Spurning um framherjana

Menn hljóta að setja spurningarmerki við að velja Jón Dag í landsliðshópinn en ekki Arnór Sigurðsson sem er að spila í meistaradeildinni með rússneska meistaraliðinu! 
Þá er Kolbeinn Sigþórs enn í hópnum þó hann leiki ekkert með félagsliði sínu. Björn Bergmann gerir það hins vegar og það í góðu rússnesku liði en er ekki valinn.

Það má búast við að fari að hitna undir Hamrén ef íslenska landsliðið heldur áfram að tapa stórt í þessum tveimur leikjum sem framundan eru!
Spjátringslegur var hann þegar hann stjórnaði sænska landsliðinu og enn leikur hann sama leikinn!

Jón Dagur og Albert fá tækifæri

Er ekki kominn tími á Eyjólf þjálfara?

Eyjólfur Sverrisson er búinn að þjálfa 21. árs liðið í um 10 ár og aðeins einu sinni komið því í úrslitakeppnina á EM. Það var með gullaldarliðinu Gylfa Þór og co.

Enn tekst honum að koma sér hjá því að velja Viktor Karl Einarsson í liðið þrátt fyrir frækilega frammistöðu hans í sænsku b-deildinni. Og val Eyjólfs á liðinu hefur áður vakið furðu svo sem að hafa ekki valið Arnór Sigurðsson fyrr en alveg nýlega, þ.e. löngu eftir að hann varð stórstjarna.

Nú eru aðeins þessir tveir leikir eftir og ekki lengur hægt að komast í úrslitakeppnina. Því hlýtur það að teljast eðlilegt og sjálfsagt hjá KSÍ að reyna nýjan þjálfara.

Eyjólfur velur U21 árs landsliðshópinn

Sérkennileg liðskipan!

Það sem stingur mest í augun eru kantmennirnir. Ari Freyr kominn á vinstri kantinn og Rúnar Már á þeim hægri. Bakvörður og varnarsinnaður miðjumaður! Átta manns í vörn?

Enn heldur Hannes sæti sínu þótt hann komist ekki einu sinni í leikmannahópinn hjá nýju liði sínu (í Kazakstan!).
Og tæknitröllið Jón Daði einn frammi!

Það verður allavegana ekki leifrandi sóknarleikur hjá íslenska karlaliðinu í knattspyrnu! Vonandi bæta Belgarnir það upp (þó besti maður þeirra sé ekki með).

0-2! Eftir ágæta byrjun hefur sigið á ógæfuhliðina. Sverrir Ingi átti alla sök á fyrra markinu (vítinu). Eiður og co töluðu um að hann væri sjálfsagður arftaki Kára en Rósenborgarleikmennirnir hlógu á sínum tíma þegar þeir heyrðu að Sverrir væri tekin framfyrir Hólmar Örn. 
Seinna markið var svo Hannesi að kenna sem heldur engum bolta heldur slær hann beint út í teig, rétt eins og á móti Sviss.

Og þriðja markið kom eftir skelfilegt úthlaup Hannesar þar sem boltinn barst til Gylfa Þórs sem sýndi sitt gamla kæruleysi sem leiddi til marks.

Það eru margir í íslenska liðinu sem hafa þar ekkert erindi. Hannes í markinu, Birkir Bjarna og Sverrir Ingi.
Hlutur Hannesar er sér á parti. Alveg sama hve slakur hann er, alltaf hlífir pressan honum (9 mörk í tveimur leikjum, en ekkert honum að kenna!). En ef einhverjir aðrir íslenskir landsliðsmarkmenn fá mark á sig þá eru þau öll þeim að kenna!

Fyrsti tapleikurinn heima í fimm ár - og afsökunin er nú sú að andstæðingarnir eru svo "ógnarsterkir", "heimsklassa lið"!

Lukaku skoraði tvö í sigri Belga

Hannes enn í markinu?

Svo virðist sem Hannes eigi að standa í markinu á morgun þrátt fyrir afleita frammistöðu í stórtapinu gegn Sviss.
Það þrátt fyrir að hafa ekki spilað neitt frá því á HM í júní! Það sýndi sig í leiknum á laugardaginn í hve lítilli leikæfingu hann var og hve mikið óöryggi hans smitaði út frá sér á varnarleik íslenska landsliðsins.

Og Hannes tekur enga sök á sig, nefnir alls ekki "frammistöðu" sína og lætur þannig að hún hafi verið allt í lagi. Og þjálfarinn bakkar hann upp.

Ég er hræddur um að talsvert verði af auðum sætum á leiknum á morgun ...

Vil að þeir geti horft stoltir í spegilinn

Athyglisverð liðskipan ...

Þarna eru þrjár stöður sem eru kannski nokkuð vafasamar. Rúrik Gísla, Ari Freyr og Guðl. Victor hafa lítið fengið að spila með liðum sínum undanfarið en eru settir í byrjunarliðið gegn sterkum Svisslendingum!
Þá hefur Hannes Þór ekkert spilað lengi, en er samt í markinu, en ekki Rúnar Rúnars sem þó er að spila reglulega og með góðum árangri í einhverri sterkustu deild í heimi.

Forvitnilegt að sjá hvernig þetta kemur út - og gaman að fá svona leiki gegn sterkum liðum áður en EM byrjar á næsta ári.

Nú er hálfleikur og frammistaða íslenska liðsins mjög slök. Hamrén þarf að gera breytingar á liðinu og það helst strax í hálfleik. Vörnin hefur verið óörugg og Hannes átt slæman dag (sök á öðru markinu og missti boltann einnig klaufalega frá sér litlu seinna).
Þá er sóknin bitlaus. 

Gaman væri að sjá Rúnar í markinu allan seinni hálfleikinn og Viðar Örn inná í sóknina. Svo er spurning um Ara Frey, þó hann hafi ekki verið lélegur, þ.e. að setja Hörð Björgvin inná til að þétta vörnina.

Þetta er martröð. Síðasti leikur Hannesar með landsliðinu? Hörmuleg frammistaðan hjá honum. Línuvörðurinn bjargar honum tvisvar. 6-0 (8-0??)!

Þá er spurning um ráðninguna á Hamrén. Hann hefur ekkert þjálfað í nokkur ár (síðan 2014 eða í fjögur ár) sem Guðni Bergs og KSÍ-forystan hefði átt að íhuga. 
Svo er auðvitað ráðningin á Frey Alexandersyni sem aðstoðarþjálfara ekki síður undarleg miðað við leikstílinn sem hann hefur látið kvennaliðið spila.

Og innáskiptingin á 74. mín var sérstök. Miðjumaður í stað kantmanns! Svona til að komast hjá því að tapa enn stærra?

Stærsta tap Íslands í sautján ár

Sérkennilegt val - að venju!

Það vekur athygli að Tryggvi Hrafn Haraldsson (Halmstad) er ekki í byrjunarliðinu og að Guðmundur Andri Tryggvason (Start) sé ekki í hópnum (kannski meiddur?). 

Það einkennilegasta er þó að Viktor Karl Einarsson var ekki einu sinni valinn í æfingarhóp fyrir þetta ár - og er hvergi á blaði.
Hann hefur leikið alla leiki með b-deildarliði Värnamo í sænsku deildinni undanfarið og liðið ekki tapað leik síðan hann kom frá AZ Alkmaar nú í sumar (liðið var áður langneðst en er nú í hörku baráttu um að forðast fall).

Ekki í fyrsta sinn sem Eyjólfur þjálfari sýnir dómgreindarleysi í leikmannavali. Má sem nefna frekar nýlegt dæmi en Arnór Sigurðsson var ekki heldur valinn í æfingarhópinn 2018, en komst svo inn eftir frækilega frammistöðu með Norrköping. Salan á honum til CSKA Moskvu gerði svo útslagið með að ekki var hægt að ganga framhjá honum lengur.

Tilþrifamikill sigur á Eistlandi

Byrja látalætin!

Eftir afspyrnulélagan leik gegn vængbrotnu liði Þýskalands byrja látalætin og tilraunirnar til að breiða fyrir mjög slæmt og afdrifaríkt tap íslenska liðsins.

Og þjálfarinn, sem á mestu sökina á rangri uppstillingu liðisins og uppleggingu fyrir leikinn, fer þar auðvitað í fararbroddi. Hann segist vera 100% viss um að liðið komist á HM þrátt fyrir að líkurnar eru mjög litlar úr þessu. Liðin sem bíða eru einhver bestu lið í Evrópu og þar með í heiminum, Danmörk, Svíþjóð, Holland osfrv., þ.e.a.s. ef sigur vinnst gegn Tékkum

Við megum búast við alveg sömu viðbrögðum ef þessir leikir tapast. Frammistaða liðsins frábær sama þótt illa fari. 
Þá gleymast allar stóru yfirlýsingarnar: "Við vinnum Þjóðverjana", "100% viss um að við komumst á HM"!

Og fjölmiðlanir spila með að venju ...

Stoltur af liðinu og þjóðinni

Hræðilega lélegur fyrri hjálfleikur hjá (Gr)Íslingunum

Það eru ekki flottheitunum fyrir að fara hjá íslenska kvennalandsliðinu í fótbolta. Liðið í nauðvörn nær allan leikinn, boltanum kýlt fram og sama sem ekkert spil innan liðsins (eða "hægja á leiknum eins mikið og hægt er" eins og sérfræðingurinn í stúdíóinu sagði). 
Í liðinu eru mjög veikir hlekkir, svo sem hægra megin þar sem Rakel Hönnudóttir á eflaust einhver slakasta leik ferilsins. Þá sést Berglind varla og Fanndís á mislagðar fætur að venju. 

Freyr þarf að gera róttækar breytingar á liðinu í seinni hálfleik ef liðið á að hafa einhvern sjens - og þar með svo sem að sýna að hann eigi eitthvað erindi sem aðstoðarþjálfari karlaliðsins.

Með svona spilamennsku er ekki heldur von á góðu gegn Tékkunum á þriðjudag.

Þýskaland með toppsætið í hendi sér

Gamla liðið nema markmaðurinn!

Já, það er fátt sem kemur á óvart við liðsvalið, nema auðvitað markmaðurinn sem kemur úr frekar slöku b-deildarliði í Danmörku!
Annars einkenna b-deildarmenn 11-manna hópinn. Hörður Björgvin, Birkir Bjarna, Rúrik Gísla og Jón Daði eða næstum því meirihluti byrjunarliðsins.

Svo eru þarna leikmenn sem hafa yfirleitt verið varamenn hjá liðum sínum, Kári Árnason og Emil Hallfreðs. Meira að segja b-liðsmennirnir hafa að mestu verið varamenn hjá sínum liðum eða þá meiddir og/eða hálfmeiddir (Hörður Björgvin, Birkir Bjarna og Jón Daði!). Og svo auðvitað einn leikmaður sem er hættur í atvinnumennsku, Birkir Már!

Kannski er þannig aðeins tveir leikmenn sem teljast vera að spila reglulega með góðum liðum, þeir Jóhann Berg og Alfreð Finnboga (sem þó hefur verið meiddur undanfarið). Með góðum vilja má telja Ragnar Sig í þeim hópi.

Norsararnir eru hins vegar með toppmenn í flestum stöðum þó að athygli vekur að Lars Lagerbäck velur ekki Joshua King í byrjunarliðið. Já, hann er ekki alltaf sem heppilegastur í liðsvali sínu, hann Lars.
Kannski fær íslenska liðið að njóta þess, þó að hætt sé við að áhorfendur geri það ekki.

Frederik Schram byrjar í marki í dag

Ekki burðugur hópur gegn Argentínu!

Af þeim leikmönnum sem hafa verið valdir eru átta sem detta út þegar endanlegur hópur fyrir HM verður valinn. Nánast engar líkur eru á að einhver utan þessa hóps verði þar með nema þeir meiddu (Alfreð Finnboga og Gylfi). (Ekki Haukur Heiðar Hauksson, Elías Már Ómarsson eða Kristján Flóki Finnbogason sem þó hafa verið að standa sig mjög vel á undirbúningstímabilinu fyrir leiktíðirnar í Svíþjóð og Noregi)

Sem dæmi um stöðuna á hópnum þá hafa eftirtaldir leikmenn lítið verið að spila með liðum sínum: markmennirnir Ögmund­ur Krist­ins­son (ekkert!) og Ingvar Jóns­son (Ingvar reyndar búinn að vera meiddur). Af „varnarmönnum“: Birkir Már, Kári Árna, Samúel Kári og jafnvel Hjörtur Hermanns. Af miðjumönnum þeir Aron Einar, Birkir Bjarna, Emil Hallfreðs, Ólafur Ingi og Arnór Ingvi (Aron og Arnór verið meiddir). Af sóknarmönnunum er það auðvitað fyrst og fremst Kolbeinn sem hefur ekkert spilað en Jón Daði einnig ekki mikið og Albert Guðm. nær ekkert. Kjartan Henrý hefur einnig spilað frekar lítið.
Þannig er leikæfingin ekki upp á marga fiska hjá liðinu.

Einnig eru margir þeirra að leika í b-deildum. Þar er listinn langur: Frederik Schram, Hörður Björgvin, Aron Einar, Birkir Bjarna, Rúrik Gísla, Theódór Elmar (í Tyrklandi!) og Jón Daði. Reyndar má segja að Ólafur Ingi sé einnig að spila með b-deildarliði því lið hans (í Tyrklandi) er löngu fallið. Auk þess má jafnvel fullyrða að helsti markmaðurinn okkar, Hannes Þór, sé einnig að spila í b-deildarliði, svo illa er lið hans að standa sig í dönsku úrvalsdeildinni (og hann að fá slæma dóma).

Þetta boðar nú ekki gott. Að auki eru tveir bestu menn liðsins meiddir og verða því í lítilli leikæfingu þegar mótið byrjar – og það gegn engu smá liði: Argentínu.

Hætt er því við að það stefni í algjöra niðurlægingu í fyrsta leik – rétt eins og í leiknum gegn Frökkum á EM (4-0 í hálfleik!), eða jafnvel eitthvað enn verra. Frakkar höfðu jú engan Messi í liði sínu.

Átta af þessum detta út