Arfaslakur fyrri hálfleikur!

Það er ljóst að landsliðsþjálfarinn er ekki að ná miklu út úr þessu liði. Kannski má segja að það sé þegar orðið of gamalt?

Margrét Lára er ekki svipur hjá sjón, Guðbjörg óörugg í markinu (missti tvo bolta út úr höndunum á sér í byrjun leiks) og Glódísi fer ekkert fram, frekar aftur þótt ung sé.

Íslenska liðið er slakt og það sem verra er. Á bekknum eru ekki margar sem geta bætt liðið.

Líklegast er þó að þjálfarinn sé vandamálið. Hann virðist ekki hafa neinar hugmyndir til að bæta liðið. Lítið um spil. Aðallega langar spyrnur fram og svo hlaupið. 
Þá hefur hann dálæti á röngum leikmönnum ...

 

Skellur gegn Hollendingum

Þvílíkt rugl!

Leikurinn var arfaslakur. Íslenska liðið átti ekki skot að marki nema það sem fór inn. Framlínan var algjörlega bitlaus og miðjan varla sjáanleg. Það eina sem var gott var miðja varnarinnar, markvörðurinn og Hörður í vinstri bakverðinum. Þá vann Rúrik góða varnarvinnu og var líkaamlega sterkur í návígjum. 
Leikurinn snarbatnaði svo í lokin þegar menn komu inná sem gátu haldið boltanum, sent á samherja og ógnað. Menn eins og Elías Már, Arnór Smára og Ari Freyr.
Heppnissigur gegn liði, sem reyndar var ekki mikið betri.
Dæmigerður "breskur" leikur. Kýlt fram og svo haupið og tuddast í það óendanlega!

Langþráður sigur gegn Írum

60-40 með boltann en 0-2 í mörkum!

Arnór Ingvi og Gylfi góðir í annars slöku liði Íslands.
Má gefa mönnum eins og Ragnari og Emil frí í seinni hálfleik. Jafnvel gefa Hannesi einnig frí og leyfa Ögmundi að spreyta sig.

Gullfótur Gylfa dýrmætur

Flott!

Kominn tími til að setja Jón Daða út úr liðinu og það þegar vantar fimm fastamenn í liðið. Vel gert Heimir!

Þá verður spennandi að sjá Arnór Ingva á kantinum.

Byrjunarliðið: Björn og Viðar fremstir gegn Kósóvó

Ungir í stað reyndra

Valið á landsliðinu er nokkuð fyrirsjánlegt en þó skrítið eins og venjulega.

Nú er kannski undarlegast að Rúnar Már Sigurjónsson sé ekki með en hann leikur alla leiki með liði sínu Grashopper í Sviss. Í stað hans er Ólafur Ingi Skúlason valinn sem yfirleitt er á bekknum hjá liði sínu í Tyrklandi.

Þá er Ingvar Jónsson valinn sem þriðji markmaðurinn en ekki Rúnar Alex Rúnarsson sem hefur spilað alla leiki með Nordsjælland í dönsku úrvalsdeildinni.

Svo er það vörnin. Þar er ekki Hjörtur Hermannsson þó hann sé fastamaður í vörn Bröndby sem er öruggt í 2. sæti dönsku úrvalsdeildarinnar. Þá er Viðar Ari valinn í stað Hauks Heiðars Haukssonar í AIK í Stokkhólmi sem þó hefur verið valinn í liðið undanfarið.

Framlínan og kanturinn eru kannski mesta spurningarmerkið en þar eru svo sannarlega hinir ungu og óreyndu valdir í stað þeirra eldri og reyndari. Aron Sigurðar í stað Arnórs Smárasonar og Óttar Magnús í stað Matthíasar Vilhjálmssonar.

Það á ekki af Matthíasi að ganga!

Kári, Arnór og Rúrik í hópnum - Óttar og Viðar valdir

Enn eitt furðuvalið hjá landsliðsþjálfaranum

Maður skyldi ætla að nú væri stillt upp sterkasta liðinu til að fá sem besta samæfingu fyrir það áður en í alvöruna er komið í sumar.

En nei, ó nei!

Sara Björk sett á bekkinn og í raun allir leikmennirnir sem stóðu sig svo vel gegn Noregi.
Tapliðið gegn Japan fær hins vegar nýtt tækifæri (Guðbjörg, Arna Björk, Málfríður, Fanndís, Margrét Lára).

Það er eins og þjálfarinn vilji helst að liðið tapi sem flestum leikjum.
Eða kannski er hann bara að sýna vald sitt: "Ég ræð, og geri það sem mér sýnist."

Kínverjar lagðir í lokaleiknum

Skrýtið liðsval að venju!

Allir þrír markverðirnir fá að spila þó svo að Sandra Sigurðar hafi staðið sig áberandi betur en Guðbjörg þegar hún fékk tækifærið í leiknum gegn Noregi - og full þörf að láta reyna betur á hana í æfingarleikjum.

Svo er auðvitað sérstakt að taka Glódísi út úr byrjunarliðinu og reyna ekki aftur 3-4-3 með hana, Sif og Örnu saman.

Þá átti Rakel Hönnudóttir mun betri leik en Elísa þegar Rakel fékk tækifærið í hægri bakverðinum.

Gott er hins vegar að sjá að Margrét Lára er ekki í byrjunarliðinu!

Hennar tími er löngu liðinn ...

Fínt jafntefli gegn sterkum Spánverjum

Slakur fyrri hálleikur

Íslenska kvennalandsliðið byrjaði leikinn mjög illa. Þær voru seinar í öll návígi og með ónákvæmar sendingar. Þær japönsku miklu betri, fljótari og teknískari.

Reyndustu leikmenn íslenska liðsins slakir. Guðbjörg átti sök á a.mk. öðru markinu ef ekki báðum. Margrét Lára hefur ekki sést í leiknum og Fanndís mistæk að venju. Hallbera aðeins að koma til er leið á leikinn eftir skelfilega byrjun.

Annars er leikur Íslands alltof hægur, sendingar lélegar og leikmenn ekki nógu hreyfanlegir.

Taka Margréti Láru og Málfríði útaf strax í hálfleik og skoða svo með Fanndísi, Önnu Björku og Hallberu í þeim síðari. 

Katrín Ásbjörns var frísk í fyrri hálfleiknum gegn Norðmönnum og Arna Sif örugg í vörninni, auk þess sem Gunnhildur Yrsa gerði jú jöfnunarmarkið. Inná með þær sem fyrst.

Tveggja marka tap gegn Japan

Ágætis byrjun!

Þetta var að mörgu leyti góður leikur hjá íslenska liðinu, einkum í byrjun.

Ungu stelpurnar í framlínunni, Sandra Jessen, Elín Metta og Katrín Ásbjörns voru frískar til að byrja með, auk þess sem Sandra í markinu var örugg allan leikinn og Arna Sif var sterk í miðju varnarinnar. Arna og Glódís eiga greinilega vel saman og ættu að vera framtíðar miðvarðarpar landsliðsins.
Leikurinn breyttist svo þegar Sandra meiddist en hún hafði einnig verið mjög dugleg að koma til baka og hjálpa til í vörninni.

Heilt yfir má segja að kominn sé tími á kynslóðarskipti þessu landsliði. Gömlu kempurnar eru farnar að gefa sig og þær ungu miklu frískari.

Byrjunarliðið leit vel út - mun betur en liðið eftir að skiptingar byrjuðu. Fanndís einleikur að venju of mikið og missir því oft boltann, auk þess sem sendingarnar eru yfirleitt ónákvæmar. Þá var Hallbera ekki sannfærandi eftir að hún kom inná og ekki heldur Dóra María.

Bestar: Sandra í markinu, Glódís og Arna Sif, Sara Björk og Elín Metta.

Jafntefli við Noreg í fyrsta leik

Að sleikja upp landsliðsþjálfarann!

Það er alveg ljóst eftir viðtal við Frey landsliðsþjálfara í fréttum í gær að hann hafi sett Dagnýju og Hallberu stólinn fyrir dyrnar. Einnig hefur það komið fram í viðtali við hann á 433.is.

Í sjónvarpinu viðurkenndi hann að ef þær færu til Kína myndi það setja strik í reikninginn hvað varðaði landsliðið. Hann bar þar ekki við að deildin í Kína væri svona léleg heldur að það tæki svo langan tíma fyrir þær koma til móts við landsliðið.

Því er ljóst að allt það, sem Sigurður Ragnar sagði um þetta mál, var satt og rétt en viðbrögð Freys aðeins aumt yfirklór.

Og fjölmiðlarnir kóa með landsliðsþjálfaranum núverandi.

Þær vita alveg hvað þær vilja