Um morðin í Jeju í Suður-Kóreu árið 1948

Mikilvæg ákvörðun Sænsku akademíunnar í ljósi þjóðarmorðanna í Gaza, Vesturbakkanum og nú í Líbanon þessa dagana, með dyggum stuðningi bandarískra stjórnvalda. 

Nóbelsverðlaunahafinn í ár, Han Kang, skrifaði bókina Lifandi og dauðir um þjóðarmorðin á eyjunni Jeju í Kóreu þegar herlögreglan þar í landi, á vegnum einræðisstjórnarinnar þar sem var studd af Bandaríkjunum, bældi niður uppreisn eyjaskeggja með mjög brútölum hætti, þ.e. drápu á milli 80.000-100.000 manns, aðallega óbreytta borgara. Fram á miðjan 10. áratuginn var bannað að minnast á þessi morð þar í landi og var refsað með barsmíðum, pyntingum og fangelsun ef það var gert.

Stjórnvöld í Suður-Kóreu viðurkenndu þessi morð svo loksins árið 2003 og árið 2007 var einnig viðurkennt að þetta hafi verið þjóðarmorð.

https://en.wikipedia.org/wiki/Jeju_Island

 

Han Kang hlýtur Nóbelinn í bókmenntum

"Þá verður jörðin fyrir alla"

Myndin hennar Lísu

Gult fyrir sól, grænt fyrir líf,

grátt fyrir þá sem reka menn út í stríð.

Hvítt fyrir börn, sem biðja um frið

biðja þess eins að fá að lifa eins og við.

Er ekki jörðin fyrir alla?

---

Taktu þér blað, málaðu á það

mynd þar sem að allir eiga öruggan stað.

Augu svo blá, hjörtu sem slá

hendur sem fegnar halda frelsinu á.

Þá verður jörðin fyrir alla. 

Olga Guðrún Árnadóttir

https://www.tonak.is/is/skolinn/songvaflod/songbokin/myndin-hennar-lisu

Myndir: Mótmælt fyrir utan ríkisstjórnarfund

Biden: Gera Trump að skotmarki

Gamli jálkurinn hann Biden mismælir sig ekki aðeins eða tafsar á orðunum heldur er býsna illorður í yfirlýsingum sínum, svo það jaðrar við stríðsyfirlýsingar.
Orðrétt sagði hann fyrir nokkrum dögum: ”Put Trump in a bullseye”, sem útleggst jú eins og titillinn hér ofar segir. Og það var tekið bókstaflega.

Svo auðvitað þetta um bænina og að ofbeldi sé ekki liðið í landinu! Þetta stríðsæsingartal Bidens hefur reyndar fyrst og fremst beinst gegn Rússum og í yfirlýsingum um að Ísrael hafi rétt á að "verja" sig en þegar á annað borð er talað á þennan hátt, er stutt yfir í það að tala þannig einnig í kosningabaráttunni.

Rétt er einnig að minna á orð Macrons Frakklandsforseta um að ef flokkur hans myndi tapa í kosningum þar í landi þýddi það borgarastyrjöld.
Já lýðræðið á undir högg að sækja viða á Vesturlöndum og það einkum hjá þeim sem tala hæst um hve miklir lýðræðissinnar þeir eru.
Heimur á heljarþröm?

 

„Joe Biden gaf fyrirmælin“

Þór Sigfússon!

Guðni Th lýkur forsetatíð sinni með "glæsibrag", hengir fálkaorðinni á einn helsta Hrunverjann! Þór Sigfússson átti yfir höfði sér allt að sex ára fangelsi sem forstjóri Sjóvár í Hruninu, svo sem fyrir Vafningslánið fræga uppá 10,5 milljarða:

https://www.visir.is/g/2010964612d/gaeti-att-yfir-hofdi-ser-allt-ad-sex-ara-fangelsi

Líklega er þetta dæmigert fyrir stutt minni ráðamanna þjóðarinnar um þessar munddir, sem og þjóðarinnar sjálfrar, sem sýndi sig í nýafstöðnum forsetakosningum þegar einn helsti hugmyndafræðingur nýfrjálshyggjunnar fyrir Hrun, Halla Tómasdóttir, var kosinn forseti lýðveldisins.

Já veröldin er skrítin og langtímaminni fólks mjög stutt.

Sextán fengu fálkaorðuna

Stærsti þjófnaður veraldarsögunnar?

Loksins hafa Vesturlönd látið verða af áformum sínum um að stela 50 milljörðum dollurum frá Rússum og "lána" leppum sínum í Úkraínu (hvernig er annars hægt að lána eitthvað sem maður ekki á?).
Þátttaka Vesturlanda í hernaðinum gegn Rússum verður sífellt augljósari, þannig að vel er hægt að tala um að algjört stríð vestrænna þjóða standi nú yfir gegn rússneska birninum.
Það er auðvitað spurning hvernig alþjóðastofnanir bregðast við þessum tíðindum en þær eiga að vera hlutlausar í þannig átökum.

Það hefur reyndar margoft sýnt sig að þessar alþjóðastofnanir, sem voru settar á fót til að stjórna heimsmálunum og varðveita friðinn, hafa ekkert vald m.a. hvað varðar þjóðarmorð Ísraela á Gaza - og eru algjörlega undir hælnum á Kananum í alþjóðamálum. Sama á við um stríðið í austurhluta Úkraínu. Það eru Bandaríkin og leppríki þeirra sem ráða öllu á alþjóðavettvangi og eru hinar raunverulegu Sameinuðu þjóðir, þ.e. eitt land og þeirra leppar sem er lögga Jarðarinnar. Hvenær ætla aðrar þjóðir, utan Vesturlanda, að rísa upp gegn þessari nýjustu birtingarmynd nýlendustefnunnar? 

Fagnar sögulegu láni til Úkraínu

Djöfuls fífl!

Nú eru Kanarnir að pressa á Hamas og aðra Palestínumenn um að samþykkja "vopnahlés"tillögu Ísraela og krefjast þess reyndar eins og haft er eftir Blinken (að baki er einhver hótun um að Kaninn muni taka aukinn þátt í fjöldamorðum Ísraela á Gazabúa ef tillögurnar verða ekki samþykktar). Sama segir Cameron, sem nú er utanríkisráðherra Breta. Hamas verða að samþykkja þessar rausnarlegu tillögur!
Þetta er auðvitað engin vopnahléstillaga eins og kemur fram í þessari frétt. Fíflið við stjórnvölin í Ísrael var svo gáfaður að viðurkenna það, óaðspurður!

Eftir stendur hvað felst í þessum tillögum. Vopnahlé aðeins í 40 daga. Innrásarherinn ekki dreginn út af Gaza og algjör óvissa um framhaldið.

Síðan eru auðvitað fréttirnar af mótmælum stúdenta í Bandaríkjunum og hörð viðbrögð háskólayfirvalda og lögreglu þar við þeim. Lýðræðisríkið mikla leyfir ekki friðsöm mótmæli og Biden réttlætir það.
Sameinuðu þjóðirnar segja hins vegar að það sé klárt mannréttindabrot að vísa mótmælendum úr skóla eins og verið er að gera þar vestra. 
Jamm, þá veit maður það. Mótmæli þýða "berufsverbot"! Elsku Kaninn, verndarinn okkar allra gegn vondu anti-lýðræðissinnum heimsins, hann lætur ekki að sér hæða í hræsninni!

 

Ráðast inn í Rafah óháð vopnahléi

Að "tala meiningu" sína

Jón Gnarr er ekki alltof sleipur í íslenskunni. Maður segir meiningu sína, en talar hana ekki. Annars er þetta viðtal við Gnarrinn frekar klént yfirklór hjá honum vegna óheppilegra ummæla hans um Katrínu og Bjarna Ben varðandi forsætisráðherrakapalinn: "Ég hef ekk­ert út á Bjarna Bene­dikts­son að setja."
Nokkuð hlálegt yfirklór auðvitað miðað við undirskriftasöfnunina gegn Bjarna, sem vel yfir 40.00 manns hafa skrifað undir. Populismi svo sem hjá Gnarr en hann hefur þó vit á því að sjá eftir þessum ummælum. Þau eru frekar óheppileg, ef hann verður forseti, þ.e. að hafa tekið undir það að forsætisráðherrann sé persona non grata og viljað hann í burtu.
Jón er þar með skárri en Baldur Þórhalls sem ekki hefur dregið til baka eða afsakað dónaleg ummæli sín um Katrínu Jakobsdóttur. Sá náungi kann ekki mannsiði og hefur ekkert að gera á Bessastaði.

Kveðst tala af virðingu: „Ég er enginn dóni“

Á Grindavíkurbær að greiða fyrir skólagöngu grindvískra barna í öðrum sveitarfélögum?

Þetta er nokkuð sérstakt. Fyrir það fyrsta er undarlegt að blása af skólastarf í Grindavík þegar hætt gæti alfarið að gjósa nú eftir nokkra daga - og íbúarnir því flutt heim á næstu vikum og mánuðum. Í öðru lagi eru margir að flytja lögheimili sín frá Grindavík og í önnur sveitarfélög og  borga því útsvar á þeim stöðum en ekki í gamla heimabænum. Ætlar Grindavíkurbær samt sem áður að borga með börnum sem svo stendur á hjá?

Þarna er fleira undarlegt svo sem sérstök sálfræðiþjónusta við grindvísk börn og að bærinn borgi fyrir það sérstaklega. Eru þau virkilega svona illa farin eftir eldgosin á Reykjanesi að þau þurfi á sálfræðingi að halda, frekar en önnur börn?
Það eru sálfræðingar starfandi við alla skóla á höfuðborgarsvæðinu, að því að ég best veit, og því eðlilegt að þeir þjóni þessum börnum sem öðrum. Annars geta nýir nemendur, sem skipta um skóla vegna aðsetursskipta, farið fram á slíkt hið sama!

Já, það er margt skrítið hjá þessari bæjarstjórn og nokkuð sérstakt að það heyrist ekki háværari gagnrýni á hana frá íbúunum. En kannski eru fjölmiðlar samir við sig í þessu sem öðru? Gagnrýni umræða ekki leyfð nema að litlu leyti. Kraumandi óánægja undir niðri hjá Grindvíkingum en fjölmiðlarnir kóa með yfirvöldunum og segja ekki frá því.

Allavega finnst manni eðlilegt að bæjaryfirvöld hefðu kannað vilja foreldra þessara barna varðandi skólastarf næsta vetur í heimabyggð, ekki síst þeirra sem vinna ennþá í bænum og hafa hug á að flytja þangað aftur sem allra fyrst.
Það er auðvitað dýrt að halda úti fámennum skóla svo kannski er hugmyndin með þessu að spara fjármuni. Dæmið virðist þó ekki vera reiknað til enda, miðað við þær fjárhagslegu skuldbindingar sem felast í þessari undarlegu ákvörðun bæjarstjórnarinnar.
Svo er hún auðvitað dæmigerð hræsnin varðandi vinnu þeirra sem hafa starfað við kennslu og umönnum barnanna: "rík áhersla verður lögð á að tryggja rétt­indi starfs­fólks í þeirri vinnu sem er fram und­an." Hún birtist einnig í því að haldinn verður íbúafundur eftir að þessi ákvörðun er tekin, en ekki áður eins og eðlilegt hefði verið til þess að kanna vilja foreldranna og kennarana með hana.

Ekkert skólastarf í Grindavík næsta skólaár

Samkvæmt bókinni

Öll  vestræn ríki keppast við að fordæma "árás" Írans á Ísrael, og er íhaldsráðherrann af Skaganum þar enginn undantekning. Hins vegar heyrðist lítil í henni og kollegum hennar þegar Ísrael gerði árás á konsulat Írana í Damaskus, höfuðborg Sýrlands, sem er enn einn stríðsglæpurinn sem Ísraelar haf framið á sinni löngu helferð gegn nágrönnum sínum - með eindregnum stuðningi USA og fleiri ríkja. Konsulat hefur auðvitað diplómatstöðu, það er friðhelgi, rétt eins og sendiráð og því var árásin á það mjög alvarlegur glæpur.

Þá hefur ekki svo ég muni, heyrst fordæmandi raddir úr ranni þessa ráðherra okkar eða annarra íhaldsráðherra hérlendra vegna þjóðarmorðsins á Gaza - heldur aðeins þetta: Það má ekki svara ítrekuðum árásum Ísraels, því það mun aðeins stig­magn­a "ástandið".
Já, hræsnin er alltaf söm við sig.

Ísland fordæmir árásina

Lettland og minnihlutahóparnir

Eins og frægt er orðið var Ísland fyrst allra ríkja að viðurkenna sjálfstæði Lettlands, nokkuð sem Jón Baldvin, sem þá var utanríkisráðherra, hefur lengi montað sig af.
Það þrátt fyrir að ekkert lá fyrir um réttindi minnihlutahópa í landinu, einkum rússneska minnihlutans. Útkoman var skelfileg. Stjórnarflokkurinn setti á lög um að aðeins þeir íbúar, sem áttu heima í landinu árið 1940 og afkomendur þeirra, væri lettneskir ríkisborgarar. Síðan þá hefur minnihlutahópar, nú um 14% kosningabærra manna (um 300.000 manns), ekki haft atkvæðisrétt í kosningum þar í landi!
Áður, eða frá 1990, voru það miklu fleiri, en meira en helmingur þeirra hefur síðan tekið próf sem þarf til að fá ríkisborgararétt. 

Sama má segja um Úkraínu. Eftir 2014 hefur austurhluti landsins, þar sem fólk af rússnesku bergi brotið hefur verið réttindalaust og barist fyrir sjálfstæði sínu, nú síðast með hjálp Rússa, en yfirvöld í Kíev hafa notið ótakmarkaðs stuðning NATÓ og ESB til árása á einmitt þetta fólk - og borið við lýðræðisást sína.

Já, lýðræðisréttindi minnihlutahópa í þessum tveimur löndum, Lettlandi og Úkraínu, hafa verið fótum troðin með blessun og áköfum hernaðarlegum stuðningi hinna "lýðræðissinnuðu" Vesturlanda. Því er ekki nema von að þessi tvö lönd treysti bönd sín og það með fullum stuðningi "villta vestursins". Eina landið sem mótmælir stuðningnum við Úkraínu er Ungverjaland, því ungverski minnihlutinn er einnig réttindalaus í því land:

"citizenship was granted to persons who had been citizens of Latvia on the day of loss of independence in 1940 as well as their descendants. As a consequence, the majority of ethnic non-Latvians did not receive Latvian citizenship since neither they nor their parents had ever been citizens of Latvia, becoming non-citizens or citizens of other former Soviet republics. By 2011, more than half of non-citizens had taken naturalization exams and received Latvian citizenship, but in 2015 there were still 290,660 non-citizens in Latvia, which represented 14.1% of the population. They have no citizenship of any country, and cannot participate in the parliamentary elections.

https://en.wikipedia.org/wiki/Latvia

Úkraína og Lettland gera tvíhliða öryggissamning