Skotarnir miklu betri!

Menn höfðu átt að láta meira með íslenska liðið og hversu lélegir Skotarnir væru. Þeir eru miklu betri í fyrri hálfleiknum og íslenska liðið arfaslakt.

Verstir eru A-landsliðsmennirnir, allir nema Eggert Gunnþór, og sýna núna að A-liðið veikist ekkert við fjarveru þeirra í leiknum gegn Portúgal á morgun.

Mér finnst Rúrik Gíslason lélegasti maðurinn á vellinum og skil ekki af hverju sá maður er í A-landsliðinu - og af hverju er verið að hampa honum svona mikið.

Birkir Bjarnason hlýtur að koma inn á í hans stað í hálfleiknum.

Þá hefur Gylfi Þór ekki sést í leiknum og Jóhann Berg og Kolbeinn horfið á löngum köflum. Vörnin er hins vegar góð með Eggert sem besta mann. Vonandi fáum við að sjá besta mann Íslandsmótsins, Alfreð Finnbogason, einnig inn á í seinni hálfleiknum, mann sem getur haldið boltanum og skapað eitthvað.

Svo var Björgólfur að spá 3-0 fyrir Íslandi!!!

Ísland í úrslit EM

Athugasemdir

[Rikki (IP-tala skráð) 11.10.2010 kl. 20:20]

"Þá hefur Gylfi Þór ekki sést í leiknum" HAFNAÐ... hann var að skora, það eru mörkin sem telja

[Dóri (IP-tala skráð) 11.10.2010 kl. 20:30]

Helvíti hlýtur þér að líða vel núna... ha ha ha h

[Þorsteinn Þormóðsson, 11.10.2010 kl. 20:42]

Djöfull drullaði greinarhöfundur upp á bak!! hehehe

[brynjar (IP-tala skráð) 11.10.2010 kl. 20:43]

aldeilis þarftu að éta orðin þín hrá núna

[Guðni (IP-tala skráð) 11.10.2010 kl. 20:54]

Ég verð að vera alveg sammála þér með Rúrik, fannst hann ekki geta neitt og ég saknaði Gylfa þarna á kantinum því það var ljóst að hann naut sín ekki nærri því eins vel þarna í holunni. Gylfi var slakur í fyrri hálfleik en sýndi hversu megnugur hann er með því að klára leikinn og var ekki nálægt því að spila sinn besta leik. Skotum til hrós þá mættu þeir með allt annað hugarfar í þennan leik og stoppuðu í holurnar sem voru að stríða þeim í síðasta leik sem voru bakverðirnir þeirra. En strákarnir okkur sýndu mikinn þroska með því að vera þolinmóðir og guggna ekki undir mikilli pressu skotanna! Fannst Eggert og Aron Einar bestu menn leiksins.

[Torfi Kristján Stefánsson, 11.10.2010 kl. 20:58]

Elskurnar mínar! Rólegan æsing. Tvö mörk upp úr engu og Ísland áfram!

Flott hjá Gylfa að sjálfsögðu, sérstaklega síðara markið sem er mark sem verður lengi í minnum haft, en leikur liðsins alls ekki góður. Betri í seinni hálffleik að vísu.

Gylfi Þór sýndi auðvitað með þessum mörkum af hverju hann var keyptur fyrir metfé - og á tvímælalaust heima í íslenska A-landsliðinu ásamt með Eggerti Gunnþór.

Aðrir hafa hins vegar ekkert að gera þar, þó svo að Rúrik hafi reyndar skánað í seinni hálfleiknum og tekið góðan þátt í varnarvinnunni.

Þetta bítur sem sé ekkert á mig þrátt fyrir skrifin í leikhléinu, enda gleðst ég yfir sigrinum rétt eins og þið, krúttin mín!

[Hjörtur Herbertsson, 11.10.2010 kl. 21:05]

Afhverju töpuðu skotarnir báðum leikjunum, ef þeir eru svona miklu betri?

[Torfi Kristján Stefánsson, 11.10.2010 kl. 21:17]

Svona er fótboltinn. Skotanir voru betri í þessum leik, sérstaklega í fyrri hálfleik en Gylfi Þór gerði útslagið. Einn maður með skotfót í heimsklassa nægir!

Svíar eru hins vegar úr leik eftir 1-1 jafntefli heima gegn Sviss, eftir 4-1 tap úti í fyrri leiknum. Það verða því Danir og Íslendingar sem verja heiður Norðurlandanna í úrslitakeppninni næsta sumar.

Hér er skemmtileg lýsing á leiknum: http://www.uefa.com/under21/matches/season=2011/round=2000007/match=2003242/report/index.html#sigurðsson+stunners+push+iceland+past+scotland

[Geir (IP-tala skráð) 11.10.2010 kl. 21:26]

Þú ert nú reyndar að gleyma Aron Einari sem var klárlega besti maðurinn á vellinum og þá sérstaklega í fyrri hálfleik. 

Ég er alls ekki sammála þér með að þessir menn geri A- liðið verra enda er það varla hægt.  Það er ekkert bogið við það að Skotland sú mikla fótboltaþjóð hafi átt meira í leiknum í fyrri hálfleik með 15.000 manns á bakinu.  Ég man bara eftir einum leik hjá karlaliði Íslands gegn Skotum sem Ísland hefur verið mun betri aðillinn í og það var á fimmtudaginn. 

Það væri t.d. mjög forvitnilegt að sjá yngra og eldra liðið mætast þó svo að það verði sennilega mikill markaleikur enda yngra liðið með frábæra kantmenn og svo set ég nokkur spurningamerki við bakverði og markvörð yngra liðsins.  Hann minnir svolítið á suma markverði í kvennaboltanum  sem eru einhvern veginn skrefi á eftir útileikmönnunum. 

Það er alveg ljóst fyrir utan 2-3 undantekningar þá eru mikið meiri gæði í yngra liðinu heldur en því eldra þó svo að  það hafi ekki verið mikill gæðastimpill á leik liðsins á köflum í kvöld.  Það lá mikið undir og Íslenskt karlalið hefur jú aldrei verið í eins miklum séns á að gera eitthvað að viti í stórmóti áður.  Reynsluleysið sást stundum á leik liðsins og menn tóku oft kolrangar ákvarðanir og áttu auðvitað að reyna gera hlutina einfaldari og reyna að halda boltanum innan liðsins annað veifið en það kom ekki að sök enda höfum við einn efnilegasta leikmann sem hefur komið upp á Íslandi í þessu liði sem tók sig til og kláraði leikinn.

[Torfi Stefánsson (IP-tala skráð) 11.10.2010 kl. 21:53]

Sammála þér Geir um Gylfi Þór sé einhver efnilegasti leikmaðurinn sem við höfum eignast. Eins og völlurinn er á Þjóðverjum þessi misserin er hann í góðum höndum hjá þeim og verður bara betri.

Hins vegar er ég ósammála þér (og Guðna) um að Aron hafi verið góður. Hann er vissulega líkamlega sterkur og vinnusamur, en gerir alltof mörg mistök: Of margar feilsendingar, getur ekki skallað boltann nema nokkra metra frá sér og brýtur oft illa af sér á hættulegum stöðum. Þá dekkar hann alls ekki nógu vel - en það var reyndar einkenni á miðjumönnunum í dag og bakvörðunum líka (enda annar þeirra tekinn útaf í hálfleik).

Mér fannst íslenska liðin einfaldlega heppið í dag og Skotarnir klaufar að vera ekki löngu búnir að gera út um leikinn (skot í stöng, bjargað á línu og skallað yfir, allt í sömu sókninni!). Svo var þetta klárlega víti hjá Skotunum í lokin þegar dómarinn dæmdi leikaraskap (reyndar skipti það ekki máli).

Ég hef aldrei fyrr séð dómara fagna marki með leikmanni, eins og hann gerði eftir seinna mark Gylfa. Svo eru menn alltaf að bölva Svíunum!!

[Gerti (IP-tala skráð) 11.10.2010 kl. 22:06]

Það er nú gott að þú skulir nú ekki vera þjálfari Íslenska landsliðsis, með því að dæma um hver á heima í því út frá einum leik. Kannski að benda þér á það að:

það var ekkert lið sem skoraði eins mörg mörk og Ísland í riðlakeppninni. Skoraði fleiri mörk en þjóðir eins og Holland, Spánn, Ítalía ofl.

Ísland var á útivelli í þessum leik og það lág mjög mikið undir svo menn eflaust smá stressaðir

Ísland vann samanlagt 4-2 í þessum tveimur rimmum 

Skotar voru taldnir hafa mjög sterka vörn og ég held að þeir hafi unnið alla sína heimaleiki í riðlakeppninni

Þetta lið vann Þýskaland 4-1

Þetta lið er komið í úrslitakeppni á stórmóti í frysta skipti í sögu Íslands. 

Eflaust hægt að telja fleira um þetta lið.

Held að allir þessir punktar séu stærri en A landslið okkar hefur gert í sögunni, sem eina sem það getur hreykt sér að er að standa sig vel í æfingarleikjum og ná 1-1 jafntefli við Frakka. 

[Janus (IP-tala skráð) 11.10.2010 kl. 22:28]

Þú gleymdir einu Gerti.  Íslenska U-21 árs liðið er eitt af átta bestu liðunum í Evrópu!

[jóhann (IP-tala skráð) 11.10.2010 kl. 22:47]

Að segja að Aron Einar hafi ekki verið góður.Hann vann hrikalega vel fyrir liðið og hann var eini á köflum sem hélt boltanum mjög vel og spilaði einfalt þegar það var hvað mikilvægast.

Og þetta sýnir bara hvað Gylfi er sterkur spilari að geta gert útum svona leik þótt hann eigi "lélegan leik" að mínu mati voru það Aron Einar og Gylfi bestir í dag.

[Sæmundur Bjarnason, 11.10.2010 kl. 23:07]

Sá síðari hluta fyrri hálfleiks og allan síðari hálfleikinn. Held að jafnvel hlutlaus áhorfandi hefði séð að íslensku leikmennirnir voru mun betri.

[karl (IP-tala skráð) 12.10.2010 kl. 00:19]

Þetta var alls ekkert víti þegar hann dæmdi á leikaraskapinn. Athugaðu hvort þú finnir ekki atvikið einhvers staðar á netinu til að skoða það betur.

[einar (IP-tala skráð) 12.10.2010 kl. 01:48]

hvað meinarru um að þetta hafi verið víti? það var engin snerting sástu þetta ekki í endursýningunni