Kaninn með hótanir að venju

Þetta er önnur hótun Kanans á innan við sólarhring. Fyrst hótaði talsmaður stjórnarinnar stórstyrjöld ef ein einasta sprengja félli á NATÓ-land, óvart eða ekki. Líklega er þar átt við Pólland því eldflaugaárás Rússa á herbækistöð Úkraínuhers í gær var mjög nálægt landamærunum. Maður hélt reyndar að slík viðbrögð ættu að koma frá framkvæmdastjóra NATÓ en ekki frá Kananum (sem sýnir auðvitað hverjir stjórna í reynd á þeim bænum).
Líklega er þó þarna verið að fela það að Bandaríkjamenn hafa mikið verið í þessari herstöð til að þjálfa úkraínska hermenn í "friðargæslu" eins og það er nú hræsnislega orðað. Kannski hafa einhverjir bandarískir "hernaðarráðgjafar" fallið í árásinni.
Önnur lygin í Kananum er sú, að Rússar kunni að breyta efnavopnum, lygi sem líklega er tilkomin vegna þess að Kaninn hefur verið afar duglegur að hjálpa Úkraínumönnum við að koma upp sýklavopnabirgðum í landinu.

Og svo þessi hótun Kanans í garð Kínverja. Þeir síðarnefndu hafa þó þvertekið fyrir að veita Rússum nokkra aðstoð - og ítreka hlutleysi sitt í þessum átökum (og harma þau).

Það er alltaf að koma betur og betur í ljós hver stendur að baki þessum hörmungum almennings í Úkraínu. Það eru hinir stríðsóðu Kanar, sem skirrast einskis til að ná algjörum heimsyfirráðum. Þeir hafa vopnað og þjálfað úkraínska herinn og beita öllum sínum áhrifum til að koma í veg fyrir að samið verði um frið í landinu.

Þeir vita auðvitað að Úkraína muni tapa þessu stríði og er alveg skítsama um almenning. Aðalatriðið er að valda Rússum eins miklu tjóni og mögulegt er; hernaðarlega, efnahagslega og áróðurslega.

Svo virðist sem Kananum takist þetta alveg ágætlega, því vestrænir fjölmiðlar og pólitíkusar taka mjög virkan þátt í þessu áróðursstríði. Og almenningur lætur blekkjast að venju.

Það nýjasta er að dróni með sprengjum hafi villst af leið og brotlent í Zagreb í Króatíu, sem er NATÓ-land og ekki í hópi þeirra betri. Tylliástæða til að hefja loftárásir á rússneska herinn (samanber Saddam Hussein og lygina um kjarnorkueign Íraka sem notuð var sem átylla til að ráðast inn í landið)?
https://nyheder.tv2.dk/udland/2022-03-14-drone-med-spraengstof-floej-over-tre-nato-lande-inden-den-styrtede-ned-i

 

Vara Kínverja við afleiðingum þess að aðstoða Rússa

"Alþjóðamiðstöð friðargæslu og ör­ygg­is­mála"!!

Eins og flestir vita þá er Lviv vagga ný-nasismans í Úkraínu sem stóðu fyrir byltingunni í landinu snemma árs 2014. Síðan þá hafa áhrif hægri öfgamanna stóraukist innan hersins og einnig í stjórnsýslunni.

Einn þessara hægri öfgamanna er Maxim Kozitsky, sem nefndur er í þessari frétt. Hann er í raun fylkisstjóri héraðsins en ekki bara “svæðisstjóri” og þannig æðsti maður þess.
Hann komst í fréttirnar í byrjun árs í fyrra þegar hann tók þátt í göngu til stuðnings úkraínska nazistanum Bandera sem stóð fyrir fjöldamorðum á gyðingum í seinni heimstyrjöldinni: en.wikipedia.org/wiki/Stepan_Bandera

Í þessari frétt er talað um "æfingarsvæði" úkraínska hersins sem er jú frægari fyrir mannréttindabrot, stríðsrekstur og -glæpi í austurhluta landins en fyrir "friðargæslu".

Herinn fékk nýja yfirmann í fyrra. Um hann segir Wikipedia: 
“One of his first steps in office was to allow the military at the front to open fire in response to the occupiers without the consent of the top leadership and eliminate the need for the military to fill out unnecessary documents.”

Héreftir mega þannig óbreyttir hermenn skjóta á "aðskilnaðarsinna" án þess að skipun komi um það frá yfirmanni. Þeir eru einnig lausir undan því að skrifa skýrslu um slíkt.
Þannig er þeim gefið opið skotleyfi á hinn meinta andstæðing án þess að láta vita af því. Ef þetta er ekki hreint og klárt leyfi til stríðsglæpa, þá veit ég ekki hvað er það.
https://en.wikipedia.org/wiki/Valerii_Zaluzhnyi

 

Gerðu loftárásir á æfingasvæði hersins í Lviv

Spurning hverjir séu stríðsglæpamenn

Fedorov þessi, sem Rússar handtóku í gær, er sakaður um aðild að hryðjuverkum gagnvart aðskilnaðarsinnum í austur-Úkraínu og fyrir að styðja hægri-öfgahreyfinguna Right Sector, sem er einmitt illræmd fyrir stríðsglæpi í austurhluta landsins.

Mannréttindastofnun Sameinuðu þjóðanna lýsir þessari hreyfingu þannig: "Right Sector is one of "potentially violent militias that acted seemingly on their own authority, thanks to a high level of official toleration, and with almost complete impunity, both in the Donbass region and in wider Ukraine" that "use violence or threats of violence to exert pressure on persons holding dissenting views".
Árið 2015 var forystumaður þessarar hreyfingar gerður að talsmanni úkraínska hersins og þegar þess var leitað árið 2019 að upplýst væri nánar um starf hans innan hersins var því neitað. Ekki er vitað betur til en að hann sé enn í þessu hlutverki.

https://en.wikipedia.org/wiki/Right_Sector

Stríðsglæpir stjórnvalda í Úkraínu gegn rússneska minnihlutanum í landinu eru jú þekktir á Vesturlöndum þó svo að nú kjósi menn að loka augunum fyrir þeim.
Leyniþjónusta landsins er sérstaklega illræmd á þessu sviði, já, þessi sem drap samingamann eigin stjórnvalda fyrir það eitt að vera of samvinnuþýður við Rússa. Ekki heyrðist þá múkk frá Zelensky forseta vegna þessa stríðsglæps (á eigin þegni!) né frá alþjóðasamfélaginu.
Glæpasaga þessarar leyniþjónustu er orðin harla löng en hér verður þó aðeins staðnæmst við sögu þeirra eftir 2014.
Starfsmenn þessarar gjörspilltu stofnunar eru um 30.000, sem er sex sinnum fleiri en í bresku leyniþjónustunni.
Innan þeirra er sérstök deild starfandi sem eftir byltinguna 2104 var beitt gegn aðskilnaðar­sinnum í austurhluta landsins. Þá voru miklar hreinsanir gerðar innan leyniþjónustunnar og þær endurmannaðar, aðallega af nýnasistum frá vesturhluta Úkraínu.
2018 gerði leyniþjónustan áhlaup á úkraínsku rétttrúnaðarkirkjuna þar sem hún þótti tengslin við þá rússnesku fullmikil.
Liðsmenn hreyfingarinnar hafa verið sakaðar um margskonar mannréttindabrot á almennum borgurum, svo sem að láta þá hverfa, með kynferðislegri misnotkun og með pyntingum, bæði af Amnesty International og af Human Rights Watch (2016).
Í desember 2017 lýstu fulltrúar Sameinuðu þjóðanna yfir áhyggjum sínum á skerðingu á skoðana­frelsi fólks í Úkraínu. Leyniþjónustan túlki afar frjálslega mjög hörkuleg lög landsins um starfsemi fjölmiðla og blaðamanna, bloggara og áhrifavalda.

https://en.wikipedia.org/wiki/Security_Service_of_Ukraine

Segja handtöku borgarstjórans „stríðsglæp“

Rússar og Ísrael

Það er ekki sama hverjir eiga í stríði, árásarstríði eða ekki. Bandaríkjamenn eru auðvitað gott dæmi um þjóð sem hefur aldrei verið látin gjalda þess á íþróttasviðinu þrátt fyrir allar innrásir þeirra undanfarna áratugi.
Sama gildir um Ísrael og framkomu þeirra gagnvart Palestínumönnum. Engar refsiaðgerðir því ekki má blanda saman íþróttum og pólitík!
En það er auðvitað allt annað með helv. Rússana. 

Fréttir frá Noregi um framkomu öfgafullra Norðmanna gagnvart rússnesku skíðagöngufólki sem komið var til landsins til að keppa þar er annað dæmi. Norsararnir neituðu þeim um þátttöku, þvert á rétt þeirra til að keppa þar og gegn alþjóðaskíðasambandinu til að byrja með, sem lúffaði svo fyrir Norðmönnum. Ráðist var á Rússana með ögrunum og ógnandi framkomu og skemmdarverkum á farartækjum þeirra - allt í nafni kærleikans og hatursins á öllum ofbeldi!:
https://www.nrk.no/sport/russisk-smoretrailer-utsatt-for-haerverk-_-rystet-over-_trusselstorm_-1.15875308

Annað dæmi er frá Úkraínu sjálfri. Þar er einni helstu fótboltahetja landsins hótað að vera útilokaður frá öllum upplýsingum um landsleikjafjölda hans, fjölda marka (hann er markahæsti landsleiksmaður þeirra) og svo framvegis. Og af hverju? Jú fyrir það eitt að hafa ekki gagnrýnt innrás Rússa í land sitt. Ástæða þagnar hans er líklega sú að hann er aðstoðarþjálfari Zenit í St. Pétursborg, besta liðs Rússlands, og ekki alveg tilbúinn til að fórna starfi sínu fyrir ættjarðarástina:
https://www.svt.se/sport/fotboll/kravet-fran-ukrainas-fotbollsforbund-annullera-legendarens-landskamper

Enn eitt dæmið er Eurovision. Þar má ekki blanda saman pólitík og tónlist, þ.e. þegar Ísrael er annars vegar. En vondu Rússarnir eru auðvitað útilokaðir enda allt annað mál með þá.

Einhvern tímann hefði þetta verið kallað hræsni en ekki nú. Nú eru allir svo heiðarlegir og réttlátir - og á móti öllum stríðum.

Helsti styrktaraðili Chelsea hættir stuðningi tímabundið

Það segja fleiri falsfréttir en Rússar

Eins og margoft er búið að benda á þá er ný-nasistahreyfingin AZOV með höfuðbækistöðvar í Mariupol og hafa haldið rússneskumælandi íbúunum í borginni í þrælsótta alveg síðan þeir lögðu hana undir sig í stríðinu 2014. Svo birta fjölmiðjar á Vesturlöndum hverja falsfréttina á fætur annarri frá þessum fasistum en afgreiða hverja einustu frétt Rússa sem áróður og lygi. 

Þá eru fréttirnar af stríðinu eins og búið sé að strengja borgirnar í landinu í rúst - og birtar sem sterkastar myndir til að sýna eyðilegginguna, líklega myndir sem eru meira og minna falsaðar. Merkilegt nokk þá hafa aðeins nokkur hundruð almennir borgarar látist í þessu skelfilegu árásum á íbúðahverfi (tölur sem koma þó frá úkraínskum stjórnvöldum sjálfum)

Þetta beinir huganum að fréttaflutningi frá öðrum stríðum á þessari öld, svo sem árásum Bandaríkjamanna á Írak og víðar. Merkilegt nokk þá hafa aldrei birst neinar myndir í vestrænum fjölmiðlum um eyðilegginguna þar þó svo að tvær hánýtískulegar stórborgir í landinu hafi verið sprengdar í tætlur (og 1,8 milljónir óbreyttra Íraka verið drepnar).

Nei, slíkar myndir máttu auðvitað ekki birtast því það gæti haft áhrif á almenningsálitið. Sbr. litlu stúlkuna sem varð fyrir napalm-sprengju í Víetnam, mynd sem snarbreytti afstöðu fólks á Vesturlöndum til stríðsins þar.
Þetta þurfti að sjálfsögðu að passa að gerðist ekki aftur í árásunum á Írak, Afganistan, Líbýu og Sýrland - og auðvitað víðar. 

Svona til fróðleik þá er Sýrland 13. ríkið sem Bandaríkin hafa ráðist á síðan 1980 (allt til verndar bandarískum "hagsmunum"):
Íran (1980, 1987-1988), Líbya (1981, 1986, 1989, 2011), Líbanon (1983), Kúwait (1991), Írak (1991-2011, 2014-), Sómalía (1992-1993, 2007-), Bosnía (1995), Afghanistan (1998, 2001-), Súdan (1998), Kósovo (1999), Jemen (2000, 2002-), Pakistan (2004-) og að lokum Sýrland (2014-2022). 

Segir barnaspítalann hafa verið herstöð

Sífellt hlutdrægari fréttir frá Úkraínu

Þessi frétt er ein þeirra sem sýnir and-rússneskan áróður í íslenskum fjölmiðlum. Reyndar er svipaður áróður hliðhollur Úkraínu annars staðar á Vesturlöndum, en þó ekki eins einhliða.

Í danska netmiðlinum TV2 er sagt frá sama máli en þar kemur þó fram að rafmagnslínur til kjarnorkuversins hafa skemmst vegna stríðsátakanna og að viðgerðaflokkar komist ekki þangað vegna þeirra.
Þó er ekki talið hundrað í hættunni þó viðgerð dragist eitthvað því engin kjarnorka er lengur framleidd þarna og því lítil hætta á geislun.

https://nyheder.tv2.dk/udland/2022-03-09-risiko-for-oeget-straalingsfare-ved-tjernobyl

Fleiri fréttir undanfarinn sólarhring sýna vel hlutdrægnina svo sem hjá RÚV, sem heldur því statt og stöðugt fram að íbúar Mariupol komist ekki frá borginni vegna strengjuárása Rússa. Hið rétta er að báðir aðilar ásaka hvorn annan um að brjóta vopnahléð, auk þess sem AZOR-fasistarnir sem verja borgina hafa lagt jarðsprengjur í helstu flóttaleiðina.

Þá virðist sem enginn fjölmiðill kæri sig um að upplýsa almenning um að íbúar Mariupol eru að stórum hlutar Rússar og afgangurinn nær allir rússneskumælandi. Samt hafa Vesturlönd og Úkraínustjórn gert það að skilyrði fyrir vopnahléi að íbúarnir flýi í vestur en megi alls ekki fara til Rússlands (sem þó er stysta leiðin).

Einnig hefur ríkisfjölmiðillinn okkar, sem lögum samkvæmt á að gæta hlutleysis, gerst svo grófur að taka viðtal við Hrunverjann og Tortólamanninn Margeir Pétursson sem er enn viðriðinn bankastarfsemi og það í Lviv, sem er spilltasta borgin í Úkraína og höfuðvígi ný-nasistanna í landinu.
Hann er auðvitað "hlutlaus" viðmælandi eins og þeir fleiri sem segja fréttir frá landinu.

Svo til upplýsingar má benda á að Úkraína, þetta stórkostlega land sem allir taka afstöðu með, og margir virðast vilja deyja fyrir, er talið spilltasta land í Evrópu og það þriðja spilltasta í heimi!
Hætt er því við að allir þeir fjármunir sem safnast og það sem Úkraína fær að láni eða gefins frá alþjóðastofnunum, lendi beint í vösum glæpamannanna sem vaða uppi í landinu - með blessun stjórvalda sem eru jafn gjörspillt og þeir, og með jafn stóra vasa.

https://en.wikipedia.org/wiki/Corruption_in_Ukraine

Óttast leka frá Tsjernóbyl

Zelensky og nýnasisminn

Fjömiðlar á Vesturlöndum hafa verið iðnir við það undanfarið að neita því að ný-nasisminn sé grasserandi í Úkraínu og hafi sterk ítök innan stjórnkerfisins. Það séu aðeins falsfréttir og áróður í Rússum. Auk þess er bent á að Zelensky sé gyðingur að hluta og að helsti stuðningsmaður hans Kolomojsky sé hreinræktaður gyðingur!
Samt var þessi sami Kolomojsky ekki aðeins helsti fjármagnari kosningarbaráttu Zelensky, og gerði hann frægan í gegnum sjónvarpsstöð sína, heldur stofnaði hann einnig og fjármagnaði aðal ný-nasistahreyfingar í landinu og kom þeim til áhrif innan hersins og leyniþjónustunnar.

Zelensky þóttist ætla að uppræta spillinguna í landinu og draga úr áhrifum ný-nasista en það hafa aðeins verið orðin tóm. Í stað þess hefur hann lagt mikla áherslu á öfga-þjóðernisstefnu og talað um að sameina alla Úkraínu - og nota til þess alla krafta, sama hversu öfgafullir og miklir gyðingahatarar þeir er!

Dæmi um það er hvernig gyðingamorðingjanum úr seinni heimsstyrjöldinni, Stepan Bandera, er hampað af nýnasistum í dag, sem og af forsetanum (sjá grein Fornleifs hér á blog.is þar um). Í fyrra, 2021, var Bandera þessi sagður mikilvæg persóna í sögu þjóðarinnar, þ.e. hann  var “included ..., among other Ukrainian nationalist figures, into Virtual Necropolis, a project intended to commemorate historical figures important for Ukraine.”
https://en.wikipedia.org/wiki/Stepan_Bandera

Það má auðvitað nefna fjölda annarra dæma sem sýnir að Rússar eru ekkert að ljúga til um mikil áhrif ný-nasista og fjölmörg mannréttindarbrot þeirra á síðustu árum í Úkraínu, mannréttindabrot sem beinast mest að rússnesku fólki í landinu og þeim rússneskumælandi.
Eitt þeirra er leyniþjónusta landsins, sem um daginn drap einn af samningamönnum sjálfrar Úkraínustjórnar fyrir það eitt að vera of sáttfús, og það án þess að eitt gagnrýnisorð heyrðist frá forsetanum þar um!
Liðsmenn leyniþjónustunnar hafa verið sakaðir um margskonar mannréttindabrot á almennum borgurum, svo sem að láta þá hverfa, fyrir kynferðislega misnotkun og pyntingar. Þessar ásakanir koma bæði frá Amnesty International og frá Human Rights Watch.
Þessir glæpamenn hafa samt fengið að starfa óáreittir í landinu að ódæðisverkum sínum allt til þessa.
Lesa má um mannréttindabrotin hér:
https://www.ohchr.org/Documents/Countries/UA/UAReport19th_EN.pdf
https://www.ohchr.org/Documents/Countries/UA/ReportCRSV_EN.pdf
https://www.ohchr.org/Documents/Countries/UA/UAReport20th_EN.pdf

„Ég er ekki í felum“

Er ekki nær að reka Úkraínu?

Það er hlægilegt til þess að vita að þær vestrænu þjóðir sem ötulast hafa stutt árásarstríð Bandaríkjanna í Miðausturlöndum og víðar skuli nú heimta að Rússar séu útilokaðar frá Interpol.

Nær væri að reka Úkraínu úr samtökunum vegna forsetans, Zelenskys og tengsla hans við oligarkann Igor Kolomojsky.
Kolomojsky þessi er þriðji ríkasti maður Úkraínu og sagður sá þriðji valdamesti. Hann hefur verið ákærður fyrir spillingu, þjófnað, morð og ofsóknir á hendur rússneska minnihlutanum í landinu - og verið í útlegð í lengri tíma.
Tengsl hans og Zelenskys byrjuðu snemma eða fyrir 10 árum þegar Kolomojsky styrkti fyrirtæki Zelenskys, sem framleiddi efni fyrir sjónvarp - fé sem Zelensky kom fyrir í einu aflandsfélaginu eins og Pandoraskjölin hafa sýnt. 

Í framhaldinu var sjónvarpsröðin sem fyrirtæki Zelenskys framleiddi, Forseti landsins, sýnd í sjónvarpsstöð Kolomojskys. Hún gerði Zelensky þjóðþekktan á svipstundu - og raunverulegan forseta landsins skömmu síðar!
Kolomojsky fjármagnaði kosningabaráttu Zelensky rétt eins og hann hefur fjármagnað, og stofnað, ný-nasísku hreyfingarnar sem hafa herjað á austur-Úkraínu nú í átta ár og haldið íbúum landsins í járngreipum óttans.

Það merkilega við þessa kröfu Bandaríkjamanna og helstu leppríkja þeirra, er að Kolomojsky þessi hefur lengi verið undir smásjá Interpol og einnig FBI. Í mars í fyrra settu Bandaríkjamenn þennan sama mann í bann vegna stórþjófnaðar hans úr úkraínskum banka og þar með fyrir peningaþvætti.
Sjálfur utanríkisráðherrann, Blinken, skrifaði undir bannið. Talað er að með þessu hafi Kaninn verið að senda Zelensky skilaboð um að hreinsa til heima hjá sér og slíta tengslunum við Kolomojsky en það hefur hann auðvitað ekki gert. Þvert á móti hafa menn, sem hafa sett sig upp á móti áhrifum Kolomojskys, verið reknir úr embætti, nú síðast sjálfur forsætisráðherrann.

https://en.wikipedia.org/wiki/Ihor_Kolomoyskyi

Já, það er skúrkur sem stjórnar Úkraínu þessi misserin en það skiptir engu máli lengur fyrir stjórnvöld (og pressuna) á Vesturlöndum. Ákafinn í að koma Rússum á kné yfirgnæfir alla skynsemi þessa dagana.

Rússum verði vikið úr Interpol

Ekki lýgur Mogginn

Mogginn segir blákalt að ekki hafi tekist að flytja almenna íbúa frá borginni Mariupol "vegna brota Rússa". 

Þetta hefur hann greinilega eftir "talsmanni" úkraínska innanríkisráðuneytisins, últra-hægri fasistanum Anton Geraschenko, sem svo smekklega fagnaði um daginn morðinu á borgarstjóra einum í landinu - vegna þess að hann væri "svikari". 

Stríðsglæpamenn eins og þessi náungi virðast eiga greiða leið að vestrænu pressunni því raddir manna eins og hans nýtast svo vel í áróðrinum gegn Rússum. M.a.s. blað eins og The Guardian tekur þátt í þessum farsa.

Já, fasisminn hefur löngum átt upp á pallborðið á Vesturlöndum enda streyma nú fastistar og nasistar þaðan á vígvöllinn til að berjast með lags- og skoðanabræðrum sínum í Úkraínu - og vestrænan pressan fagnar því ákaft.

https://w.ruv.is/frett/2022/03/06/aftur-brugdust-brottflutningar-fra-mariupol

Kennir Kænugarði um misheppnaðan brottflutning

Spurning um siðareglur Háskóla Íslands

Baldur Þórhallsson er ekki hver sem er innan háskólasamfélagsins, heldur prófessor í stjórnmálafræði. Sem slíkur ber honum að fjalla um (há)pólitísk málefni af varfærni og fullyrða ekkert sem hann getur ekki rökstutt með góðu móti.

Í siðareglum HÍ segir m.a.: 

1.1. Við öflum og miðlum þekkingu af hlutlægni og sanngirni og leggjum áherslu á fagleg vinnubrögð, gagnrýna hugsun og málefnalegan rökstuðning.

1.2. Við gætum þess að upplýsingar sem við veitum séu eins réttar og nákvæmar og kostur er. Við fullyrðum ekki meira en vitneskja okkar gefur tilefni til hverju sinni, heldur viðurkennum hvenær þekking okkar er takmörkuð ...

Ég fæ ekki betur séð en að prófessorinn brjóti báðar þessar greinar og tjáir sig af greinilegri hlutdrægni - og í flokkspólitískum tilgangi. Hann fullyrðir um hluti sem hann veit ekkert um heldur er með eintómar ágiskanir - og það gegn almennri, skynsamlegri hugsun.
Ef til stríðs kemur liggur beinast við að ætla að það verði kjarnorkustríð. Þá hefur viðvera herliðs hér á landi ekki fælingarmátt heldur þvert á móti, virkar sem segull.
Það er væntanlega það sem forsætisráðherra okkar átti við þegar hún heimsótti framkvæmdastjóra NATÓ á dögunum: Ísland sem herlaust land. 

Siðanefnd HÍ sagði af sér fyrir nokkru vegna mun veigaminna máls. Hvað gerir hún nú? 

Föst viðvera herliðs á Íslandi hafi fælingarmátt