Eigum við ekki betri markmann en þetta?

Ömurlegum leik íslenska landsliðsliðsins var að ljúka, gegn frekar lélegu portúgölsku liði. Mörkin þrjú sem Portúgal gerði voru öll af ódýrara kantinum. Ég sleppi því síðasta sem sýndi auðvitað hversu lélegur markmaður Gunnleifur Gunnleifsson er.

En hvað með hin tvö? Tvö skot utan af velli þar sem markmaðurinn hreyfði sig ekki. Fyrst laus bolti úr aukaspyrnu hjá Ronaldo sem flestir hefðu varið, en ekki Gunnleifur. Svo skot utan af velli, mun lélegra en hjá Gylfar Þór og Ormari í 21 árs liðinu, en lá samt í netinu.

Valið á markmanninum verður auðvitað að skrifast á þjálfarann (það er auðvitað hörku markmaður að spila í Noregi, Stefán Magnússon, sem landsliðsþjálfarinn velur aldrei) en meira en það.

Leikur íslenska liðsins var mjög hugmyndasnauður fram á við en samt var ekkert gert. 1-2 í hálfleik en engin breyting. Það var ekki fyrr en á 84. mínútu sem manninum sem var í besta leikforminu var skipt inn á, Veigari Páli, en þá var það alltof seint.

Niðurstaðan eftir þennan leik eru þrír leikir og þrjú töp í undankeppni EM. Þetta hlýtur að skrifast á landsliðsþjálfarann. Nú er tími, fram á vor, til að skipta um mann í brúnni. Ef það verður ekki gert þá efast ég um að nokkur maður sýni áhuga á A-landsliðinu og mæti á leiki þess.

En hér er einnig við íþróttafréttamenn að sakast. Þeir eru ótrúlega meðvirkir, og hlutdrægir, og virðast sætta sig við þessi ömurlegu örlög. Setningar eins og "boltinn var blautur og spýttist" þegar Guðleifur gerði fatal mistök í þriðja markinu (ég man þegar flott skot Skotans í fyrri leik 21 árs liðsins hér heima þandi netmöskvana þá sögðu fréttamennirnari að markmaður íslenska liðsins hefði getað gert betur). Þegar Gunnleifur sleppi tveimur frekar lausum langskotum inn í markið án þess að hreyfa legg né lið, þá sögðu íþróttaþulirnir ekki neitt.

Er ekki kominn tími til að FH-klíkunni verði bolað frá völdum, bæði hvað varðar landsliðsþjáfarann og íþróttafréttamennina?

 

 

Portúgal hafði betur í Laugardalnum

Athugasemdir

[Alexander Ustinov (IP-tala skráð) 12.10.2010 kl. 22:42]

Þú virðist ekki vita mikið um íþróttir almennt. Í fyrsta lagi þá sér Gunnleifur aldrei boltann því spyrnan var svo lág, í öðru lagi þá var þetta veggnum að kenna því þeir snéru baki þegar ronaldo spyrndi boltanum og hoppuðu ekki einu sinni, hefðu þeir hoppað þá hefði þetta ekki verið mark því boltinn fór rétt yfir höfuðið á íslendingnum.

Og þú minnist á eitthverja FH klíku hjá íþróttafréttamönunnum, þú verður greinilega að fara lesa þig til um Einar Örn Jónsson og Bjarna Guðjónsson, þá sem lýstu leiknum. Einar Örn Jónsson er leikmaður Hauka í handbolta og Bjarni leikmaður KR í fótbolta, þeir tengjast FH ekki á neinn hátt!! og afhverju ættu þeir að hlífa Gunnleifi eitthvað sem leikur með FH. 

[Þorkell Hólm Eyjólfsson, 12.10.2010 kl. 22:54]

Ég held að þú ættir að kynna þér málin aðeins betur áður en að þú ferð að níðast á Gunnleifi.
Gunnleifur er án vafa besti markmaður Íslands um þessar stundir og í raun finnst mér ótrúlegt að hann spili með íslensku liði, hinsvegar er það auðvitað alls ekki gott að besti markvörður Íslands spili á Íslandi.

"(ég man þegar flott skot Skotans í fyrri leik 21 árs liðsins hér heima þandi netmöskvana þá sögðu fréttamennirnari að markmaður íslenska liðsins hefði getað gert betur)"
Þetta mark var klárlega mun meiri markmannsmistök heldur en mörkin sem Gunnleifur fékk á sig, hann stóð við enda teigsins og bauð algjörlega uppá þetta sem gerir þetta mark heldur ekkert svo sérstak, þú nefnir heldur ekki að Gunnleifur varði oft og vel og hefði munurinn getað verið mun meiri.

[Torfi Stefánsson (IP-tala skráð) 12.10.2010 kl. 22:59]

Þetta er vonandi vitleysa hjá mér um FH-klíkuna en landsliðsþjáfarinn þjálfaði jú FH um árabil.

Hins vegar fer ég ekki aftur með frammistöðu íþróttafréttamannanna. Þeir voru greinilega meðvirkir og tilbúnir að sætta sig við tap gegn lélegu liði Portúgala ("úrslit sem ekki koma á óvart", "var þetta ekki viðbúið", "á brattan að sækja"). Ég vil minna á að þeir voru búnir að tapa fyrir slöku liði Norðmanna og gera aðeins jafntefli við Kýpur á heimavelli (sem hafa tapað báðum leikjunum gegn slöku liði Dana). Mörkin voru og af ódýrara taginu og engar sleggjur eins og þulirnir voru að fullyrða til að afsaka markmanninn og íslenska liðið.

Nei burt með þennan þjálfara og það strax.

[Sigurður Þorsteinsson, 12.10.2010 kl. 23:11]

Ég man eftir einum Torfa Stefánssyni og hann hafði ekkert vit á íþróttum. Ef þetta er sá hinn sama hefur hann ekki bætt miklu við sig í þekkingu á fótbolta. Jú Gunnleifur gerði mistök í þriðja markinu, en ein mistök gera hann ekki brottrækan úr  landsliðinu. E.t.v. hefur Torfi Stefánsson einhvern tímann gert mistök, það þýðir ekki eilífa útskúfun.

[Torfi Stefánsson (IP-tala skráð) 12.10.2010 kl. 23:43]

Siggi minn, ekki man ég nú eftir þér úr fótboltanum og þú eflaust ekki heldur eftir mér, enda skiptir það ekki máli.

Það sem skiptir máli er árangur landsliðsins. Við Íslendingar erum lægstir í riðlinum eftir þrjá leiki (þar af tvo heimaleiki) og með ekkert stig.

Ég þori að fullyrða að íslenska landsliðið hafi aldrei byrjað verr en núna í nokkurri keppni. Þess vegna þarf að stokka upp í þjálfunarmálunum. Þjálfarinn er greinilega ekki að meika það.

Það sem ég hef áhyggjur af er metnaðarleysi hjá fótboltaspekingum. Það er eins og menn sætti sig við tap æ ofan í æ.

Hvað Gunnleif varðar þá er ég ekki einn um þá skoðun að hann hefði getað gert betur. Þriðja markið verður auðvitað að skrifast alfarið á hann. En einnig annað markið. Þá sagði einn íþróttafréttmaðurinn, þaulkunnugur í olgusjó fótboltans, að Gunnlaugur hafi verið "frosinn á marklínunni". Fyrsta markið sem hann fékk á sig má einnig skrifast á hann.

Árni Gautur er miklu reyndari markmaður og hefði átt að standaní markinu (fór ekki Gunnleifur einhvern tímann til Lichtenstein og lék með liði þaðan í svissnesku deildinni sem fékk ekkert stig og Gunnleifur ógrynni af mörkum á sig?).  Árni Gautur er hins vegar farinn að gefa sig svo menn eins og Stefán Magnússon, sem landsliðsþjálfarinn lítur ekki við, hlýtur að fara að koma til greina. Stéfán er amk með miklu meiri alþjóðlega reynslu en Gunnleifur sem ætti að láta sér nægja að spila hér heima.

[Óskar, 13.10.2010 kl. 02:58]

Tek undir með Torfa.  Góður markmaður hefði ráðið við 1. markið,   sæmilegur markmaður hefði tekið 2. markið en Gunnleifður stóð eins og vegstikla þarna í markinu og hreyfði sig ekki og 3ja markið var náttúrulega blunder hjá honum.   Ef við eigum ekki betri markmenn en þetta þá er útlitið ljótt.  Var ekki annars Árni Gautur á bekknum ?  Hann hefði allavega tekið tvö af þessum skotum. 

En hitt er svo annað mál að leikurinn var einfaldlega lélegur hjá Íslenska liðinu.  Portúgalir höfðu ekkert fyrir þessu, stjórnuðu leiknum mjög auðveldlega og löbbuðu í gegn þegar þeir nenntu því.  Þessi frammistaða var einfaldlega skandall.

[Geir (IP-tala skráð) 13.10.2010 kl. 07:16]

Þó svo að þú sért alvitur um fótbolta þá held ég að þú sért ekki að taka allt með í reikningin.  Að vera markvörður snýst ekki bara um að standa á línunni og verja.  Það eru svo margir aðrir þættir sem spila inní eins og að t.d. hafa stjórn á vörninni, koma boltanum í leik, geta tekið á móti bolta, farið út í teig ofl.  Gunnleifur er mun sterkari en Árni Gautur í mörgum af þessum atriðum.  Árni er fínn línumarkmaður en hann t.d. er með ömurlegar spyrnur og ég held að margar stelpur sparki lengra en hann.  Hann bara fer ekki út í teigin og tekur fyrirgjafir og svo heyrist ekkert í honum og það er þess vegna oft mikið óöryggi á vörninni fryrir framan hann.  Stefán Logi er ágætur og er 3 besti markvörður sem við eigum og þessi alþjóðlega reynsla sem þú talar um hefur held ég ekkert að segja. Þó svo að hann hafi spilað í einhverjum yngri flokkum út í heimi og komið svo heim þar sem hann hætti næstum og fór svo í svo sem sæmilega deild í skandinavíu sem hann hefur verið í 1 ár.

[Leifur Finnbogason, 20.10.2010 kl. 20:39]

Ég sá eitt myndbrot á youtube frá leik með Gunnleifi þegar hann spilaði með Vaduz. Leikurinn tapaðist 6-0.

Honum var hinsvegar hrósað fyrir sinn leik, og má sjá nokkur tilþrif frá honum í myndbrotinu. Stórtöp eru ekki alltaf, og sjaldnast, markvörðum að kenna. Ég veit t.a.m. ekki betur en að íslenski landsliðsmarkvörðurinn (sem ég man því miður ekki hvað hét) hafi staðið sig mjög vel í 14-2 leiknum.