Örfá hverfi?

"eins og spár gerðu ráð fyrir"? Gilti ekki rauð viðvörun í nótt á öllu höfuðborgarsvæðinu en vindur náði varla stormstyrk nema á örfáum stöðvum?!
Veðurstofan hefði mátt spara sér rauða litinn því hvergi var ofsaveður, hvað þá fárviðri, ekki einu sinni á Kjalarnesi! Og hvað varð um blindbylinn sem spáð var?

Dæmi um þær stöðvar þar sem ekki var stormur: Reykjavík (Veðurstofutúni), Garðabær (Urriðaholt), Straumsvík og Víðidal.
Við Korpu stóð stormurinn aðeins í tvo tíma (mest 22 m/s) og sömuleiðis á Reykjavíkurflugvelli (mest 20 m/s). 

Þetta var nú allt óveðrið á höfuðborgarsvæðinu.
https://www.vedur.is/vedur/athuganir/kort/hofudborgarsvaedid/#group=100&station=1479

 

Vindur að ganga niður á höfuðborgarsvæðinu

En klikkar þjálfarinn

Ekki var nú fyrri hálfleikurinn mikið burðugri núna gegn Svíum en hann var gegn Noregi í gær. Byrjunin afleit í þeim báðum. Ástæðan? Aron Pálmarsson að sjálfsögðu og val Gumma á byrjunarliðinu. Nú hefur Aron spilað í sókninni allan hálfleikinn án þess að skora - og lungann úr hálfleiknum í vörninni þar sem allt lekur í gegn hjá honum. Lélegur bæði í sókn og vörn.

Það er greinilega fullreynt með Guðmund sem þjálfara landsliðsins. Vonandi verður hann rekinn sem fyrst þannig að nýr maður getur byrjað að byggja upp liðið.

Slæmt tap í síðasta leik

Aron inná til 3-11, Ólafur inná og 12-12

Það er alltaf að verða augljósara hvað Aron Pálmarsson er ofmetinn.
Hann byrjar leikinn en er tekinn útaf í stöðunni 11-3. Þá var Ólafur Guðmunds kominn inná og strax með stoðsendingu á Aron. Síðan ágætur leikur hjá íslenska liðinu enda Aron ekki með í seinni hluta hálfleiksins, hvorki í vörn né sókn.
Svo eru það kjánarnir í "settinu" sem undarlega nokk hafa ekkert vit á handbolta (fyrrum landsliðsmaður og svo toppþjálfari!). Kannski er þetta ekki heimska heldur djöfuls klíka (það má jú ekki gagnrýna Aron og alls ekki að nefna hvað Ólafur er góður).

Þriggja marka tap gegn Noregi

Ótrúleg hlutdrægni hjá RÚV

Einar Örn Jónsson, sá sem lýsir öllum leikjum íslenska liðsins, er ótrúlega hlutdrægur hvað varðar einstaka leikmenn íslenska liðsins. Aron Pálmarsson alltaf jafn stórkostlegur, sama hvaða gloríur hann gerir, og svo varla minnst á aðra.
Sama í "settinu" þar sem Aroni er hrósað í hástert og Alex reyndar einnig (sem á það meira skilið).

Varla er minnst á Janus Daða Smárason sem þó átti stórleik og var markahæstur með 8 mörk.
Hann var loksins í byrjunarliðinu og lék nær allan leikinn, hefur algjörlega tekið yfir stöðuna sem leikstjórnandi, sem Gummi Gumm þrjóskaðist við að reyna Elvar Örn í þessari stöðu lengi vel framan af mótinu.
Þvílíkur munur á liðinu með Janus á miðjunni.

Sigur gegn Portúgal í Malmö

Stórstjarnan sökudólgurinn!

Mikið hefur verið látið með Aron Pálmarsson, sérstaklega eftir fyrsta leikinn. Skiljanlegt kannski vegna þessa að hann gerði 10 mörk en í 17 skotum og amk þrjár misheppnaðar sendingar. 
Minna var fjallað um Aron í leiknum gegn Rússum enda gerði hann ekkert mark gegn þeim þó hann hafi leikið nær allan leikinn.

Svo er það tapleikurinn gegn Ungverjum. Fjögur mörk hjá Aroni en amk átta misheppnuð skot og/eða sendingar. Samt látinn spila nær allan leikinn.

Óhætt er að segja að dýrkunin á Aroni hafi verið stærsta orsök tapsins - auk stjórnunar Guðmundar á leiknum.
Undarlegt byrjunarliðsval (Elvar Örn, næstum nafni Einars Arnar sem dýrkar þennan næstum-nafna sinn "sjáðu fótavinnuna", látinn byrja þrátt fyrir fjöldamörk mistök í síðasta leik - og svo auðvitað einnig í þessum) og innáskiptingarnar. Haukur litli t.d. settur inná þegar fór að blása á móti, osfrv. 

Spái því að liðið fá ekki fleiri stig í þessu móti - og að þjálfarinn verði rekinn.

Alfreð Gísla er jú á lausu ...

Bakslag gegn Ungverjum

Lagergren er meiddur

Lagergren er meiddur á fæti og lék ekkert með Svíum í tapleiknum gegn Slóvenum. Er það skarð fyrir skildi því hann er einn af lykilmönnum liðsins.

Sænskir íþróttafréttamenn voru fúlir yfir því að sænska handknattleikssambandið vildi ekkert segja um meiðsli Lagergren en nú er það komið á hreint.

Kristján skiptir um leikmann á EM

"á báðum endum vallarins"?

Enn er verið að reyna að telja manni trú um að Aron Pálma sé góður í vörn. Þeir sem hafa horft á meistaradeildina í vetur í sjónvarpinu vita sem er að Aron spilar varla vörn með Barcelona. Ástæðan er auðvitað sú að hann er lélegur varnarmaður. Þessi lygi í íþróttafréttamönnunum er eflaust til komin til að sleikja sig upp við stjörnurnar, sem eru jú landlæg plága hér á landi.

Annars er Guðmundur greinilega á villigötum með þetta lið. Ég sá reyndar aðeins seinni hálfleikinn en Guðjón Valur sýndi þar að hann á ekki lengur heima í þessu liði (klúðraði víti og dauðafæri að auki). Þá er Viggó ekki sannfærandi (en sá gamli skrárri) svo það er spurning hvort ekki þurfi að kalla á Teit til liðsins.

Arnar Freyr er einnig slakur, bæði í vörn og sókn og samkvæmt lýsingu ætti Ágúst Elí frekar að vera með en Björgvin Páll.

Menn eru með væntingar fyrir EM en eftir að hafa séð þennan leik hljóta þær að hafa minnkað umtalsvert. B-lið Þjóðverja rúllaði yfir íslenska liðið.
 

Þjóðverjar keyrðu yfir Íslendinga í seinni

Koma kallinum í meðferð?

Mér skilst að Gylfi hafi ekki einu sinni drukkið kaffi hér á árum áður í sinni fullkomunaráráttu. 
Nú hins vegar sýgur hann það mikið í nefið í öllum viðtölum að spurning er hvort ekki sé kominn tími til að hann fari í meðferð (sama gildir auðvitað um félaga hans í landsliðinu Aron Einar)?
Mér skilst að SÁÁ sé mjög framarlega í slíku enda nær allir málsmetandi Íslendingar komnir á kókaín - og þurfa reglulega í meðferð.

Gylfi á aldrei að spila aftur fyrir Everton

Jafnréttissjónarmið eða pólitík?

Þetta er auðvitað mjög sérstök niðurstaða því þeir Davíð og Sigurður hafa mun meiri merítur en Ingveldur nokkurn tímann. Undarlegt reyndar að hæfnisnefndin hafi sett hana jafnháa þeim tveimur (og í flokki þriggja hæfustu) og spurning hvernig hæfnisnefndin var skipuð og af hverjum.

Svo segir frá ætt og politík Ingveldar (https://www.ruv.is/frett/domararnir-15-aettir-politik-og-vidskipti): 

"Faðir Ingveldar ... var Einar Ingimundarson, þingmaður Sjálfstæðisflokksins og sýslumaður og bæjarfógeti víða um land. Móðir Einars var Ingveldur Einarsdóttir, systir Eiríks Einarssonar þingmanns ... Sjálfstæðisflokksins, og föðursystir Steinþórs Gestssonar þingmanns Sjálfstæðisflokksins ... Föðursystir Ingveldar landsréttardómara var Helga Ingimundardóttir, eiginkona Sveins Benediktssonar stórútgerðarmanns og föðuramma Bjarna Benediktssonar, núverandi forsætisráðherra. Ingveldur og Bjarni eru því skyld í annan og þriðja lið."

Að lokum kemur fram að Ingveldur hafi aðeins lent í 6. sæti í tillögum hæfnisnefndar um val á landsréttardómara.
Já, þeir sjá um sína sjálfstæðismennirnir.

Ingveldur skipuð hæstaréttardómari

Það er ekki sama Jón og herra Jón!

Þetta hljómar nú eins og argasta hræsni hjá MAST í ljósi þess hvernig dýralæknarnir þar létu í hæsnamálinu fræga (lausagöngumálinu). Þá átti yfirdýralæknir ekki orð til að lýsa þvílíkt dýraníð væri þar á ferð en þó er ekki vitað til þess að nokkur hæna hefði drepist vegna slæms aðbúnaðar.

Nú hins vegar þegar hrossabændur eru annars vegar er öll samúðin með eigendunum en ekki dýrunum sem drápust eða eru illa farin eftir óveðrið um daginn.

Og rökin eru sú að hross hafi alltaf gengið úti frá ómunatíð, þ.e. að hrossabændur hafi alltaf sett á Guð og gaddinn. Maður hefði nú haldið að velferð dýra væru lengra komin í dag en þetta!

Ekkert regluverk virðist vera til um aðbúnað hrossa og auðvitað alls ekki að bændur mættu ekki hafa fleiri hross en þeir geta hýst með góðu móti þegar gerir svona veður. 

Í stað þess að leggja til breytingar á þessu - með að setja slíkt inn í reglugerð - er almenningur gagnrýndur fyrir að leyfa sér að þykja illa farið með skepnurnar.

Já, hrossabændur hafa löngum verið teknir silkihönskum, ekki bara af dýralæknum heldur og einnig af fjölmiðlum. Sjaldan eða aldrei er sagt frá slysum á fólki í útreiðum, ekki einu sinni andláti, líklega til þess að skemma ekki bísnessinn hjá hestaleigunum.
Og svo nú þetta með útigangshrossin!

Óvægin umræða um hrossaeigendur