Og hvað með Elías Má?

Elías Már Ómarsson er í miklum ham þessa dagana hjá Gautaborg, sögufrægasta liði Svíþjóðar. Hann er að skora í hverjum leik - og spilar þá alla með nýjum þjálfara - nú síðast tvö mörk gegn b-deildarliði í 3-0 sigri. Svíarnir tala um "Ómarssons fest":
http://www.gp.se/sport/fotboll/bl%C3%A5vitt-besegrade-bp-mittf%C3%A4ltaren-ut-p%C3%A5-b%C3%A5r-1.5395239
Samt er hann ekki valinn í íslenska landsliðið - og það þrátt fyrir að það vantar helstu markaskorarana.
Heimir hefur greinilega lært af Lars Lagerbäck að gefa engum nýjum leikmönnum sjens, nema þeir séu á barnsaldri!
Lars hefur hins vegar fengið harða gagnrýni undanfarið í Noregi fyrir þessa íhaldssemi sína og eru Norðmenn farnir að sjá eftir því að hafa ráðið hann sem landsliðsþjálfara!

 

Enn gengið framhjá Hauki Heiðari!

Enn einu sinni er gengið framhjá besta hægra bakverðinum okkar, Hauki Heiðari Haukssyni hjá AIK. Og það þegar Birkir Már er búinn að vera meiddur lengi og ekki spilað neinn leik síðan í haust að ég best veit.

Og aftur er Samúel Kári valinn sem varnarmaður í landsliðið þó svo að hann hafi aldrei leikið í vörn nema í síðasta æfingarleiknum með landsliðinu.

Haukur er fastur maður hjá AIK sem er komið í fjögurra liða úrslit í sænska bikarnum (liðið sem varð nr. tvö í deildinni í fyrra!). Meiddur Valsari og varamaður hjá slöku norsku liði (Vålerenga) eru valdir í staðinn!

Það getur aðeins verið ein ástæða fyrir þessu, þ.e. klíkuskapur.
Hvort það sé Heimi að kenna, eða að klíkan í landsliðinu standi þarna að baki, veit ég ekki. Ábyrgðin er hins vegar landsliðsþjálfarans. Kannski hefði verið réttast af honum að þiggja þetta flotta þjálfarastarf í útlöndum sem hann segir, að hafi staðið sér til boða.

Það hefði eflaust ekki verið verra fyrir landsliðið.

Kolbeinn með til Bandaríkjanna

Í nauðvörn allan leikinn ...

... rétt eins og í hinum leikjunum. Þó var aðalliðið inná í þessum leik en ekki b-liðið eins og gegn Japönum (líklega hafa fyrrum heimsmeistarnir Japana litið svo á að það væri móðgun fyrir þá að Ísland stillti upp b-liði gegn þeim. Og hvað segja ungu leikmennirnir um að vera hent svona úti í djúpu laugina án þess að hafa nokkurn stuðning frá reynsluboltunum?).
Freyr landsliðsþjálfari er greinilega sama hvaða orð fari af íslenska landsliðinu meðal keppinautanna. Pakkað í vörn og með allskonar tilraunastarfsemi með hundleiðinlegum leik. Og hvað segja leikmennirnir? Eru þeir sáttir við svona spilamennsku?

Fín frammistaða gegn Evrópumeisturunum

Uppselt?

Var ekki verið að tala um að það hafi verið uppselt á leikinn og mikill áhugi fyrir honum? Leikvangurinn er hálftómur!
Þá segir hér í lýsningu að rakt sé, en það hefur verið úrhellir lengstum rétt eins og í fyrri leiknum!
Vel valinn (regn)tími til að fara til Indónesíu?

Albert fór á kostum í öðrum sigri Íslands

Afspyrnulélegur fyrri hálfleikur!

Þetta íslenska lið á ekkert erindi á HM með svona spilamennsku. Heppnismark - og Króatarnir mun betri í hálfleiknum.

Vörnin óvenju óörugg og sóknin algjörlega bitlaus. Kannski skiljanlegt því beittasti sóknarmaðurinn er á bekknum (félagslið hans er í 3. sæti í þýsku deildinni og hann spilar alla leiki með þeim) en í stöðu hans sem fremsti maður er b-deildar leikmaður í ensku deildinni sem er yfirleitt varnarmaður, sem fær að koma inná í lokin.

Þetta skrifast því á þjálfarann og val hans á liðinu.

Ísland komið á HM

Fimm miðverðir?

Þetta er svei mér þá varnarsinnað val! Varnarmaður (Jón Guðni) inn fyrir sóknarmann (Aron Sigurðar). Fimm miðverðir í liðinu (jafnvel sex!).

Ætli ætlunin sé að láta Gylfa vinna leikinn upp á sitt eindæmi (skora eitt mark snemma og pakka svo í vörn)?

Enn er Viðari Erni haldið fyrir utan landsliðið, sem og Matthíasi Vilhjálms, sem þó eru að spila í mjög sterkum liðum sem eru komin áfram í Evrópudeildinni (og fá þar með mikla reynslu á toppleveli).

Svo er t.d. aðeins einn hægri bakvörður valinn þrátt fyrir að Haukur Heiðar sé búinn að ná sér eftir meiðsli og farinn að spila reglulega með sterku liði AIK. 

Þá er Jón Daði valinn þó hann sé meiddur - og Birkir þó hann fái ekki góða dóma hjá Aston Villa.
Arnór Ingvi fær heldur ekkert að spila hjá AEK Aþenu og sömuleiðis Kári Árna hjá Aberdeen (og Raggi hjá Rubin Kazan).

Ljóst er að Heimir fetar dyggilega í fótspor Lagerbäcks og þorir ekki að breyta liðinu sem neinu nemur (eða kannski fær hann það ekki fyrir "stjörnunum", les klíkunni, í landsliðshópnum?). 
Spái tapi úti gegn slöku finnsku liði!

Landsliðið: Heimir gerir litlar breytingar

Gagnrýnisleysi fjölmiðla!

Umfjöllun fjölmiðla um íslenska kvennalandsliðið í fótbolta á eflaust einhverja mestu sök á fölskum væntingum til liðsins á EM. Fyrir mótið hafði liðið rétt náð jafntefli gegn lágt skrifuðu liði Írlands, en fjölmiðlar töluðu um góðan árangur, og áður stórtap gegn Hollandi (4-0) sem fjölmiðlarnir tóku einnig létt á.
Síðan var það hringið með liðið hjá þjálfaranum sem notaði ekki tækifærið á Algarvemótinu til að finna réttu uppstillinguna - og fjölmiðlunum fannst ekkert athugavert við það.

Freyr var því engu nær þegar á EM var komið hver væri heppilegast uppstillingin og setti því alveg nýjar manneskjur inn í liðið - og enn spiluðu fjölmiðlar gagnrýnislaust með.
Núna fyrst, eftir þrjú töp og stórtap í síðasta leiknum, rumska þeir aðeins.

Enn er þó ekki búið að finna blóraböggulinn - og honum verður líklega hlíft lengi vel (því stelpurnar sem hann velur í byrjunarliðið elska hann!) eða þar til að næsta fíaskóinu kemur.

Jamm. Syndaselurinn er auðvitað þjálfarinn.
Hann velur ranga (og reynslulitla) leikmenn í liðið. Allt lagt upp úr grófum leik og að trufla andstæðinginn sem mest í hans aðgerðum en ekki að koma upp spili hjá eigin liði eða skapa eitthvað. 
Þetta sást auðvitað best í leiknum gegn Austurríki. Íslenska liðið átti ekki eitt einasta skot á markið en andstæðingarnir 19!!!

Þið lesið þetta fyrst hér. Burt með þjálfarann, Frey Alexandersson!

Ekkert stolt, engin gleði

Króatarnir slakir í fyrri hálfleiknum

Menn hefðu átt að hrósa Króötunum meira fyrir leikinn, hve frábærir þeir væru!

Liðið sýnir lítið sem ekkert og er með marga frekar slaka leikmenn. Reyndar má segja það sama um íslenska liðið. Þulurinn (Hörður Harðar) talar auðvitað um frábært lið og stórkostlegt eins og hann er vanur - ætli hann eigi ekki fleiri lýsingarorð í pokahorninu en þessi og aðeins lágstemmdari? - en það hefur lítið sýnt ennþá.

Mikið er um feilsendingar fram völlinn (án þess að þulirnir nefna það einu nafni). Kári er t.d. venju fremur slæmur með þetta - þótt oft sé hann slæmur - sem sýnir líklega að hann er í lítilli leikæfingu. Hörður Björgvin sömuleiðis. Þá kemur lítið út úr Birki Bjarnasyni enda hefur hann varla spila keppnisleik í hálft ár.
Þá er Alfreð greinilega ekki búinn að ná sér almennilega eftir meiðslin sem hann fékk, amk er hann ekki í sama góða forminu og hann var fyrir þau.

Það mætti vel skipta inná þegar í byrjun seinni hálfleiks eða snemma í honum því þessi leikur á að vinnast gegn frekar slöku liði Króata.

Dramatískur sigur gegn Króatíu

Landsliðsþjálfarinn að skjóta sig illilega í fótinn

Það að bestu leikmenninrir séu ekki valdir í íslenska karlalandsliðið í fótbolta vegna þess að þeir falla ekki inn í leikkerfið, sýnir á hversu miklum villigötum landsliðið er komið.
Líklega verða þeir valdir sem eru að spila með leiðinlegustu liðinum, eins og Kjartan Finnboga í Horsens, sem hefur fengið það orð á sig að vera leiðinlegasta liðið í dönsku úrvalsdeildinni (og Kjartan einn sá grófasti).
Íslenska landsliðið er ekki mikið skárra hvað leiðindin varðar en hingað til hefur það verið fyrirgefið vegna þess árangurs sem liðið hefur náð.
Það þarf hins vegar ekki nema eitt tap, svo sem gegn Finnum, til að það umburðarlyndi hverfi eins og dögg fyrir sólu.
Þá hættir að vera gaman að vera þjálfari landsliðsins.

Viðar ekki valinn í landsliðið – „Rosalega svekktur“

Vonandi ekki!

Eftir 4-0 tap gegn Hollandi skyldi maður vona að þessi leikur verði ekki mjög líkur leikjunum á HM.

Og vonandi fær Fanndís ekki að eyðileggja fleiri færi hjá íslenska liðinu.

„Þetta er og verður mjög líkt EM“