Kunna menn ekki þjóðsönginn?

Alltaf jafn pínlegt að sjá til leikmanna íslenska karlalandsliðsins þegar þjóðsöngurinn er spilaður. Fáir syngja með og þeir fáu sem það gera syngja lágt (muldra hann) og virðast kunna hann illa!

Þetta hlýtur að skrifast á KSÍ sem auðvitað á að gefa þá dagskipun að allt liðið taki undir í þjóðsöngnum og gert að læra hann almennilega.

Allt annað að sjá Albanina sem syngja með af fullum krafti og gríra sig þannig upp í leikinn!

Enda kom stemningsleysið í íslenska liðinu fljótt í ljós í fyrri hálfleiknum. Illa spilað, lítil barátta og legið í vörn! Allt liðið lélegt en líklega Gylfi sá lélegasti. Jón Daði sást ekki og varnartengiliðarnir fóru ekki í andstæðinginn.
Albanir með boltann 60%!!

Átakanlegt að horfa svo á íslenska liðið hrynja er leið á seinni hálfleikinn. Kannski fjórða markið hafi verið dæmigert fyrir þetta gamlingjalið. Einn leikmaður að dekka þrjá dauðafría Albani! Varla hægt að kenna vörninni um það heldur hjálparleysið frá tengiliðunum.
Aron Einar er greinilega ekki í formi til að leika tvo svona leiki með stuttu millibili. Þarna eru auðvitað fleiri sem kominn er tími á. Kári, Emil, Birkir Bjarna og Jón Daði, og svo auðvitað Hannes í markinu.
Rúnar Már eina jákvæða lífsmarkið í leiknum.

Þá hlýtur þjálfarinn að fá gagnrýni fyrir byrjunarliðið. Minnir óþægilega á útkomuna í Þjóðadeildinni.

Slæmur skellur í Albaníu

Jóhann Berg meiddur?

Leyfi mér að efast um það. Þori að veðja að hann muni leika með Burnley strax eftir landsleikjahléð - sjáum til. Annað eins hefur jú gerst og furðu oft meira að segja.
Sama á eflaust einnig við um Alfreð.
Aumingjaskapur að lúffa svona fyrir félagsliðinum sem vilja helst ekki leyfa leikmönnum sínum að spila landsleiki.

Jóhann Berg frá í 3-4 vikur

Strax ráðist á nýja þjálfarann?

Merkilegt þessi viðbrögð eftir fyrsta tapið hjá nýja þjálfaranum! Á meðan Freyr Alexandersson var þjálfari var lítið fjallað um slaka frammistöðu liðsins undir hans stjórn miðað við árangurinn á tíma Sigurðar Eyjólfssonar, en undir stjórn Sigurðar komst liðið tvisvar í úrslit á EM (2009 og 2013) - og áfram upp úr riðlinum í fyrra mótinu. Samt var Sigurður látinn fara!

Freyr kom hins vegar landsliðinu aðeins einu sinni í úrslit þar sem liðið tapaði öllum leikjunum. Síðasta mót hans sem landsliðsþjálfara olli svo miklum vonbrigðum eftir góða byrjun. Eitt stig úr síðustu tveimur heimaleikjum var ekkert til að hrópa húrra yfir - en ennþá heyrðust engar gagnrýnisraddir - og þjálfarinn hækkaður í tign í kjölfarið!

Já, það gildir ekki sama um Frey og Jón Þór.
Merkilegir annars þessir silkihanskar á Frey - sem enn eru notaðir á hann sem aðstoðarþjálfara karlalandsliðins, þó liðið hafi ekki unnið leik í meira en heilt ár!!

Viðvörunarbjöllurnar hringja

Pínlegt upphlaup

Ég efast um að Hafnfirðingar og stuðningsmenn FH séu hreyknir af framferði formanns knattspyrnudeildar fimleikafélagsins í þessu máli. Ljóst var á öllu að hann var stuðningsmaður Geirs og grandvarir menn segja að stjórn knattspyrnudeildar FH hafi fylgt formanninum þar.
Þá finnst einhverjum að fiskur liggi þarna undir steini, þ.e. að FH skuldi Geir einhvern greiða frá formannstíð hans, nokkuð sem ekki megi líta dagsins ljós.
Allavegana er þessi stuðningur óskiljanlegur í ljós allra þeirra hneykslismála sem komu upp í stjórnartíð Geirs og fyrirrennara hans, Eggerts Magnússonar (stúkan margfræga á Laugardalsvellinum ofl.).
Þá er og nokkuð sérkennilegt hvað Geir hefur fengið mikið pláss í fjölmiðlum miðað við forsöguna - og útkomuna.
Hefði ekki verið eðlilegra að þegja sem mest um þetta frumhlaup hans, enda kom hið sanna í ljós núna í kosningunni á þinginu, að hann hafði mjög lítinn stuðning (fyrir utan FH-inganna auðvitað)?
Þetta framboð var einfaldlega pínlegt - og sorglegt - enda útkoman eftir því.

Yfirburðasigur Guðna á Geir

Veruleikafirrtur Miðflokksmaður?!

Þetta er auðvitað brandari. Maður sem var búinn að missa alla tiltrú knattspyrnuhreyfingarinnar ætlar nú aftur í framborð og ber við að hann sé nýr og betri maður.

Spillingarslóðin eftir hann er þó það löng að því er erfitt að trúa. Hér er eitt dæmi af mjög mörgum: http://www.visir.is/g/2009715921114/ksi-rukkad-fyrir-kampavin-og-klam

Þá virðist Guðni vera að gera góða hluti svo engin ástæða er til að skipta um mann í brúnni.

Togstreita er vægt til orða tekið

Undarleg liðskipan

Ég sem hélt að landsliðsþjálfararnir ætluðu að reyna að vinna einn leik á þessu ári! Eftir liðsvalið virðist svo ekki vera heldur verið að prófa sig áfram með liðið.

Minnir reyndar á Frey þegar hann var með kvennalandsliðið. Kannski er hann hinn raunverulegi landsliðsþjálfari (og kallar þá fífl sem leyfa sér að gagnrýna liðið, liðsvalið og þá háu herrana sem stjórna liðinu!)?

Sem dæmi um þetta val má nefna að þarna er aðeins einn varnartengiliður, Eggert Gunnþór, sem hefur ekki leikið með landsliðinu í sex ár!
Spurning hvort Guðl. Victor sé meiddur?

Svo er auðvitað sérkennilegt að sjá nafn Kolbeins næstfyrst í upptalningu á liðinu. Ætli hann leiki í hægri bakverðinum?

Fjórar breytingar á byrjunarliði Íslands

Góður fyrri hálfleikur

Íslenska karlalandsliðið í fótbolta sýndi það að liðið getur vel spila á "stjarnanna" í liðinu, Gylfa Sig og Jóhanns Berg. Sama gildir um hlaupagikkinn Birki Bjarna. 

Spurning hvort að landsliðið sé ekki betur skipað án þessara leikmanna, sem undanfarið hafa sýnt lélega leiki með landsliðinu - kannski hafa þessi leikmenn hugsað meira um eigin karríer en landsliðsins?
Margur verður að aurum api.

Annars eru Belgarnir lélegir í þessum leik og langt frá fyrri standard.

Bronslið HM reyndist of sterkt

Margt gott í niðurlægingunni?

Þetta viðtal er eins og að spyrja mann hvernig sé að skíta í buxurnar: "Það var margt gott í því. Maður léttir til að mynda á sér!"

Þessi þjálfari er auðvitað kominn á tímann sinn - og það reyndar fyrir löngu.
Hann lætur hins vegar eins og hann sé æviráðinn í starfið - og talar um það sem þurfi að bæta eins og hann hafi allan tímann í veröldinni til þess. 

Já það er auðsýnilega margt sem þarf að bæta hjá íslenska u21 árs liðið. Fjórða sætið í riðlinum og stórtap gegn liði sem hafði að engu að keppa.
Fyrsta skrefið í því er augljóslega það að láta Eyjólf Sverrisson taka pokann sinn.

 

Eitt sterkasta lið sem hefur komið hingað

Hvernig var hægt að tapa 6-0 fyrir þessu liði?

Tilþrifalitlum fyrri hálfleik lokið. Svissneska liðið hefur verið slakt, lítið skapandi og algjört miðjumoð hjá þeim.

Reyndar var íslenska liðið lítið skárri en þó hættulegra.

Svo er auðvitað stóra spurningin. Hvernig var hægt að tapa fyrir þessu svissneska liði - og það með sex mörkum (gegn engu!)?

Eftir slakan seinni hálfleik lengi framan af hjá íslenska landsliðinu, færðist heldur betur fjör í leikinn undir lokin!

Samt er það minnisstæðasta við þennan leik hve landsliðsþjálfaranum var kalt allan tímann, ekki síst undir lokin! Hann er greinilega of mikill spjátringur til að fara í dúnúlpuna hans Lars.

Þriðja tapið í Þjóðadeildinni

Hamrén hugaður!

Loksins fær Hannes Þór að hvíla sig - og kominn tími til.

Þá er vörnin athyglisverð, fjögurra manna, en enginn vinstri bakvörður!
Og Arnór Trausta í byrjunarliðinu sem er löngu kominn tími til!

Spennandi að sjá hvort enn eitt stórtapið verði eða ...

 

Þessir byrja gegn Frökkum