Allt að 20 stigum?

Fjölmiðlar hér á landi eru undarlega illa upplýstir, eða upplýsandi, um veðrið ef miðað er t.d. við Norðmenn.
Reyndin er sú að það var næturfrost á a.m.k. fimm stöðum í byggð í nótt, 3. júlí, og víða alveg við frostmark á Norður- og Austurlandi.
Á heiðum og fjallvegum var víða frost og eflaust hefur snjóað einhvers staðar. Á Brú í Jökuldal var t.d. úrkoma í -1,3 stiga frosti.

Sama kuldi var víða vestanfjalls í Noregi í nótt. Munurinn hér og þar er hins vegar sá að þar er fjallað um slíkt en ekki hér. Á nrk.no hafa birst myndir nú í morgun af snjókomu á heiðum og varað við hálku.

Hvers vegna þá þessi þögn hér? Fyrir það fyrsta eru fréttir af landsbyggðinni mjög af skornum skammti í fjölmiðlum. Í öðru lagi virðist Veðurstofan vera svo óforskömmuð í áróðri sínum fyrir hnattrænni hlýnun að hún nefni helst ekki kulda heldur aðeins hitann. Svo er það auðvitað lenska hér að fjalla bara um það "jákvæða".

Við skulum bara vona að þetta upplýsingarleysi til almennings valdi ekki neinum slysum á vegum úti.

https://www.nrk.no/vestland/sno-pa-fjellovergangane_-_-bor-vurdere-vinterdekk-1.15077852

Allt að 20 stiga hiti fyrir norðan

... og Kolbeinn Óttarsson Proppé

Vinstri grænir launa auðvitað íhaldinu greiðann sem þeir fengu með hlýju ráðherrastólunum. Æ sér gjöf til gjalda ... 

Frekari könnun á hæfi Kristjáns Þórs tilgangslaus

Aronskan gengur aftur

Aronskan gekk út á það að bandarísk stjórnvöld skyldu greiða sem næmi öllum skuldum ríkissjóðs fyrir afnot af íslensku landi og borga fasta árlega leigu sem renna skyldi til samgöngumála og sjúkrahússbygginga. Falleg hugsun það!
Aronskan hlaut nokkurn hljómsgrunn hjá drjúgum hópi fólks en vakti geysihörð viðbrögð hjá andstæðinga hersetunnar sem töldu tillögurnar siðlausar. Andstæðingar hersins vildu ekki að efnahagsleg áhrif hans ykjust.
Þessi rök má augljóslega nota enn. Ásókn Kanans - og tilboð - felur auðvitað í sér að Ísland verður háðari þessari aggressíu þjóð, enda sér gjöf ávallt til gjalda.

Fleiri dæmi um ásælni Bandaríkjanna annars staðar en hér eru flestum kunn og er nærtækasta dæmi Grænland. Það hefur vakið mikla reiði Dana sem telja að þar með er Kaninn að reyna að taka Grænland yfir til þess að koma að auðlindum landsins.

Gott hjá VG að standa í lappirnar í þessu máli. Við þurfum auðvitað enga herskipahöfn hér á landi, né að vera hluti af hernaðaruppbyggingu Kanans á Norðurslóðum.

„Dapurlegt“ að samstarfsflokkur leggi svona fram

Af hverju ekki strax?

Það er auðvitað stórfurðulegt að stjórnvöld hafi ekki sett þetta í lög strax - og eru nú að reyna að snúa sér út úr því.
ASÍ hefur ítrekað kallað eftir því að stjórnvöld setji skýr skilyrði við opinberum stuðningi til fyrirtækja en slíkar kröfur voru í samræmi við ráðleggingar Alþjóðavinnumálstofnunarinnar, Alþjóðagjaldeyrissjóðsins og OECD.

Af hverju var ekki farið eftir þessum ráðleggingum strax þegar þessi lög voru sett því ráðleggingar þessara alþjóðastofnana lágu þá þegar fyrir?
Meira að segja Bláa lónið, sem greiddi eigendunum 4 milljarða króna arð í fyrra, fengu að ganga inn í hlutabótaleiðina án nokkurra skilyrða.

En hvernig læt ég? Auðvitað treystum við fólki, ekki síst stjórnendum stórfyrirtækja, því fólk er svo heiðarlegt og gott - einkum ríka liðið.

„Mér finnst það óviðunandi“

Vægari en venjuleg flensa?

Þessi kórónuveira er greinilega ekkert skæðari en venjuleg flensa. Enda segja Danir og Norðmenn ekki að fólk hafi dáið úr veirunni heldur að þeir látnu hafi verið með hana.

Hér og víðast annarsstaðar eru fjölmiðlar hins vegar meðvirkir stjórnvöldum og tönnlast á því að fólk deyi úr veirunni. Þá er alveg hætt að tala um að hinir látnu hafi verið með undirliggjandi sjúkdóma. Allt til að þóknast yfirvöldunum.

Bæði í Noregi og Danmörk eru til tölur yfir það hve margir, sem deyja ár hvert, voru með flensu. Það eru miklu fleiri en þeir látnu sem voru með veiruna. Hér virðast ekki vera til neinar tölur yfir þetta en þessar eru þó betri en ekkert.

Þá skal tekið fram að bæði hér á landi og á hinum Norðurlöndunum eru innlagnir á sjúkrahús miklu færri en hefur verið undanfarin ár.
Heilbrigðisyfirvöld hafa af þessu miklar áhyggjur og telja að það sýni að fárveikt fólk vilji ekki ónáða önnum hlaðna heilbrigðisstarfsmenn og liggi því frekar heima fársjúkt. Hrósandi hjúkrunarfólki þá skal þess einnig getið að það hefur sjaldan haft eins lítið að gera í vinnunni og í þessu veirufári!

Færri dóu í ár en undanfarin tvö ár

Hlýðum ekki Víði!

Þetta "almannavarna-" og sóttvarna- og landlæknalið er að verða algjör farsi. Smit eru næstum orðin engin og það fyrir meira en hálfum mánuði. 
Þegar 6. apríl voru smitin komin niður undir 10 og enn lægri frá 10. apríl.
Samt var mikil skimun á þessu tímabili svo ekki er hægt að bera því við þegar reynt er að rökstyðja það að tveggja metra reglan gildi út í hið endanlefga, hvað þá að krár verði lokaðar amk fram í júní eins og stjórnvöld hafa ákveðið, osfrv.
Mér sýnist að þetta mottó hjá þríeykinu og stjórnvöldum, allur er varinn góður, sé eins afkáranlegt og hjá nunnunni sem setti smokk á kertið...

Enda er svo komið að venjulegt fólk eins og þú og ég er farið að gera grín að þessu og lætur þessa tveggja metra reglu sér lítið skipta. Er ekki mál til komið að þessari valdníðslu og heimsku linni? 

Metrarnir tveir komnir til að vera

Hrossalækningar!

Enn segja allar tölur að veiran réni mjög hratt og smit orðin mjög fá. Þau hafa ekki verið færri í næstum einn og hálfan mánuð!!

Samt er enn langt í land að hérlend stjórnvöld byrji að aflétta hömlur á almenning eða hálfur mánuður.

Hins vegar eru aðeins tveir dagar í að Danir byrja að létta á hörkunni. Þegar á mánudag leyfa þeir starfsemi hárskera, sjúkraþjálfara, tannlækna, augnlækna, sálfræðinga, ökukennslu o.fl. Dómstólarnir fara svo aftur af stað þann 27.

Þetta gera Danir þrátt fyrir að dánartilfellum þar hafa aukist undanfarna daga ef eitthvað er. 28 manns sem voru með veiruna létust þann 15. apríl (en ekki endilega úr henni eins og Danir (og einnig Norðmenn) leggja mikla áherslu á að greina þar á milli). Það var þá flest dauðsföll í langan tíma.
Þá hafa hlutfallslega miklu færri náð sér af smitinu í Danmörku en hér á landi. 

Samt halda menn hér stíft í að viðhalda samkomubanni, banni á starfsemi smárra þjónustufyrirtækja o.fl. - um leið og þeir tala um að aðgerðirnar hér séu miklu mildari en annars staðar (nema í Svíþjóð auðvitað).

Á Norðurlöndunum er farið að kalla aðgerðir stjórnvalda hrossalækningar (heste-kur á norsku). Það þýðir að lækningaaðferðin gerir meiri skaða en sjálfur sjúkdómurinn. 
Það á svo sannarlega einnig við hér á landi ef svo heldur fram sem horfir ...

 

Sex ný smit – ekki færri frá 8. mars

Villandi upplýsingar!

Þessi fullyrðing um aukningu kynsjúkdóma er vægast sagt villandi. Það á aðeins við um sýfilis (sárasótt) og lekanda, eins og sést á línuritunum, en þau eru aðeins lítill hluti sýkinga.

Klamydían sem er lang algengust kynsjúkdóma hér á landi hefur dregist saman (amk ef miðað er við árið 2016).
Enda ekkert skrítið í ljósi þess að skemmtistöðum er lokað og því mun minna um "ríða, búið, bless" en áður hjá blessuðum landanum, sem er jú svo gasalega frjálslyndur í kynferðismálunum, sbr texta eins aðal stóðhestsins: "Vertu þú sjálfur, gerðu það sem þú vilt".

Kynsjúkdómatilfellum fjölgar

Kæruleysi eða óþarfa harka?

Víðir Reynis óttast kæruleysi í kjölfar boðaðra léttingar á samkomubanni o.fl. Það má hins vegar allt eins spyrja sig hvort þessar léttingar ættu ekki að koma fyrr og gangi ekki nógu langt. Ljóst er a.m.k. að pressan á stjórnvöld um að aflétta kvöðum vegna veirunnar mun stóraukast á næstunni. Enda er mikið í húfi. Það stefnir í efnahagslegt hrun í annað sinn á rúmlega 10 árum. Í fyrra skiptið voru viðbrögð stjórnvalda alltof sein og alltaf lítil en nú alltof harkaleg. Það er allt annaðhvort of eða van á þessu blessaða skeri.  

Allar tölur segja okkur nefnilega að veiran rénar mjög hratt og smit orðin mjög fá. 
Frá því 1. apríl hefur smitum snarfækkað, úr 99 þá, í 24 þann 7. apríl. Um páskana voru reyndar tekin fá sýni en síðustu þrjá dagana var aftur tekinn talsverður fjöldi sýna og enn er smitunin á niðurleið (9, 7 og 12 ný smit).

Sama má segja um það hve margir eru í sóttkví og hvað margir hafa náð sér af veirusmitinu.
Fjöldi þeirra sem eru í sóttkví hefur snarlækkað, frá því um 9.000(!) 23. mars niður í 1.800 manns þann 15. apríl.
Nú hafa 1144 manns náð bata af þeim 1739 sem hafa smitast. 1800 manns eru í sótt­kví, eins og áður sagði, en 16.726 hafa lokið henni!

Dánartíðnin er einnig mjög lág eða aðeins átta manns. Reyndar er ekki vitað hvort þeir hafi látist úr veirunni eða af einhverjum öðrum undirliggjandi sjúkdómum.
Danir eru hins vegar mjög meðvitaðir um að greina þarna á milli. Þeir tala um "coronarelaterade" dauðsföll en íslenskir fjölmiðlar halda því enn statt og stöðugt fram að dauðsföll í heiminum, sem og hér á landi, séu vegna veirunnar (látist úr covid 19).

Það er kominn tími til að almenningur (og fjölmiðlar) fari að láta í sér heyra vegna þeirra mannréttindabrota sem fólk verður fyrir af hálfu stjórnvalda vegna þessarar pestar, en hún er miklu vægari en gert var ráð fyrir í upphafi.

Óttast bakslag

Er það einfaldlega ekki niðurgangur?

Svíarnir eru ekki feimnir við að nefna þetta. Þar í landi er magaprestin (vinterkräksjukan eða á fagmáli calicivírus) hætt að breiðast út sem yfirleitt gerist ekki fyrr en í maí. 

Þeir þakka það auknu hreinlæti. Það á eflaust einnig við hér á landi.

Í Danmörku hefur mjög dregið úr dauðsföllum vegna inflúensu sem þeir þakka sömuleiðis auknu hreinlæti í kjölfar kórónuveirunnar. 

Hvaða „öðrum sýkingum“ er að fækka?