Stóðu Rússar "ekki við stóru orðin"?

Fréttaflutningurinn af stríðinu í Úkraínu verður sífellt hlutdrægnari - og árásargjarnari - í garð Rússa. Ekkert er t.d. nefnt í þessari frétt að Rússar haldi því fram að hægri-öfgamennirnir, sem hafa haldið Mariupol í gíslingu síðan 2014, komi í veg fyrir að almennir borgarar geti komist í burtu.

Svona til að benda á hve þessi and-rússneski áróður er hlægilegur þá er yfir 40% íbúa borgarinnar rússneskur og 90% þeirra rússneskumælandi. Þá unnu aðskilnaðarsinnar meirihluta í borginni í kosningunum 2014. Í kjölfarið réðist Úkraínuher inn í borgina með ný-nasistahreyfinguna AZOV í fararbroddi og stöðvuðu atkvæðagreiðslu sem þá stóð yfir um sjálfstæði borgarinnar, saman með öðrum héruðum og borgum í Donbass. Síðan hefur verið barist um borgina og við hana allt til þessa. AZOV-hreyfing þessi hefur gert borgina að höfuðstöðvum sínum og mun líklega verja hana þangað til ekki stendur steinn yfir steini í henni.

Það að Rússar hugsi ekki um öryggi sinna eigin landsmanna er auðvitað hlægilegt. Hitt er jafn augljóst að ný-nasistarnir, sem hernema borgina, líta á íbúana sem svikara - og þá væntanlega réttdræpa eins og aftökur þeirra undanfarna daga á embættismönnum í Úkraínu sanna, sem þeir gruna um að séu hliðhollir Rússum. Allavega er þeim alveg sama um öryggi íbúanna, þetta eru jú meira og minna allt Rússar.

Hér má lesa um AZOV-nýnasistana og það í miðli sem yfirleitt er hliðhollur Vesturlöndum og tekur virkan þátt í áróðrinum gegn Rússum, þ.e. Wikipedia:

https://en.wikipedia.org/wiki/Azov_Battalion

 

Aftur samið um vopnahlé í Maríupol

Fasistarnir að koma úr felum

Þetta er annað morðið á tveimur dögum á mönnum sem hugnast ekki úkraínskum stjórnvöldum eða fasískum öflum sem hafa fengið að starfa óáreitt í landinu allt frá febrúarbyltingunni 2014 (og eflaust lengur).
Hingað til hafa ásakanir Rússa á hendur úkraínskum stjórnvöldum um fasisma og morð á fólki sem vill draga úr spennu í landinu, ekki síst á rússneskum íbúum og rússneskumælandi fólki, verið afgreiddar sem falsfréttir og innantómar átyllur til að ráðast inn í landið.

En þessar ásakanir, sem hafa verið studdar af fjöldamörgum öðrum og það stofnunum og mannréttindasamtökum bæði í Úkraínu og á Vesturlöndum, eru komnar til löngu fyrir innrás rússneskra hersveita inn í landið.

Arsen Avakov, innanríkisráðherra Úkraínu á árunum 2014 til 2021, þ.e. þangað til í fyrra, er talinn vera helsti hvatamaðurinn að því að ný-nasistar og ný-fasistar hafa náð lykilstöðu innan úkraínska hersins. Syndaregistur hans er ærið langt og undarlegt hversu lengi hann fékk að sitja í embætti í ljósi ákæra á hendur honum fyrir spillingu, morð o.fl.
Hann var t.d. um tíma eftirlýstur af Interpol og sat um skeið í stofufangelsi á Ítalíu en þangað hafði hann flúið til að forðast handtöku í heimalandi sínu. En 2014 var hann kosinn á þing og þess vegna sleppt úr haldi, og svo gerður að ráðherra yfir her og lögreglu landsins!! 
Síðan kom hann sínum mönnum, últra-hægra liðinu, fyrir í lykilstöðum í "öryggis"málum þjóðarinnar.
Enn hefur ekki komið nein ein skýring á því af hverju hann sagði af sér í fyrra, en líklega vegna þrýstings utanlands frá.
En þó hann sé horfinn úr embætti sitja morðóðir vinir hans sem fastast, þar á meðal í öryggissveitum landsins, og halda uppi ógnarstjórn í landinu:

https://en.wikipedia.org/wiki/Arsen_Avakov

Þetta er eflaust helsta ástæða þess að ESB og NATÓ hafa haldið að sér höndum í þessu stríði og ekki stutt Úkraínumenn með beinum hætti, þ.e. vegna hræðslu við nýnasismann í landinu.

 

Úkraínskur samningamaður hafi verið drepinn

Einhliða áróður

Áróðurinn gegn Rússum vegna innrásar þeirra í Úkraínu tröllríður öllum fjölmiðlum á Vesturlöndum. Leitun er að hlutlausum fréttum af stríðinu, hvað þá að útskýra eða reyna að skilja hlið Rússanna. Ásakanir um stríðsglæpi þeirra eru mjög háværar en ekkert fjallað um framferði Úkraínuhers þó svo að vitað sé að þeir eru ekki barnanna bestir. 

Samt kom ein frétt rétt í þessu sem segir frá því hvernig þeir haga sér. Borgarstjóri í borg í austurhluta landsins, í öðru sjálfstjórnarhéraðinu, var myrtur af einhverjum leigumorðingum - og fulltrúi stjórnvalda í Kiev fagnaði því mjög, talaði um hinn myrta sem "svikara". Þetta er sem sé afstaða úkraínskra stjórnvalda til rússnesk-mælandi meirihlutans í aðskilnaðarhéruðunum: réttdræpir svikarar.
Ef það er ekki stríðsglæpur, veit ég ekki hvað.

Svo bregður við að ekkert heyrist af þessu í vestrænum fjölmiðlum og í hinni pro-vestrænu Wikipediu er fjallað um þetta sem eðlilegasta hlut:
"Volodymyr Oleksiiovych Struk was a Ukrainian politician. In March 2022 he was the subject of media coverage internationally due to his death." 
https://en.wikipedia.org/wiki/Volodymyr_Struk

Svo um viðbrögð fulltrúa stjórnvalda í Kiev: "In response Anton Gerashchenko, an adviser to the Ukrainian Ministry of Internal Affairs, wrote in a post on Telegram: "There is one less traitor in Ukraine. The mayor of Kremenna in Luhansk region, former deputy of Luhansk parliament was found killed"."

 

Aftökur á almannafæri sagðar mögulegar

Og hvergi mokað!

Það er sama hvert maður kemur í þessa höfuðborg okkar, þar er hvergi mokað! Svo eru ábyrgðaraðilar hjá borginni hreinlega að ljúga því að allar vélar séu úti að ryðja götur, bílastæði og gangstéttar. Málið er nefnilega það að maður sér hvergi þessar vélar að störfum! Þó er hláka þessa dagana og tilvalið að grynnka nú á snjó og klaka áður en frystir aftur.

Enda hafa starfsmenn borgarinnar sem vinna við þetta, kvartað yfir því að svið þeirra sé í fjársvelti. Hins vegar sé verktökum borgað svimandi upphæðir til að sjá um þessa hluti.
Þeir slá auðvitað slöku við til að græða sem mest á dílnum við borgina - og borgaryfirvöld eru söm við sig, ekkert eftirlit, engir skilmálar, engar sektir ef menn standa ekki við gerða samninga osfrv.
Og svo þegar svona vetur koma, eins og þessi, tímir hún ekki að borga verktökunum meira, því peningar hennar fara allir í yfirbyggingarhítina - og í að liðka fyrir lóðabröskurunum.

Sama gildir auðvitað um sorphirðuna. Þar er allt í lamasessi, sérstaklega hvað varð hirðingu á pappír og plasti. Hin umhverfisvæna stefna borgarinnar er ekki aðeins orðin tóm, hún er hrein og klár lygi.

 

Aldrei upplifað eins mörg mál yfir veturinn

Friður á jörð!

Var að sjá þetta á vef skákmanna, innlegg sem kom til vegna tilrauna til að útiloka rússneska skákmenn frá keppni í undanrásum heimsmeistaramótsins í skák:

Peace on earth

Is it so black and white? How many know that Ukraine has been bombing its eastern Russian-speaking provinces (Donbass) for 8 years and has violated the Minsk Accords for 7 years? Those accords were promises to promote cultural and financial exchanges between Ukraine and Donbass and to assure the Russian-speaking citizens more autonomy.
When Zelensky came to power in 2019, he also refused to honor the Minsk Accords that Ukraine, Germany, France, and Russia signed. Only Russia objected to the conditions in Donbass, from which 2 million have fled during this period.
Schools were bombed in Donbass last week, a bus stop, civilians driving [...] with loss of life [...].
The international community, particularly Germany, France, and the US, have been wrong to ignore [Russia] for many years and to refuse talks with Putin.
The Kiev government outlawed the Russian language in its Russian-speaking provinces and shut down the media, yet we are to believe Zelensky is a hero of democracy?
I am neutral. I am not an expert, but Ukraine and energy and the EU and NATO have been sources of tension for decades, left unresolved.
What precisely does the UN do, anyway? There has been no effective diplomacy.
It is the common people who suffer for the incompetence and misdeeds of the few in charge.
Biden himself has had his hand in Ukraines cookie jar, and little from his administration can be believed at face value. Media coverage and political rhetoric have been one-sided. US media parrot and amplify whatever he says. That is leading to escalation, which is a catastrophe for all humanity.
We need a ceasefire and peace talks, not the drawing of battle lines. I am for everyones rights, peace, and prosperity. Lets not be so enraged at one side that we destroy all sides. Peace can be found, if people of goodwill look carefully. [...]
From a distant observer, a nobody. 

 

 

Selenskí fékk gervihnattasíma frá Bandaríkjunum

Úkraína og Mið-Austurlönd

Rússar hafa alltaf notað kjarnorkuna sem fælingarvopn svo skrif um að þeir hóti kjarnorkustríði og að kjarnorkuver séu í hættu vegna þeirra, eins og segir í þessari frétt, er nú bara hræsni í fjölmiðlunum - og pólitíkusunum - og eflaust stórlega ýkt ef ekki hrein og klár lygi.
Sama má segja um Norður-Kóreu (og eflaust um Kína einnig).
Það væri löngu búið að ráðast inní þessi lönd ef þeir hefðu ekki kjarnorkuvopn.

Og hvernig var með innrásina í Írak - var lygin um kjarnorkuvopn þeirra ekki notuð sem tylliástæða fyrir innrásinni?

Talandi um Írak þá hafa fjölmiðlar í Mið-Austurlöndum bent á rasískan og niðurlægjandi fréttaflutning af stríðinu í Úkraínu og samanburð við innrásir Vesturlanda í löndin í Austurlöndum nær:

https://nyheder.tv2.dk/udland/2022-02-28-journalistforbund-klager-over-fordomsfuld-og-racistisk-daekning-af-ukraine

Það er verið að normalísera átök í öðrum heimshlutum (eins og í Afganistan og Írak) en gera sem mest úr átökum við “síviliseraða” bæi eins og í Úkraínu. Úkraínufólk á flótta lítur ekki út eins og “flóttamenn" frá Miðausturlöndum (heldur millistéttarfólk eins og við hin, Vesturlandabúarnir!).

Svo auðvitað þetta með útilokun íþróttafólks frá Rússlandi (og Hvíta-Rússlandi) frá keppni. Var einhvern tímann til umræðu að útiloka Bandaríkjamenn frá keppi eftir innrásina í Írak? Eða Ísraelsmenn fyrir innlimun landssvæða í Palestínu og Líbanon, eða Apartheit-stefnu þeirra gagnvart Palestínumönnum?

Hafa áhyggjur af stærsta kjarnorkuveri Úkraínu

Sannleikurinn fyrsta fórnarlambið ... að venju

Enn sannast hið fornkveðna að sannleikurinn sé fyrsta fórnarlambið í stríði. Áróðurinn dynur yfir mann frá "fórnarlambinu" og sakleysingjunum í Úkraínu - og vestræn pressa og pólitíkusar taka undir það af miklum móð - ekki síst ameríkanarnir.

Það er ekki langt síðan að birtist mynd af sex ára bandarískri stelpu haldandi á skilti með klámyrðinu "Russia go f[..]k yourself".
Þetta vegna fullyrðingar lýðskrumarans og trúðsins Zelenskis, forseta Úkraínu, um að Rússar hefðu drepið alla varðmenn á eyju í Svartahafi eftir að þeir síðarnefndu neituðu að gefast upp.
Svo kom auðvitað í ljós - og það fyrir nokkrum dögum - að þetta væri eintóm lygi. Varðmennirnir væru allir á lífi og fangar Rússa í héraðshöfuðborginni á Krímskaga. 

Fleiri lygar berast daglega, svo sem í gær að Hvít-Rússar hefðu ráðist inn í Úkraínu, en í dag er sagt að þeir gætu ráðist þangað inn (á næstunni)!

Svo auðvitað orð Zelenskis um að það komi ekki til greina að fara á fund Rússa í Hvíta-Rússlandi en núna berast fréttir af slíkum fundi einmitt þar í landi!

Vonandi tekur fólk öllum þessum æsifréttum með fyrirvara og láti ekki fjölmiðlana og pólitíkusana plata sig út í hið óendanlega.

Hermennirnir á Snákaeyju lifðu af

Lygarnar um Úkraínustríðið

Það er ótrúlegt að lesa pressuna hér heima, sem og víðast hvar annarsstaðar, og stuðninginn við hina gjörspilltu stjórn Úkraínu. Enda kannski ekki nema von. ESB og NATÓ hafa verið að dæla vopnum og fjármagni til þeirra og hvetja þá ákaft til að ráðast inn í sjálfstjórnarhéruðin í austurhluta landsins.

Loks þegar Rússar höfðu manndóm í sér til að leggja þessum héruðum lið þá varð auðvitað allt vitlaust. Það er eins og þetta sé eina dæmið um stríð eða "brot" á alþjóðareglum og Rússarnir málaðir með dekkstu litum.

Ef ég man rétt þá hafa Bandaríkjamenn með stuðningi hinna evrópsku Natóríkja ráðist inn í fjölda landa á þessari öld: Afganistan, Írak, Lýbíu, Sýrland - og allt voru þetta skýlaus brot á alþjóðalögum án þess að það heyrist múkk í alþjóðasamfélaginu eða vestrænu pressunni!

Fyrst hélt maður að Rússarnir létu sér nægja að hjálpa aðskilnaðarsinnum að ná aftur öllu Dunbas-héraði eftir að Úkraínuher lagði það undir sig í janúar 2014. Sem dæmi má nefna borgina Mariupol þar sem 90% íbúa eru rússneskumælandi en úkraínski herinn lagði borgina undir sig meðan á lýðræðislegri atkvæðagreiðslu stóð um hvort lýsa skyldi héraðið sjálfstætt eða ekki!
Þar er nú úkraínsk nasistahreyfing með höfuðstöðvar og komst í fréttirnar nú fyrir skömmu fyrir að þjálfa 79 ára gamla konu í vopnaburði! Þetta lið, sem kennir sig við Azov, marserar í gamalkunnum fasistastíl um götur borga í austurhluta landsins, borga sem eru á valdi Úkraínustjórnar en þar sem meirihluti íbúa eru rússneskumælandi - svona til að minna þá á að halda sig á mottunni.
Eftir innrásina í borgina árið 2014 birtist þessi frétt í The Guardian (sem þá stóð enn í lappirnar):

https://www.theguardian.com/world/2014/may/10/donetsk-referendum-ukraine-civil-war

Síðan kemur í ljós að Rússar ætla að hrekja ríkisstjórnina frá völdum, vafalaust vegna yfirlýsingar hennar árið 2017 (þrátt fyrir Minsk-samkomulagið 2015) um að leggja austurhéruðin aftur undir Úkraínu og það auðvitað með vopnavaldi.
Rússar líta sennilega svo á að það verði ekki friður í landinu fyrr en þessari NATÓ- og ESB-vinveittu stjórn verði bolað frá völdum - og er það eflaust rétt hjá þeim.

En vestrænu þjóðirnar, með Kanann að venju í fararbroddi, hafa engan áhuga á friði á þessum slóðum. Þær ætla að koma Rússum á kné hvað sem tautar og raular - og er alveg skítsama um afleiðingarnar. Hvað er t.d. eitt kjarnorkustríð á milli vina?: Heimsyfirráð eða dauði!
 

Ná fyrstu mikilvægu borginni á sitt vald

Sannleikurinn fyrsta fórnarlambið

Í stríði, eða eigum við að segja í aðdraganda þess, er sannleikurinn fyrsta fórnarlambið.
Við höfum orðið vitni að því í pressunni, bæði hér heima og annars staðar á Vesturlöndum, að hlutunum er snúið á hvolf án þess að fjölmiðlafólkið depli auga.

Innrás Úkraínuhers í austurhluta landsins, héraða aðskilnaðarsinna, hefur lengi staðið til með áköfum stuðningi hins "frjálsa" heims, ekki síst hinna stríðs- og morðóðu Bandaríkjamanna sem hafa fleiri árásarstríð á samviskunni en allar aðrar þjóðir í heiminum (og drepa hverjir aðra í meira mæli en þekkist meðal annarra þjóða).

Rússar hafa hins vegar beitt fælingarstefnu í Úkraínudeilunni, stillt upp herliði við landamæri sjálfstjórnarhéraðanna og á Krímskaga með þessum skilaboðum: Ef þið gerið innrás þá verjum við aðskilnaðarsinnana.

Í vestrænu pressunni er þetta látið heita "yfirvofandi innrás Rússa inn í Úkraínu"!

Blóðhundurinn Biden hefur sýnt sig vera þúsundsinnum meiri stríðsæsingamaður en Trump forveri hans, en sá lét þó harla digurbarkalega á stundum. Og kratar allra landa taka glaðir undir og vilja enn halda í austurveg til að berja á rússneska birninum.

Danir, og kratastjórnin þar, eru t.d. meira en lítið stríðsóðir þessa dagana og senda herlið til fyrrum lýðvelda Sovétríkjanna. Það minnir talsvert á seinni heimsstyrjöldina þegar 65.000 Danir börðust með nasistum á austurvígstöðvunum (og svipaður fjöldi Norðmanna).

Hinar lýðræðiselskandi þjóðir eru svo ekki meiri lýðræðiselskendur en það að þeir hunsa vilja íbúanna í austurhluta Úkraínu til sjálfstæðis, sem og íbúa á Krímskaganum.

Þær fóru hins vegar öðruvísi að þegar gömlu Júgóslafíu var skipt upp. Þar voru þær með stífa undirróðursstarfsemi, vopna- og peningasendingar til aðskilnaðarsinna svo úr urðu lönd eins og Kósóvó, Svartfjallaland og Norður-Makedónía sem aldrei höfðu verið sjálfstæð áður. Allt til að klekkja á Serbum (og Rússum auðvitað óbeint) sem Evrópusambandsríkjunum í vestri fannst vera of sterkir fyrir þeirra smekk.

Þá spiluðu fjölmiðlar (og kratar) með og enn gerist það sama. Það er nefnilega svo gaman að skrifa um stríð - bara að maður lendi ekki í því sjálfur. Og kratar hafa jú alltaf hatað Rússa, þeir síðarnefndu voru jú eitt sinn kommúnistar. Þar liggur hatrið.

 

Aðskilnaðarsinnar senda út herkvaðningu

Það er heilbrigðisráðherrann sem ræður!

Enn eykst á smit í samfélaginu. Metfjöldi smita annan daginn í röð og nálgast nú 3000 á dag! Veiran er sem sé grasserandi í samfélaginu (53% sýna jákvæð!) og fréttir eru af alvarlegum veikindum, jafnvel hjá áður fullfrísku fólki.

Samt er enn talað um afléttingar og jafnvel um að hjarðónæmi náist bráðum!!

Norðmenn segja hins vegar blákalt að hjarðónæmi muni aldrei nást.

https://www.nrk.no/norge/nakstad-om-viruset_-_-vi-blir-ikke-immune-mot-omikron-1.15827638

Og Svíar fullyrða að fólk eigi eftir að smitast allt að þrisvar á ári rétt eins og af kvefi. Þá kemur fram hjá þeim að 11% þjóðarinnar hafi smitast aftur þrátt fyrir að vera fullbólusett.

Í ljósi þessarar háalvarlegu stöðu er nær að skerpa á stóttvarnarreglunum í stað þess að létta á þeim, hvað þá að aflétta þeim alveg.
En meðan Framsóknarráðherrann ræður og pólitíkusarnir og ferðamannabransinn stjórna ferðinni, fer þetta alltsaman til fjandans.
Og ekki stendur Þórólfur í lappirnar þessa daganna eins og hann þó gerði áður. 

Ekki hægt að tala um hjarðónæmi strax