Svo þetta að Ísak Bergmann hafi nauðsynlega brotið á Rúmmena þó svo að hann hafi fengið gula spjaldið fyrir. Þá gleymir lýsandinn að segja frá því að þetta var þriðja brot Ísaks svo gula spjaldið var uppsafnað. Réttast væri auðvitað að taka hann útaf í hléinu svo hann fái ekki einnig rauða spjaldið.

Svo er það leikurinn sem á að hafa verið jafn og vel spilaður (í fyrri hálfleik)! Í liðinu eru menn sem varla hafa sést eða varla átt sendingu á samherja. Vörnin er búin að vera arfaslök, sérstaklega miðverðirnir, enda í engri leikæfingu. Þá sést þessi Stefán Þórðar ekkert og Sveinn Aron er auðvitað vita vonlaus þarna frammi. Svo eru það þulirnir hjá RÚV, þeir eru auðvitað sér á parti (strákarnir "stóðu sig svo ótrúlega vel", "mjög flottir" osfrv.)!

Íslenska liðið er hins vegar búið að vera þrælheppið þar sem af er og Rúmenarnir algjörir klaufar að vera ekki búnir að skora nokkur mörk. Það átti við allan leikinn. Skotin hjá þeim voru 11 þegar upp var staðið en fjögur hjá Íslandi og skotin á mark sex á móti engu hjá landanum!

Ég spáði því svo að engar skiptingar yrðu gerðar hjá íslenska liðinu fyrr en það rúmenska væri búið að gera þrjár til fjórar skiptingar. Það hefur nefnilega verið venja hjá íslensku þjálfarunum alveg sama hvernig staðan er! Reyndin voru þrjár!
Svo loksins þegar skiptingarnir komu voru það drengir sem komu inná fyrir drengi. Reynsluboltarnir sitja á bekknum því nú er verið að byggja upp til næstu 10 ára! Það er afsökunin fyrir því að hafa tapað nær öllum leikjum keppninnar hingað til.
Var það ekki Alex Ferguson sem sagði að það ætti alltaf að velja bestu leikmennina? Og hann er auðvitað ekki einn þeirrar skoðunar.

 

Markalaust jafntefli gegn Rúmenum

Meðvirkni Moggans

Íþróttafréttamaður Moggans er greinilega mikið í mun að ganga í augun á þjálfurum íslenska landsliðins. Loksins hafin uppbygging liðsins!

Þeir eru ekki allir svona glaðir íþróttafréttamennirnir með þessa "uppbyggingu". Á fotbolti.net er bent á að sjö af þeim sem voru valdir í þennan síðasta landsliðshóp gætu verið að spila með 21 árs liðinu. Tekið skal fram að það á mjög erfiðan leik - og mikilvægan - gegn Portúgal á sama tíma og A-landsliðið er að spila og geta því ekki verið með í þeim leik. Óhætt er að segja að með þessu vali á A-liðinu sé verið að eyðileggja fyrir 21 árs liðið.

Þetta eru markverðirnir Elías Rafn Ólafsson og Patrik Sigurður Gunnarsson, miðju­mennirnir Ísak Bergmann Jóhannesson, Þórir Jóhann Helgason, Mikael Egill Ellertsson og Andri Fannar Baldursson og sóknarmaðurinn Andri Lucas Guðjohnsen.  
Tekið skal fram að það eru aðeins markmennirnir sem eru að spila reglulega með félagsliðum sínum. Hinir eru aðallega á bekknum eða ekki í hóp.

Sama má segja um fleiri leikmenn í liðinu. Þeir fá lítið sem ekkert að spila með félagsliðum sínum. Enn einn bættist nú í landsliðshópinn, Daníel Grétarsson, en hann hefur ekki einu sinni verið í leikmannahópi Blackpool undanfarið þó ómeiddur sé.

Ég veit að margir eru farnir að kalla eftir því að landsliðsþjálfararnir verði reknir. Eitt jafntefli það sem af er keppni - og eitt tap í viðbót - ætti að vera nóg fyrir nýja stjórn KSÍ að láta þá fara.
Það verður þá í þriðja sinn sem Arnar Þór Viðarsson yrði látinn taka poka sinn. Tvisvar áður hefur hann skilið við lið sitt í rjúkandi rúst, Cercle Brügge og Lokaren. Allt er þegar þrennt er.

Uppbygging á nýju liði er hafin

Skollaleikurinn heldur áfram!

Samkvæmt fjölmiðlafundi landsliðsþjálfaranna í karlaboltanum er þetta ekki rétt sem haft er eftir DV. Rétt er að Aron Einar gaf kost á sér en er ekki valinn vegna "utanaðkomandi ástæðna" sem verða útskýrðar síðar!!
Arnar Þór Viðarson landsliðsþjálfari neitar því að það hafi verið vegna skilaboða frá KSÍ og auðvitað kemur ekki fram hvenær fjarvera landsliðsfyrirliðans til margra ára, og klappstjóra liðsins, verður útskýrð.

Annað sem ekki virkar trúverðugt er fjarvera Rúnars Más Sigurjónssonar sem dró sig úr hópnum síðast "vegna persónulegra ástæðna". Þjálfarinn segir ástæðuna fyrir því að hann sé ekki valinn vera þá að hann sé nær ekkert búinn að spila síðan í ágúst. 

https://www.visir.is/g/20212163689d/arnar-valdi-aron-ekki-vegna-utanadkomandi-astaedna

Óhætt er að efast um að þetta með Rúnar sé helsta ástæðan því svo er um fleiri leikmenn landsliðsins. Má sem dæmi nefna markmanninn Rúnar Alex sem ekkert hefur spilað með félagsliðum sínum, síðast einhvern tímann síðasta vetur, en er samt valinn (og var að auki arfaslakur í tveimur síðustu landsleikjum).
Auk þess hefur Brynjar Bjarnason sama sem ekkert leikið með liði sínu í ítölsku b-deildinni.
Sama er að segja um Andra Baldurs. Hann kemst ekki lengur í lið FCK í Danmörku og fékk ekkert að spila þegar hann var á Ítalíu.
Þessir menn eru þó ekki aðeins í landsliðshópnum heldur hafa spilað heilmikið í síðustu þremur landsleikjum - og Brynjar þá alla.
Svo ekki sé minnst á litla Guðjohnsen-bróðurinn.

Enn er gengið framhjá mönnum sem eru að spila helling með félagsliðum sínum ytra svo sem Viðar Ara Jónssyni og Samúel Friðjónssyni í Noregi, Aron Þrándarsyni í Danmörku og markmanninum Ögmundi Kristinssyni í toppliði Olympiakos í Grikklandi.
Þessi menn hafa ekki gert sig seka um eitt eða neitt (nema það kannski að vera of góðir) svo hér er einfaldlega um klíkuskap þjálfaranna að ræða.

 

Var þjálfaranum bannað að velja fyrirliðann?

"Þurfti" að velja 18-20 ára leikmenn?

Arnar Þór Viðarsson þjálfari karlalandsliðsins í fótbolta hefur vægast sagt komið illa út í meintum ofbeldismálum "stjarnanna" okkar í karlaboltanum. Hann hefur kvartað yfir því að fá ekki að velja þá í landliðið sem tengjast meintum brotum, eins og ekkert væri sjálfsagðara, og að auki komið mjög illa út á öllum fjölmiðlafundum: illa máli farinn, óöruggur og yfirleitt svarað spurningum út í hött.

Enda er svo komið að í könnun eftir stórtapið gegn Þýskalandi, spurði fotbolti.net hvort lesendur hefðu trú á Arnari sem landsliðsþjálfara. 2965 manns hafði það ekki eða 68,6% aðspurðra!

Fjölmiðlarnir eiga auðvitað sök á þessu ástandi og eru farnir að spila með þjálfaranum og landsliðinu sem slíku. Tapið slæma gegn Þýskalandi var afsakað með því að Þjóðverjarnir hafi verið svo stórkostlegir, frábærir, svo óhugnanlega gaman að horfa á þá og svo miklu betra en kynslóðaskipt lið okkar.
Þetta var endurtekið hvað eftir annað á RÚV. Þar á bæ og víðar voru menn fljótir að gleyma því að fyrir um fimm árum síðan vann íslenska landsliðið hið "stórkostlega" landslið Englendinga og komst í átta liða úrslit á EM!

Og hvað með þessi kynslóðaskipti? Voru og eru þau nauðsynleg?
Við eigum leikmenn sem hafa leikið ytra í mörg ár en eru ekki valdir í landsliðið - og ekki hægt að afsaka það með því að þeir liggi undir grun eins og gamla liðið okkar.
Þetta eru menn eins og Viðar Ari Jónsson sem hefur gert sex mörk í tíu leikjum í norsku úrvalsdeildinni, alls átta mörk á leiktíðinni, Aron Elís Þrándarson sem hefur nokkrum sinnum verið valinn í úrvalslið efstu deildarinnar dönsku (hann var valinn í æfingarleikina í USA nú nýlega en fékk lítið sem ekkert að spreyta sig), Stefán Teitur Þórðarson sem leikur reglulega með spútnikliði dönsku úrvalsdeildarinnar (Silkeborg) og jafnvel hinn 23 ára gamli Sveinn Aron Guðjohnsen sem ekki var valinn í landsliðið í þessum leikjum heldur 18 ára gamall bróðir hans sem aldrei hefur spilað í nokkurri úrvalsdeild!! 

Svo má auðvitað áfram lengi telja. Þó skal staldrað við þann mann sem hefur staðið sig hvað best í atvinnumennskunni undanfarin ár, Arnór Ingva Traustason. Með því að velja hann ekki, og bera við aumlegri afsökun, er verið að gera hann tortryggilegan svo fólk fer að halda að hann sé einn af hinum meintu brotamönnum.

Þetta og margt fleira segir okkur að leggja verði öll spil á borðið um hverjir liggi undir grun - og að allir þeir sem hafa verið að þagga það niður verði látnir fara, ekki síst landsliðsþjálfarinn.
Að auki er lítill missir af Arnari Þór Viðarssyni árangurlega séð - og ekki er hann sá röggsami maður sem þarf í brúna eftir þessar uppákomur undanfarið.

 

„Hetjurnar fyrir nokkrum árum skyndilega hræðilegar manneskjur“

Byrjunarliðið lítur vel út!

Nú eru landsliðsþjálfararnir greinilega farnir að átta sig á að það gengur ekki til lengdar að nota "börn" í landsleikjum sem þessum. Andri Baldurs og Rúnar eru sem betur fer teknir út úr liðinu. Samt skrýtið að hafa gamlingjana Birkir Má og Birkir Bjarna enn í byrjunarliðinu þar sem góðir leikmenn geta vel leyst þá af, þeir Alfons og Jón Dagur Þorsteins sem eru ekki lengur nein börn í boltanum.

Gott að fá Hannes markvörð inn, sem og Jón Guðna, Ara Frey og Guðl. Victor, já og auðvitað Jóa Berg. Svo er bara að reyna að stríða Þjóðverjunum og pirra þá sem mest. Ef það tekst geta óvæntir hlutir gerst. 

Byrjunarlið Íslands: Sex breytingar frá síðasta leik

Er hægt að skipta heilu liði út í hálfleik?

Makedónía 8 skot (5 á markið) - Ísland 1 skot, ekkert á markið!!
Með boltann: Makedónía 56%, Ísland 44%.

Allt íslenska liðið mjög lélegt - og þjálfarinn virðist ekki eiga nein svör.

Arnar Þór (þjálfari) hefur verið stórorður uppá síðkastið og hótar að hætta ef hann fær ekki að velja hvern þann rugludall sem hann vill.
Í ljósi umræðunnar undanfarið ætti KSÍ að taka hann á orðið og reka manninn. Hann er ekki aðeins steingervingur úr fortíðinni hvað móral snertir, heldur einnig óhæfur þjálfari sem sést ekki síst á liðsvalinu.

Að velja unga og óreynda menn í landsliðið hefur verið reynt áður og kostað margan landsliðsþjálfarann starfið, enda er það bein ávísun á tap.
Nú þarf að finna útlendan þjálfara sem velur bestu leikmenn landsins í liðið hverju sinni og hugsar fyrst og fremst um núið en ekki um einhverja óvissa framtíð.

 

Frábær lokakafli Íslands bjargaði stigi

Þöggunarmeistarinn situr sem fastast!

Ljóst er að Klara Bjartmarz ber einna stærstu ábyrgð á þeim þöggunarkúltur sem ríkt hefur innan KSÍ nú í mörg ár eða allt frá 2010 í það minnsta. Bæði er hún framkvæmdastjóri sambandsins og hefur verið starfsmaður þess til fjölda ára - og hefur því haft vitneskju um fjöldamargt miður fallegt sem komið hefur á borð skrifstofu KSÍ um hegðun karlalandsliðsmannanna í fótbolta. 

Nú síðast segir hún að málin, sem hún hafði viteskju um en alltaf þagað yfir, hafi verið sett í "ferli", sem er harla fínt orð yfir þöggun.

Líklega er versta málið, sem komið hefur inná borð sambandsins, nauðgun tveggja landsliðsmanna á konu árið 2010. Þagað er vandlega yfir því hverjir meintir gerendur eru, en af umfjöllun á mannlif.is og á akureyri.net að dæma er annar þeirra enginn annar en fyrirliði landsliðsins til margra ára, Aron Einar Gunnarsson.

Og enn skal þagað yfir því hverjir meintir gerendur eru, þannig að á meðan liggja allir landsliðsmenn síðustu 10 ára eða svo undir grun.

Annað sem vert er að hafa í huga er hegðun þessa þotuliðs í skemmtanalífinu, drykkju- og fíkniefnaneysla þess, sem ekkert hefur verið gert til að stemma stigu við að því að ég best veit. Þetta þó að t.d. hefur lengi verið uppi sögusagnir í kókneyslu sumra landsliðsmannanna og þá er ekki átt við drykkinn Cola.

Reyndar eru allar líkur á að ekki verði almennilega tekið á þessu fyrst að Klara Bjartmarz er ekki látin taka poka sinn en sökinni alfarið skellt á Guðna Bergsson og stjórnina, m.a.s. á þá sem hafa nýtekið sæti í henni, manna eins og Ásgeirs Ásgeirssonar sem greinilega er búinn að fá sig fullsaddan af þessum skollaleik KSÍ-klíkunnar.

Ætlar ekki að hætta og verður ekki vikið frá störfum

Arnór Ingvi Traustason ekki í landsliðshópnum!

Þarna inni eru menn með litla eða enga landsleiki, svo sem markmaðurinn Patrik Gunnars (Ögmundur Kristins ekki í liðinu) og Andri nokkur Guðjohnsen (en ekki stóri bróðirinn, Sveinn)!

Í vörninni er Brynjar Bjarnason (með þrjá leiki) og Þórir Helgason (með einn leik), báðir í Lecce og án þess að hafa nokkuð spilað undanfarið. Aron Einar er ekki með (veiran), ekki Gylfi (í farbanni) og ekki heldur þeir meiddu (Alfreð Finnboga, Sverrir Ingi og Hörður Björgvin). Þá eru tíðindi að Jón Daði er ekki með en hann hefur átt fast sæti í liðinu mörg undanfarin ár.
Þá er Andri Fannar í hópnum án þess að vera að spila og nýbúinn að skipta um félag. 

Aðeins Alfons er með af þeim sem eru að spila í Noregi, hvorki Viðar Ari né Viðar Örn eða Samúel Friðjóns. Viðar Ari hefur átt stórleiki með liði sínu og skorað mikið þannig að hann hefði tvímælalaust átt að vera með. Hvað þá Hólmar Örn sem er að leika reglulega með einhverju besta liðinu þar í landi, Rosenborg, sem er komið áfram í Evrópudeildinni. 
Þá er Aron Elís ekki í hópnum sem þó er að spila reglulega í hinni sterku dönsku deild.

Óvæntast og furðulegast er samt að Arnór Ingvi Traustason sé ekki í hópnum þó svo að hann leiki reglulega með langefsta liðinu í bandaríska boltanum.

Þarna eru og ungir strákar sem ættu, í stað bekkjarsetunnar hjá stóru strákunum, frekar heima í 21. ársliðinu. Mikael Egill Ellertsson er einn þeirra  (Andri Guðjohns auðvitað annar) en svo virðist sem það hafi gleymst að til­kynna Mikael Egil í hópnum til að byrja með!

Klíkuskapur í valinu að venju hjá landsliðinu - og hjá þessum þjálfurum sem hafa hingað til náð einhverjum lélegasta árangri landsliðsþjálfara karla í háa herrans tíð?

Guðjohnsen í fyrsta sinn í landsliðshópnum

Reynslulítið lið í lokin?

Það var greinilegt í þessum leik íslenska karlalandsliðsins að reynsla liðsins var aðal vandamálið en ekki öfugt. Menn eins og Aron Einar og Birkir Bjarna gátu ekkert í þessum leik, en það er svo sem ekkert nýtt. Þeir hafa aldrei getað neitt. Leikur íslenska liðsins batnaði ekki fyrr en þeir voru farnir útaf. 

Svo er það auðvitað spurning um þessa nýju landsliðsþjálfara, hvort þeir séu ekki lélegasta þjálfaraparið sem nokkurn tímann hefur þjálfað íslenskt landslið karla í fótbolta (og þá eru margir slæmir sem ég nenni ekki að telja upp hér). 

Valið á byrjunarliðið - og svo auðvitað alltof seinar innáskiptingar - sýnir hversu misheppnaðir þeir eru. Valgeir í vinstri bakverðinum, sem kemst ekki einu sinni í hóp hjá neðsta liðinu í sænsku úrvalsdeildinni, meðan Guðm. Þórarins í toppliði bandarísku deildarinnar kom loks inná á 79. mín!
Og loksins þegar skiptingarnar komu þá kom Stefán Teitur inná en ekki Aron Elís sem hefur verið valinn þrisvar í úrvalslið dönsku úrvalsdeildarinnar. Hann fékk svo að sitja á bekknum allan leikinn þrátt fyrir loforð Eiðs Smára um að sem flestir fengju að spreyta sig í þessum leik.

Svo er það blessaður hann Jón Daði, sem ekkert hefur fengið að spila undanfarið með lélegu b-deildarliði Millwall. Hann fékk að hanga inná vellinum, án þess að sýna neitt, í yfir 60 mín eða þar til að markaskorarinn, Mikael Anderson, fékk loks að koma inná. 

Færeyingar voru miklu betra liðið í þessum leik sem er auðvitað skandall fyrir íslenska liðið. Spurning hvort maður ætti ekki að breyta um ríkisborgararétt? Nöfn eins og Teitur, Sölvi, Hallur, Brandur, Þórður, Hörður, Bjarni, Jóhannes og Gunnar fær mann til að upplifa sig heimakominn!

Fallegt sigurmark Mikaels í Þórshöfn