Skjótt skipast veður í lofti

Fyrir einungis 4 dögum sagði þessi sami ráðunautur, Hermann Árnason, að ástandið hjá sauðfjárbændum væru alveg ótrúlega gott

Sjá: http://www.mbl.is/mm/frettir/innlent/2010/05/13/kindur_drapust_a_einum_bae/

Nú fjórum dögum síðar er ástandið allt í einu orðið allt annað - og ólíðandi! Viðbrögð þessi eru eflaust komin til vegna þess að bændur sjálfir voru farnir að hafa frumkvæði að því að bjarga fé sínu af öskufallssvæðinu - og vegna pressu frá bændunum sjálfum á ráðunautana.

Mér er spurn. Hefði ekki verið nær að Búnaðarsambandið hefði sjálft haft frumkvæðið að þessum flutningum - og jafnvel verið löngu byrjað að girða landið sem talað er um? Þetta ófremdarástand hefur jú varað í meira en mánuð svo nægur hefur viðbragðstíminn verið.

Bændur vilja losna við sauðfé

Athugasemdir

[Njörður Helgason, 16.5.2010 kl. 18:03]

Ágætur ráðanautur hefur verið með hugann við að ástandið sé ekki jafnslæmt og menn og konur horfa upp á í dag.

[Haraldur Bjarnason, 16.5.2010 kl. 20:29]

Hef oft velt fyrir mér hvers vegna þessi starfsmenn Búnaðarsambandanna eru kallaðir ráðunautar. Þeir eru ekki að njóta ráða, heldur gefa þau og ættu því að kallast ráðgjafar.

[Torfi Stefánsson (IP-tala skráð) 16.5.2010 kl. 21:06]

Já, eða af hverju er talað um skuldunauta í þekktum texta ... Hvers konar naut eru það eiginlega?

En kannski starfa ráðunautarnir bara fyrir naut-gripabændur (sem flest bendir til) og er þá starfsheitið skiljanlegt.

[Sigurður Haraldsson, 16.5.2010 kl. 21:09]

Ég er búin að vera á svæðinu nógu lengi til að sjá að það verður að rýma það tafarlaust þarna næst Eyjafjöllum ættu hvorki menn né búsmali að vera!