Frumlegir þjálfarar!

Ljóst er að ekki munaði mikið um Svein Aron hjá 21 árs liðinu í leiknum gegn Frökkum. Brynjólfur Willumsson var miklu betri en Sveinn hafði verið í leikjunum tveimur á undan.
Og nú er strákurinn hann pabba sín settur beint í byrjunarlið gamlingjanna!
Greinilega ekki mikið um auðugan garð þar.

Svo halda Birkir Bjarna og Aron Einar sæti sínu þrátt fyrir að hafa verið afar lélegir í leiknum gegn Armenum.
Af hverju í ósköpunum var þá verið að taka Jón Dag úr 21 árs liðinu fyrst ekki var ætlunin að láta hann byrja í þessum leik?

Sveinn Guðjohnsen í byrjunarliðinu – Rúnar í markinu

Miklu betra!

Þessi fyrri hálfleikur gegn Frökkum er miklu betri en fyrri leikirnir, gegn Rússum og Dönum. Liðið liggur ekki í vörn, eins og það gerði til að byrja með í hinum leikjunum, heldur pressar miklu framar og gerir þannig andstæðingunum miklu erfiðara fyrir - þrátt fyrir 2-0 í þessum leik.

Ljóst er að 21 árs liðið veikist ekkert til muna við það að missa fjóra stráka úr liðinu í karlaliðið. Það munar að vísu um Jón Dag en ekkert um hina. Þeir sem koma inná í staðinn eru alveg eins góðir.

Þá er loksins búið að setja Axel Þór á bekkinn, en hann er arfaslakur leikmaður og stórfurðulegt að hann hafi verið gerður að fyrirliða liðsins í byrjun mótsins.
Andri Fannar er greinilega klassa betri leikmaður.

Annar, sem er búinn að eiga góðan leik í dag, er Kolbeinn Þórðarson. Hann var tekinn út úr liðinu í leiknum gegn Dönum, sem var vægst sagt undarleg ákvörðun þjálfarans.
Annars fær þjálfarinn prik hjá mér fyrir valið á liðinu í þessum leik og fyrir það hvernig hann setur leikinn upp.

Vonandi endar þetta ekki með stórtapi - því þá er allt það sem ég skrifaði hér ofar tómt bull!

 

Skrefinu á eftir í lokaleiknum

Mogginn að ljúga ... !

Stórfurðuleg túlkun Moggans á fréttinni á RÚV því fréttin þar gengur út á að hvorki hafi verið haft samband við Viðar Örn né íþróttastjóra norska liðsins um hvort væri hægt að fá Viðar í landsliðsverkefni!

Það eina sem er nokkurn veginn satt hjá Mogganum er að þann 1. mars eða nokkru áður en liðið var valið þá hafi norska liðið látið vita af því að ekki væri hægt að fá hann í landsleikina en bætt við "að óbreyttu".
Þetta létu þjálfararnir og KSÍ sér nægja og höfðu ekki samband aftur til að athuga hvort væri hægt að breyta þessu. Það sýnir nú ekki mikinn áhuga á að nota Viðar.

Menn hljóta að kalla eftir því að þessi þjálfari verði látinn taka pokann sinn - og það sem fyrst. Þetta er ekki fyrsti hálfsannleikurinn sem hann kemur með. Menn muna væntanlega eftir málinu með Mikael Anderson.

Svo er það Gylfi Þór og barnshafandi eiginkona hans. Gylfi gaf jú ekki kost á sér vegna þess að konan var að fara að eiga. Reyndar fylgdi ekki sögunni hvenær hún ætti von á sér. Var það í síðustu viku, í þessari, eftir mánuð eða voru þau að fá að vita það rétt í þessu að hún væri barnshafandi?

Það verður fróðlegt að heyra af því þegar barnið (loks) fæðist!! Hvíta lygin er nefnilega stundum mun verri en sú sótsvarta ...

Neitun frá Vålerenga 1. mars

Ótrúleg framkoma!

Það er nú orðið ljósara en nokkrum sinnum áður, hvílíkt erkifífl þessi nýi landsliðsþjálfari karlaliðsins er. 
21 árs liðið á enn fræðilegan möguleika á komast áfram á EM, þ.e. með því að vinna Frakka en með þessu er verið að koma í veg fyrir það.
Ekki bætir úr skák að nú er hætta á afhroði liðsins vegna sterku liði Frakkanna sem með stórsigri geta tryggt sér sæti í úrslitakeppni mótsins.

Í stað þess að fá að ljúka EM með sóma eru "bestu" mennirnir í 21 árs liðinu teknir í karlaliðið til að spila gegn einhverju lélegasta liðinu í Evrópu, smáríkinu Liechtenstein sem er í 181. sæti á alþjóða Fifalistanum!!!

Það að menn séu orðnir svona hræddir við leik gegn liði eins og þessu sýnir auðvitað lítilsvirðingu gagnvart þeim leikmönnum karlaliðsins sem fyrir eru - og svo auðvitað þeim sem eru utan hóps en hefði vel mátt kalla inn í stað ungu strákanna.

En kannski sýnir það fyrst og fremst hver staða íslenska karlalandsliðsins er um þessar mundir. Ísland er nú í 46. sæti á stigalistanum en Armenar eru í því 99, - en samt tapaði Ísland fyrir þeim 2-0 og átti í raun aldrei sjens!!

Fjórir úr U21 árs landsliðinu kallaðir inn í A-landsliðið

Gömlu mennirnir - og nýju þjálfararnir!

2-0 fyrir Armenum gegn stórliði Íslendinga. Golíat að vinna Davíð!
Aron Einar er búinn að vera arfaslakur í leiknum en er ekki tekinn útaf. Ekki heldur hlaupagikkurinn Birkir Bjarna sem varla hefur komið við boltann. Loks undir lokin er hann tekinn útaf!
Þessum tveimur er gjörsamlega ómögulegt að gefa boltann á samherja en það gerir ekkert til. Þeir halda svo vel skipulaginu!
Ljóst er að þjálfararnir valda ekki starfi sínu og það í hvorugu liðinu. Það hlýtur að setja spurningarmerki við þá sem ráða þá, forystu KSÍ og ekki síst forsetann, Guðna Bergsson.

En auðvitað breytist þetta ekkert þrátt fyrir að fólk hætti alveg að nenna að fylgjast með landsleikjum Íslendinga. KSÍ á nógan pening og þarf ekkert á stuðningi landsmanna að halda!

Ísland fékk skell í Armeníu

Enn eru þjálfararnir úti að aka ...

Eftir að hafa horft á leik 21 árs liða Íslands og Danmerkur, þar sem Danir unnu okkar menn auðveldlega og það fyrst og fremst vegna þess hvað þjáfarinn (ætli hann taki talsvert í nefið?) setti liðið passívt upp, var maður að vonast til þess að þjálfarar karlaliðsins myndu sýna aðeins meira hugrekki eftir tapið gegn Þjóðverjum og velja fríska menn í liðið. 

Það var auðvitað borin von. Ragnar Sigursson, í engri leikæfingu, kom inná fyrir annan gamlingja en Hörður Björgvin settur á bekkinn [Nýjast er svo að Ragnar hafi meiðst í upphitun og hver haldið þið að komi inn í liðið í staðinn, jú auðvitað enginn annar en Kári nokkur Árnason!]. Þá kemur Birkir Már í hægri bakvörðinn en Hjörtur Hermanns, sem spilar reglulega með efsta liðinu í danska boltanum, situr enn á bekknum. Svo er Guðl. Victor settur á bekkinn en öldungurinn Aron Einar, sem átti vægst sagt slakan leik gegn Þjóðverjum, fær enn að spila frá byrjun. Rúnar Már er líklega meiddur svo hann fær að hvíla ... en spriklarinn Albert Guðm. er kominn í byrjunarliðið (eftir að spekingarnir máttu ekki vatni halda yfir "frábærri" frammistöðu í innkomunni gegn þýskum)!

Já þetta veit auðvitað ekki á gott en vonandi eru andstæðingarnir enn lélegri en þetta íslenska lið.

Sex breytingar á byrjunarliði Íslands

Ekki batnar það!

2-0 gegn Þjóðverjum eftir sex og hálfa mínútu. Og hvaða spilið varðar. Þjóðverjar með boltann 77% í fyrri hálfleik. Svo sem ekkert nýtt með íslenska liðið en að eiga eitt skot á móti 10 og ekkert á markið er nú með verra móti.

Þetta er enn lélegra en hjá 21 árs liðinu því þar var hlutfallið þó 60-40. Reyndar áttu Rússar 15 skot á mark í leiknum en Ísland tvö. 

Aftur að a-liðinu. Kári hefur ekkert að gera lengur í þessu liði og Aron Einar ekki heldur. Svo fer besti maðurinn útaf, þ.e. framan af, Rúnar Már.

Einnig hefur Arnór Ingvi ekki sést í leiknum og hlýtur að fá frí í seinni hálfleiknum. Hans tími er greinilega liðinn.

Þetta er að verða eitthvað mesta niðurlægingartímabilið í íslenskum fótbolta, það er allt frá því að Erik Hamrén tók við a-liðinu.

Hörmuleg byrjun varð Íslandi að falli

Getur ekki verið verra!

Ekki byrjar nú þjálfaraferill Davíðs vel. Þrjú núll í hálfleik gegn Rússum og sífellt meiri pressa Rússanna sem leið á hálfleikinn. 

Þetta getur endað með ósköpum nema þjálfarinn skiptir inn nýjum mönnum í hálfleik. Mikael Anderson  er jú á bekknum, sjálfur a-landsliðsmaðurinn, og svo er vörnin auðvitað alveg úti að aka. 
Miðjan er einnig galopin og þarf að styrkja hana. Fróðlegt að sjá hvort þjálfarinn falli algjörlega á fyrsta prófinu eða hvort honum takist að klóra eitthvað í bakkann í seinni hálfleik.

Þessi frammistaða hlýtur einnig að leiða hugann að leiknum á eftir gegn Þjóðverjunum, með nýju þjálfurunum þar. Verður ekki einfaldlega sama uppi á teningnum þar, óhæfir þjálfarar sem velja liðið út frá klíkuskap - og verður refsað grimmilega fyrir?

Rússar of stór biti fyrir Íslendinga að kyngja

Einn besti maðurinn ekki með!

Mikael Anderson, leikmaður dönsku meistaranna Midtjylland, er ekki í byrjunarliði 21 árs liðsins! Samkvæmt fótbolta.net er hann að glíma við meiðsli í nára en spurning hvort það sé ekki einfaldlega lélegt yfirklór vegna þess að hann er ekki valinn í byrjunarliðið.

Þekkt er að Arnar Þór, fyrrum þjálfari 21 árs liðsins og núverandi þjálfari aðalliðsins, varð fúll úti í Mikael þegar hann gaf ekki kost á sér í liðið í einum leik liðsins (vegna kröfu félagsliðs síns) og að núverandi þjálfari 21 árs liðsins sé þannig að framfylgja útilokunar- og refsingarstefnu forvera síns (og KSÍ?).

Þá vekur athygli að bróðir Arnars Þórs, Bjarni Þór (þeir fótboltabræðurnir heita allir Þór að millinafni!), sagði í EM-stofunni rétt í þessu að allir leikmenn 21 árs liðsins væru heilir heilsu! Ég trúi honum frekar en þessum "opinbera" fyrirslætti.

Ísak byrjar gegn Rússum

Frumlegt val!

Gamlingjarnir allir valdir enn og aftur þó flestir þeirra séu ekkert að spila.

Allir markmennirnir eru án leikreynslu í langan tíma. Hannes auðvitað ekkert spilað nema í Lengjubikarnum og hinir tveir ekki einu sinni í leikmannahópi sinna liða.

Svo eru það miðverðirnir. Ragnar kominn í eitthvað rusl-lið í Úkraínu, Kári kominn að fótum fram vegna elli og sama má segja um Birki Má. Alfonsi hlýtur að líða illa í þessum hópi og hefði betur fengið að vera í 21 árs liðinu.

Miðjumennirnir eru eitthvað skárri en sóknin er ekki burðug.
Enn er Kolbeinn í liðinu þó hann sé löngu útbrunninn og Björn Bergmann tekinn framyfir Viðar Örn. Svo skilst manni að Hólmbert fái varla að stíga inná fótboltavöll hjá þessu b-deildarlið ítalska sem hann er á mála hjá. Hann er samt auðvitað nógu góður til að vera valinn í íslenska landsliðið - eins og þeir allir hinir vara- og ekki varamennirnir ... 

Að maður skuli hafa verið með einhverjar væntingar við þjálfaraskiptin!!!

Arnar búinn að velja fyrsta hópinn