Ekkert að afsaka, bara segja af sér

Þetta afsökunarhjal landsliðsþjálfarans er að verða nokkuð þreytandi. Áður en það verður að kæk hjá manninum og aðhlátursefni hjá þjóðinni, þá ætti hann að hafa vit á því að segja af sér.

Jafn slæma stjórn á liði hef ég sjaldan séð, nema þá kannski í tveimur fyrstu leikjunum í þessari keppni (gegn Lettum hér heima og Austurríki úti) og svo fjórum síðustu leikjum á HM (tapleikjunum fjórum). Jú og svo auðvitað leikurinn gegn Makedónum um árið sem kom í veg fyrir að við værum með í úrslitum á EM síðast.

Guðmundur er greinilega kominn á endastöð með liðið - og skortir algjörlega hugmyndir til að þróa þetta lið. Nú er Aron Kristjánsson á lausu og ekkert að vanbúnaði að hann taki við liðinu. Annars er hætt á að við töpum fyrir Lettunum og verðum langt frá því að komast áfram.

Ytra unnu allar Norðulandaþjóðirnar (Norðmenn, Danir og Svíar), og standa vel að vígi. Þeir hafa hins vegar áhyggjur af því að vinna ekki riðilinn og komast þannig ekki í þægilegan milliriðil. Við ræðum slíkt auðvitað ekki, heldur reynum bara að gleyma þessu og segja eins og venjulega: "Þetta reddast"!

 

Guðmundur: Biður þjóðina afsökunar(myndskeið)

Athugasemdir

[Theódór Norðkvist, 14.3.2011 kl. 01:33]

Þó ekki sé hægt að segja að landsliðið sé skyldugt að sýna frammistöðu yfir einhverjum vissum gæðastaðli, var þetta óvenjuslakt í kvöld hjá þeim.

Það er allavega ljóst að handknattleiksyfirvöld telja sig ekki skyldug til að sjá til að þjóðin sjái leiki landsliðsins á stórmótum og sé ekki þvinguð til að eiga viðskipti við fjárglæpamenn til að sjá leikina.

Það hefur síðan orðið til þess að ég hef spurt hvort ég sé nokkuð skyldugur til að styðja landsliðið yfirhöfuð, hvort sem er fjárhagslega eða með hvatningum. Ekki einu sinni af þjóðernisástæðum.

Ég er sammála að Guðmundur hafi náð vissum endapunkti með liðið, sé orðinn þurrausinn og tími kominn til að skipta um karlinn í brúnni.

[Hannes Hilmarsson (IP-tala skráð) 14.3.2011 kl. 11:59]

"Jafn slæma stjórn á liði hef ég sjaldan séð, nema þá kannski í tveimur fyrstu leikjunum í þessari keppni (gegn Lettum hér heima og Austurríki úti) og svo fjórum síðustu leikjum á HM (tapleikjunum fjórum). Jú og svo auðvitað leikurinn gegn Makedónum um árið sem kom í veg fyrir að við værum með í úrslitum á EM síðast."

 Þú fylgist sem sagt ekki með íslenska landsliðinu í fótbolta?

Annars er ég að mestu sammála um að komið sé að endapunkti. Það er ekki heldur gott að landsliðsþjálfarinn sé að þjálfa félagslið samhliða því að sjá um landsliðið.