Sérkennilegt að velja Teit Einars ekki!

Sérstaklega í ljósi þess að síðast var Teitur eina vinstrihandarskyttan í hópnum þegar Ómar Ingi forfallaðist. 
Nú eru hins vegar fjórir línumenn valdir og einn að auki sem aðeins spilar í vörn. Hefði vel mátt fækka þeim um einn. 

Þrír silfurdrengir í nítján manna EM-hópi

Hvaða ofsaveður?

Hér er fullyrt að ofsaveður gangi nú yfir landið - sem hlýtur að þýða landið allt.

Hér á höfuðborgarsvæðinu átti versta veðrið að skella á kl. 15. Flugferðum til útlanda hefur verið aflýst frá þeim tíma, kallað eftir því að fólk sæki börn sín í skóla eða leikskóla helst í hádeginu, stofnanir lokaðar og prófum í HÍ frestað, allt vegna "veðurofsans".

Reyndin er hins vegar sú að í Reykjavík kl. 15 var meðalvindur ekki nema 6 m/s og versta veðrið á rokrassinum Geldingarnesi eða 19 m/s. Spáin hljóðaði hins vegar uppá 21 m/s hjá Veðurstofunni (kl 15) og enn hærri hjá þeim sem reyndu að trompa hana.

Svo kom yfirlýsing frá helstu veðurfræðingum þessa lands um að lítið sé að marka norsku veðurstofuna yr.no sem aðeins spáði 9-10 m/s í borginni. Það virðist þó heldur of mikið í lagt hjá þeim norsku ef eitthvað er, amk eins og er!

Svo má auðvitað benda á hvað varðar "ofsaveður um allt land" að nær því logn er á Austurlandi og Austfjörðum en samt er þar "appelsínugul" viðvörun.

Já þeir eru snillingar hjá Veðurstofunni og Almannavörnum svo sem einnig - og svo sem einnig þeir sem hlaupa eftir þessari sjúklegu athyglisþörf veðurfræðinganna!

 

Rauð viðvörun í gildi á Norðurlandi eystra

Enn er haust hjá veðurfræðingunum!

"Fólki bent á að fylgjast vel með spám þar sem búist er við einu versta veðri haustsins hingað til."

Mörgum hefur fundist það sérkennilegt þegar veðurfræðingarnir tala um nóvember sem haustmánuð, jafnvel um október sem slíkan, en ég held að aldrei fyrr hefur nokkur maður heyrt (eða séð) enn talað um haust þegar komið er vel inn í desembermánuð! 

Meira að segja Danir, sem eru jú nokkrum breiddargráðum sunnar á hnettinum en við, láta sér nægja að tala um haustið fram til 1. des.

Norðmenn og Svíar eru hins vegar löngu komnir inn í veturinn.

Dreymir íslenskum veðurfræðingum kannski um að landið sé miklu sunnar en það er?

Svo má auðvitað að lokum nefna það að þessu veðri er ekki spá á yr.no svo dæmi sé tekið.

Ofsaveður í vændum

Með bestu mönnum?

Aron Sigurðar er meira en það. Hann hefur verið valinn einn af þremur bestu leikmönnum b-deildarinnar með 13 mörk og 10 stoðsendingar eða alls 23 stig eins og Norðmennirnir reikna stigagjöfina hjá sér.

Það er mu betri árangur en Aron Elís Þrándarson hefur sýnt með Álasundi en hann hefur þó verið valinn í íslenska landsliðið undanfarið en ekki nafni hans Sigurðarson.

Þetta er auðvitað nokkuð sérkennilegt því að Aron Sigurðar var fyrir nokkrum árum iðulega valinn í landsliðið þó svo að hann hafi alls ekki verið eins góður þá og nú.

Spurning um þennan blessaða skandinavíska landsliðsþjálfara okkar, sem ég held reyndar að hafi ekkert alltof mikið að gera. Hann gæti kannski lyft sínu rassi frá þægilega skrifboðsstóli sínum, eða legubekknum kannski frekar, og farið að fylgjast með þeim leikmönnum sem eru að spila á Norðurlöndunum og standa sig vel en fá engin tækifæri með landsliðinu. Býr maðurinn annars ekki þarna úti?

Íslendingaliðið í úrslit umspilsins

Mikil er trú þín kona ...

Spáin er sú að þessi hlýindi verði skammvinn. Strax á þriðjudag kólnar og svo frystir aftur á miðvikudag - og verður kalt eins langt og spár ná.

Svo er það auðvitað mánuðurinn sem er að líða. Hann stefnir í það að vera ansi kaldur, sérstaklega á Norður- og Austurlandi, en einnig syðra. Veðurstofan á eftir að upplýsa okkur betur um það - og ekki fyrr en síðar!

 

Spá 10 stiga hita í Reykjavík

Vinur í raun!

Einhvern tímann fyrir löngu heyrði ég málshátt sem var eitthvað á þessa leið: Segðu mér hverjir vinir þínir eru og ég skal segja þér hver þú ert.

Þetta gæti sagt manni margt um persónu Kristjáns Þórs í ljósi afhjúpunarinnar á Þorsteini Má.
Kristján ber við langvarandi vináttu við Þorstein og að þeir sé uppeldisfélagar.

Ég þekki þó margt skyldfólk Þorsteins fyrir norðan - og marga Dalvíkinga - sem vildi helst ekki kannast við skyldleikann - og jafnaldra Þorsteins á Dalvík sem könnuðust ekki við að vera vinir hans. Enda held ég að hann sé ekki vinmargur maður - og líklega er hann Akureyringur en ekki Dalvíkingur.

Kannski sem betur fer þetta um vinskapinn, enda segir annar málsháttur: Líkur sækir líkan heim. 

https://www.visindavefur.is/svar.php?id=5708

 

 

Erfitt að greina á milli vinar og forstjóra?

Hjartnæmt viðtal um áratuga langa vináttu!

Já þetta er svo sannarlega hjartnæmt viðtal við Kristján Júlíusson sjávarútvegsráðherra um hina miklu og nánu vináttu við Þorstein Má Baldvinsson, sem hefur verið ásakaður um fjármálahneyksli, mútuþægni, glæpamennsku og siðleysi!

Í ljósi þess að sjávarútvegs- og dómsmálaráðherra Namibíu hafa sagt af sér (eða verið reknir, eins og reyndar kemur fram annars staðar), þá fer það að vera himinhrópandi spurning hvort Kristján verði ekki einnig að segja af sér (eða látinn taka pokann sinn).
 
Í hvaða erindum var hann til Samherja t.d. þegar hann hitti þessa Namibíuhákarla og tók í höndina á þeim? "Minn maður í ríkisstjórninni", sagði Þorsteinn Má við þá. Þeir hafa eflaust skilið hvað hann átti við.

 

Kristján Þór: Ábyrgðin alltaf hjá fyrirtækinu

Fyrirsjáanlegt en lágkúrulegt

Samherji hefur löngum lagst lágt í lágkúrunni en þetta toppar það nú alveg.
Næg gögn eru til staðar sem sýna að æðstu stjórnendur hér heima stóðu fyrir þessu - og svo hefur verið bent á að mútugreislurnar hafi haldið áfram undanfarin þrjú ár eftir að "blóraböggullinn" var látinn taka pokann sinn.

Annars má einnig benda á að nú lætur stjórnarandstaðan illa, einkum kratarnir sem þó gerðu þetta mögulegt (Sighvatur Björgvins og "þróunaraðstoðin")!
Menn benda á lögreglurannsóknina á Seðlabankamálinu (og Samherja) sem Katrín forsætis fyrirskipaði - og sagði framgöngu Seðlabankans í garð fyrirtækisins grafalvarlegt mál!

Svo er það veiðigjaldið sem á að lækka mikið samkvæmt fjáraukalögum þrátt fyrir að gróðinn í sjávarútveginum hafi aldrei verið meiri en nú síðsumars - lækkun sem gerir það að verkum að ríkissjóður verður rekin með talsverðum halla á næsta ári.
https://www.mbl.is/200milur/frettir/2019/11/12/velta_sjavarutvegsins_104_milljardar_i_juli_og_agus/

Svo eru það tengsl sjávarútvegsráðherra við Samherja, sem m.a.s. hitti þessa Namibíumenn. Hann er kannski helsti frumkvöðullinn að þessari lækkun veiðigjaldanna - allt fyrir vinina fyrir norðan?

Annars er þetta mál sorglegt. Tvö sósíalistísk ríki, Namibía og Angóla, flækt í þetta spillingarmál. Báðir flokkarnir. sem þar ráða, voru hetjur sjálfstæðisbaráttunnar!

Jóhannes hafi flækt Samherja í ólögmæt viðskipti

Miklu fleiri en "Danir" á móti þessu!

Það var frétt um þetta á vef Aljazeera(!) sem ekki fór mikið fyrir í íslenskum fjölmiðlum.
Matthew Driscoll prófessor, hinn mikli Íslandsvinur sem sér um safnið við Kaupmannahafnarháskóla, er algjörlega mótfallinn þessu og sömuleiðis Haraldur Bernharðsson prófessor í miðaldafræðum við HÍ:

https://www.aljazeera.com/news/2019/11/denmark-iceland-clash-priceless-mediaeval-manuscripts-191110064837606.html

Líklegt má telja að þetta sé einfaldlega þjóðernispopulismi hjá Lilju Alfreðs, sem og tilraun stjórnvalda og stjórnenda Árnastofnunar hér á landi til að réttlæta að verið sé að fylla upp í holu íslenskra fræða (en þar er hugmyndin að koma fengnum fyrir ef hann fæst).

Handritin eigi heima í Danmörku

Allir "stjörnur" hjá Svíanum!

Sænsku íþróttafréttamennirnir, sérstaklega þó hjá "gulu" pressunni sem Expressen óneitanlega er, kalla nær alla leikmenn bestu liðanna þar í landi fyrir stjörnur.

Arnór Ingvi er þannig aðeins ein af stjörnunum hjá Malmö, ekki Stjarnan sem stóru essi!

Arnór stjarnan í Malmö: Stekk ekki á hvað sem er