Leikreynt og traust lið

Mér sýnist að leikflétta forystu KSÍ hafi gengið algjörlega upp. Þvingað landsliðsþjálfarann til að velja sterkasta liðið (og að auki komið 21 árs liðinu í úrslitakeppnina á EM næsta sumar).

Þetta er leikreynt og traust lið - og eru allir leikmennirnir í fínni leikæfingu þar sem þeir spila reglulega með félagsliðum sínum, nema þá helst Eiður Smári.

Hvort það sé rétt að liðið spili 4-4-3 á hins vegar eftir að koma í ljós. Frekar 4-5-1 ef ég þekki þjálfarann rétt (eða jafnvel 7-2-1 svo varnarlega sinnað er liðið og ekki í fyrsta sinn). Birkir Már er jú bakvörður og síðan eru tveir varnartengiliðir auk fjögurra manna varnarinnar.

Það eru aðeins Eiður, Theódór og Heiðar sem eru sóknarlega þenkjandi, þó svo að Birkir geti alveg tekið spretti upp kantinn.

Eða eins og Óli þjálfari sagði: Liðið mun liggja í vörn en reyna að fara í eina og eina sókn - og hanga á jafnteflinu.

Metnaðarfull áætlun það og uppörvandi fyrir leikmennina sem eiga auðvitað betri þjálfara skilið.

Byrjunarlið Íslands gegn Portúgal